عاوز اتكلم عن الردميه بعد التخرج من كليه الطب الخيارات المتوفره شنو ما حاذكرها كله وبدون تفاصيل لكن الحاجات المهمه عشان الواحد يكون عارف هو عاوز يعمل شنو ومقدرتو العمليه والماديه شنو انشرو البوست دا عشان الناس تستفيد منو طيب خلصت بسم الله الحاجات الممكن اعملها شنو انت حتكون
ماشي في البروسيس حقت المجلس الطبي من انك تودي الريليز وتسجل للقسم وبعدها تسجل للامتياز وجرجرتو حقت شهاده الميلاد السودانيه وبطاقه العمل وغيرو ممكن نتطرق ليها في وقت اخر طيب انا حاقعد كم لغايه ما انزل امتياز دي حاجه ماثابته طيب هل ممكن انجز في الفتره دي اي ممكن انت وقت استلمت
شهادتك من الجامعه ممكن تمشي تقدم ماستر طوالي سواء جامعات في السودان او خارجيا بس تكون عامل ايلتس في دول كتير بتشيل سواء اورباا او الصين اوجنوب افريقيا وكدا طيب انا عاوز اتخصص ماعاوز ماستر حقك برضو لكن ممكن تعمل ليك ماستر يستدك لقدام في تخصصك مادام اساسا انت ممكن تكون مستني
الامتياز سنه وبدل ماتقضيها اتاش واحتمال يحسبو واحتمال لا تكون تميت نص الماستر وخلال الامتياز تتم الباقي وعادي بتززبط مع التوزيع طيب عاوزين نشوف خيارات التخصص شنو الامتحانات الممكن امتحنها خلال الامتياز لو انت ماشي على امريكا او قطر انت ممكن تمتحن الاستيب او الايفوم في اي وقت
طبعا الاستيب ممكن تقدم بيهو قطر مع اني سمعت كلام ان احتمال يلغو الحاجه دي مامتاكد منها ومادام جبنا سيره امريكا طبعا استيب ون وتو اسعارهم التقريبيه الف وميه دولار لكل امتحان والعملي التالت في امريكا سعرو ممكن تلات الف دولار الاول والتاني ممكن تمتحنو في مصر والخليج لان لسا
ماعندنا سنتر ومشكلتنا كسودانين كانت في الفيزا واحتمال هسا تتسهل بعد الحصل جديد طيب قطر مدينه حمد هو بورد عربي بتمشيه بالايفون امتحانو ٣٠٠ دولار بالاضافه لايلتس او توفيل وتقدم عل مدينه حمد لو شالوك بتتخصص هناك وبيدوك راتب شهري لايقل عن 4الف دولار في الشهر وسمعت ان زادوها طيب
تاني ممكن اعمل شنو خلال الامتياز ممكن تمتحن رويال كوليج لكن لازم تكون محدد لاينك لان انت بتمتحن حسب التخصص يعني mrcp باطنيه وجلديه mrcs جراحه وكدا امتحاناتها بالجنيه الاسترليني لكن بتعادل بالدولار بحدود 700 دولار للامتحان العادي والعملي ممكن يكون الف دولار تقريبا عملت عضويه
كامله يعني امتحنت امتحانات الجراحه الاتنين والباطنيه التلاته وكل زول عل حسب الحاجه الماشيها مع امتحان لغه سواء ايلتس ولا oet ممكن تقدم بريطانيا وتسجل في المجلس الطبي وتشتغل سيرفس لغايه ماتلقى ترينج يعني تخصص برواتب مجزيه ميزتو ان الامتحانات كلها متوفره في السودان سلبياتو لناس
الجراحه ممكن ياخدو زمن لغايه مايلفى فرصه تخصص لكن بيكون قاعد شغال في بريطانيا عمومي وبالنسبه للباطنيه صعبه فرصه امتحان العملي عشان الwaiting وممكن انت لو ماقادر تحدد تمتحن البلاب وهو لازم قبل ماتمتحنو يكون عندك لغه وتمتحن الاول في السودان والعملي في مانشستر وفي كلام انو في
2023 حيتلغي طيب خلصت الامتياز وماكنت شغال بالمواضيع دي وصراحه الامتحانات دي مكلفه اعمل شنو في حل ايرلندا امتحن لغه وبشهاده الامتياز تقدم عمومي هناك وفي حل اللوكال الحنين تخش موقع مجلس التخصصات بتلقى كم وتلاتين تخصص شوف البينفع معاك ولقط الماتيريال لان للاسف المجلس الوحيد في
العالم الماعندو ماتسريال هو بتاعنا دا لو امتحنت بارت ون ونجحت انت كدا رجسترار بتنزل تخصص اربع خمس ست حسب التخصص وبعدها تمتحن بارت تو وتبقى اخصائي سلبياتو لغايه هسا ان انت بتدفع ومابتاخد راتب وان شاء الله نتايج الاضراب تجيب حقهم وتاني شي امتحان بارت ون دا عادي ممكن تمتحنو كم مره
