بعيدًا عن سوء أرنولد طول الموسم، بس فان دايك كان أفضل مدافع في العالم مش بس بسبب مهاراته الدفاعية الفذّة، فان دايك كان أفضل مدافع في العالم بمسافة عن اللي بعده علشان كان عامل قوة دفاعية عظيمة لمنظومة كاملة لوحده مع أشباه مدافعين معاه حرفيًا.
ثريد..
ثريد..
فان دايك كان بيدافع في المربع بتاعه ومربع ماتيب أو لوفرين وبيغطي روبيرتسون لما بيزيد هجوميًا وبيرحل ماتيب على اليمين علشان يغطي أرنولد، كل ده لوحده وبأفضل شكل، أي ثنائية أرضية أو هوائية أو 1 ضد 1، كل ده هتخسره مهما كنت مين.
فان دايك كان بيلعب الطولية للمهاجمين على رجلهم بالمقاس، بيزيد لنصف الملعب علشان يمرر للطرفين، مش بيمرر لأقرب لاعب وسط وخلاص، مهام مدافع بيهاجم ويدافع بشكل محصلش من فترة كبيرة.
محصلش قبل كده إن الـ19 فريق في دوري واحد زي الإنجليزي بيحاولوا يخلقوا وضعية اللاعب الحر بين الخطوط أو على الأطراف علشان يقابلوا مدافع على غفلة ويعملوا زيادة عددية عليه، لكن عملوها مع فان دايك ومع ذلك كانوا بيخسروها برده.
ساوثهامبتون بقيادة المميز رالف هازنهوتل النهارده عمل mid block مثالي على فينالدوم وهيندرسون اللي بيحاولوا يمرروا لصلاح وماني وروبيرتسون وأرنولد، لدرجة إن تشامبرلين لما تمركز بين الخطوط علشان يوصل للمهاجمين إتقفل عليه وإتعزل عنهم،
ألكانتارا نفسه المميز في التمرير غلط كتير في التمرير بسبب غلق زوايا التمرير عليه بأكتر من لاعب بضغط رقابي عليه وكانوا بيقطعوا الكورة ويطلعوا بمرتدات ناحية أرنولد الكارثة في التغطية،
فان دايك كان بيقدر يكسر الـmid block والحالات اللي زيها بأسهل شكل ممكن وبتمريرات مثالية بين الخطوط، اللي مش بيقدر يعملها لاعبين وسط نجوم.
بعيدًا عن الجانب الفني، والحقيقة مش بحب أتطرق لنقط جانب الشخصية والعقلية لأنه في الأغلب بيكون كلام مرسل وأي حد ممكن يقوله في أي وقت وأي موقف كحجة مكررة لحالات الفوز غير المنطقي،
لكن فعلًا فان دايك كان فارق بشخصيته في فوز ليفربول بالدوري ودوري الأبطال بأكبر شكل ممكن، كان بينظم مركزيات اللاعبين لوحده وشخصية الفريق لو متأخرين في النتيجة أو لو ماتش متعقد معاهم،
شخصية راموس في الملعب بعيدًا عن العنف، لم أتخيل في يوم إن فيه مدافع يقدر يوصلها، لكن فان دايك قرب منها ووصلها في حالات كتيرة كمان.
لا أخفيكم سرًا، مش بحب أتكلم عن ليفربول كتير لأني مش بحبهم حتى لو كنت محلل موضوعي، لكن مفيش مدافع شوفته بالجودة دي وبالإضافة دي لمنظومته من فترة كبيرة وكبيرة أوي كمان.
جاري تحميل الاقتراحات...