هو: ياخي حطيت فلوسي في صندوق .. وما جاب لي إلا هللات في السنة !!
أنا: إيش اسم الصندوق ؟!
هو: صندوق (س) للمرابحة
أنا: طيب طبيعي .. لأنه مرابحة 🤦♂️
إيش يعني "أسواق النقد" "الودائع" "عقود المرابحة" .. تابع معايا 👇
#الاستثمار_للجميع
أنا: إيش اسم الصندوق ؟!
هو: صندوق (س) للمرابحة
أنا: طيب طبيعي .. لأنه مرابحة 🤦♂️
إيش يعني "أسواق النقد" "الودائع" "عقود المرابحة" .. تابع معايا 👇
#الاستثمار_للجميع
كثير مننا يحسب إنه الصناديق كلها زي بعض .. ومجرد إني حطيت فلوسي في صندوق .. المفروض خلاص تتدبل في سنة 😆 .. للأسف الوضع مو زي كدا .. الصناديق أنواع كثيرة .. وكل نوع متخصص في نوع معين من الأصول .. وكل صندوق له هدف استثماري مختلف
عشان تاخد فكرة عن الصناديق وأنواعها .. راجع التغريدات من 22-27 عن الصناديق من هنا .. 👇
linktr.ee
linktr.ee
كمان قبل فترة أتكلمت في تغريدات فاتت عن تنويع الأصول (Portfolio Diversification) .. وقلت إنك تحتاج يكون في محفظتك أكثر من نوع من الأصول عشان تخفف من المخاطر .. جاتني أسئلة كثير عن: أسواق النقد .. خلونا ناخدها وحدة وحدة عشان نفهم كل شي 🤓
اللي ما شاف موضوع التنويع .. قبل لا يقرأ تغريدات اليوم .. يقدر يشوفها من هنا 👇
لمن نقول "أسواق النقد" .. من اسمها .. المقصود بيها سوق الكاش 😎 .. وإذا جات سيرة الكاش .. أكيد حنتكلم عن البنوك .. دحين الغلابة اللي زيي وزيك إذا حبوا يعملوا مشروع أو يشتروا شي كبير شوية (بيت، سيارة) .. يروحوا البنك عشان ياخدوا قرض .. طيب السؤال هنا: البنك من فين جاب الفلوس ؟!
ببساطة .. أي بنك عنده حاجة اسمها "الودائع" .. باختصار المستثمر يحط فلوسه (يودعها) عند البنك .. والبنك يقرضها للناس .. وبعدين البنك حيرجعها بعد فترة بمبلغ أكبر .. ويرجع يعطي المستثمر أرباحه .. مثلا: رحت لبنك وأعطيته 100 ألف كوديعة لمدة سنة .. بعد سنة تقدر تاخدها 103 ألف.. بس 😁
كدا إحنا فهمنا إيش يعني "وديعة" .. طيب إيش يعني "مرابحة" ؟! .. المرابحة نفس هدف الوديعة .. لكن الفرق إنو البنك بدل ما ياخد منك كاش ويقرضه .. إنت توكله إنه يشتري عنك بضاعة وتبيعها عليه بالآجل بمبلغ أعلى .. يعني كيف ؟! 😫
يعني البنك حيشتري بضاعة باسمك بالكاش دا اللي انت كمستثمر اعطيته هو .. وهو يشتريها منك بسعر أكبر لكن يسددلك المبلغ بعد فترة زمنية معينة 😊
طيب يعني بعد الحوسة دي .. أهم شي .. كم العوائد ؟! 😂 .. العوائد في الودائع أو عقود المرابحة منخفضة جدا .. بنتكلم على 1.5 - 3% سنويا تقريبا .. بس كدا ؟! .. إيوة بس كدا .. طيب إيش الفايدة منها ؟! .. الفايدة باختصار إنها استثمار منخفض جدا في المخاطر ..
وهذا هو اللي حبيت أوضحه .. وصاحبنا اللي فوق ما كان فاهمه .. طبيعي جدا إذا كان الاستثمار منخفض جدا في المخاطر .. حتكون العوائد منخفضة جدا .. طيب يعني كيف ممكن أستفيد من دا الموضوع ؟! 🤔
ممكن تستفيد من دا الموضوع إنو إذا عندك مبلغ بتحوشه عشان تشتري بيت أو سيارة بعد سنة أو سنتين مثلا .. بدل ما تحوشه في حسابك العادي ويقعد زي ما هو .. ممكن تعطيه لبنك كوديعة أو عقد مرابحة .. وتستفيد ولو شوية من عائد الاستثمار .. وبطريقة شبه مضمونة 🤩
طبعا إدارة أسواق النقد تطورت أكيد زيها زي باقي الأصول .. وصار عندنا صناديق لإدارة هذا النوع منه .. وفائدة الصناديق سهولة الدخول والخروج منه (راجع شروط وأحكام الصندوق اللي اخترته كامل) 🧐
إذا حبيت تعرف الصناديق المتاحة عندنا .. أدخل موقع هيئة سوق المال .. في صفحة الصناديق .. اختار "أسواق النقد" .. هذا الرابط 👇
cma.org.sa
cma.org.sa
طيب سؤال مهم .. هل العوائد الضعيفة يعني ما نستثمر ؟! .. لأ طبعا .. على حسب هدفك ووضعك المالي .. ممكن تكون ما تقدر تتحمل مخاطر الأسهم بالتالي تروح لأسواق النقد .. وغير إنك تحتاج أصلا تخلي جزء من استثمارك أسواق نقد عشان التنويع (أرجع ذاكر موضوع التنويع) 😆
إن شاء الله يكون موضوع أسواق النقد وضح عندكم .. حتقدر دحين تقرر إذا حتدخل فيه أو لأ .. وإذا دخلت كم تعطيه نسبة من محفظتك الاستثمارية .. الله يوفقكم 🙏
جاري تحميل الاقتراحات...