وماتنجح لانهم بيشيلو بالحوجه وقالو احتمال تتغير وصراحه لازم تتغير الامتحانات قالو بقت ب٢ مليون كانت غايتو بمليون واحد طيب في تاني للناس العاوزين يتخصصو في السودان لكن خايفين من حكايه الامتحان في البورد العربي في السودان بتسجل بدون امتحان وبتمتحن بعد ماتتم سنه في التخصص وبتكون
محسوبه وحتى لو مانجحت بيدوك فرصه تانيه وتالته هنا بتدفع غير حق المجلس ٣٠٠ دولار في السنه واتوقع برضو في قروش حق الامتحان ميزتو بتنزل في السودان وممكن تتم برا وتاني شي مابتمتحن طوالي ...نطلع عل مصر الزماله المصريه خيار جميل جدا كل التخصصات موجوده طوالي ك صب يعني مابتحتاج تاخد
تخصص عام وبعدين صب يعني طوالي مدسن كارديو جراحه تجميل وهكذا الزماله معترف بيها في حتات كتير السنه ب١٥٠٠ جنيه استرليني تقريبا مامتاكد من السعر بتتدرب كويس خمس سنه وتكون امورك واضحه المعيشه في مصر ماغاليه بس عيبها انت هنا برضو بتدفع مابتاخد ....طيب خيارات زي المانيا وكندا
واستراليا وماليزيا دي حاقولها سريع لقدام ممكن نتطرق ليها
المانيا لغه المانيه ومبلغ للحساب البنكي المغلق حاجه بتاعت عشر الف يورو تقريبا لكن بعد سنه لما تمتحن البيرمنانت حقهم فرصه تلقى تخصص عاليه والرواتب حسب الولايه لكن من 3500 يورو وانت طالع والتخصصات الجراحيه متاحه بشكل كبير
المانيا لغه المانيه ومبلغ للحساب البنكي المغلق حاجه بتاعت عشر الف يورو تقريبا لكن بعد سنه لما تمتحن البيرمنانت حقهم فرصه تلقى تخصص عاليه والرواتب حسب الولايه لكن من 3500 يورو وانت طالع والتخصصات الجراحيه متاحه بشكل كبير
يعني تخصص وراتب وممكن لقدام جنسيه
استراليا امتحان الamc الاول ولغه oet او ايلتس بتوصلك الامتحان سعرو 2000دولار استرالي يعني حوالي 1500 دولار امريكي بتمشي سنير هاوساوفسر براتب شهري بعد تخلص تمتحن التاني العملي وتقدم تخصص وبرضو بتاخد راتب وانت بتتخصص وممكن تمتحن الاول والتاني
استراليا امتحان الamc الاول ولغه oet او ايلتس بتوصلك الامتحان سعرو 2000دولار استرالي يعني حوالي 1500 دولار امريكي بتمشي سنير هاوساوفسر براتب شهري بعد تخلص تمتحن التاني العملي وتقدم تخصص وبرضو بتاخد راتب وانت بتتخصص وممكن تمتحن الاول والتاني
وتمشي جاهز التاني سعرو 3000 دولار استرالي حوالي 2500 دولار امريكي سلبياتها ان الامتحان الاول الا في استراليا او شرق اسيا ماليزيا الهند كوريا او تركيا مناطقنا دي مافي
طيب كندا عندهم بارت ون تمتحنو وتمتحن معاه لغه ايلتس وتقدم في برنامج الهجره بتلقى شغل عمومي برواتب ضخمه لكن زمن
طيب كندا عندهم بارت ون تمتحنو وتمتحن معاه لغه ايلتس وتقدم في برنامج الهجره بتلقى شغل عمومي برواتب ضخمه لكن زمن
عشان تلقى تخصص
ماليزيا بتدفع ٤الف دولار في السنه للتخصص ويكون عندك خبره سنتين في بلدك في التخصص المعني
في دول تانيه لقدام بنقولها انت اهم شي تخت الكوره واطا وتحسب حساباتك انت زول عندك مسؤوليه ولا لا عندك زول بيدعمك ماديا ولا لا وشوف الخيار المناسب ولو مصر عل الخيارات البرا
ماليزيا بتدفع ٤الف دولار في السنه للتخصص ويكون عندك خبره سنتين في بلدك في التخصص المعني
في دول تانيه لقدام بنقولها انت اهم شي تخت الكوره واطا وتحسب حساباتك انت زول عندك مسؤوليه ولا لا عندك زول بيدعمك ماديا ولا لا وشوف الخيار المناسب ولو مصر عل الخيارات البرا
ووضعك الحالي مابيسمح اطلع الخليج سنه سنتين ورتب اولوياتك وارجع تم شيرو البوست ...دكتور سامر
Drsemos
Drsemos
جاري تحميل الاقتراحات...