التقرير بتاع بي بي سي امبارح دة مشكلة كبيرة، و هو بيقول نقلاً عن الجهاز المركزي للتعبئة و الإحصاء ان وفيات جمهورية مصر العربية في٣ شهور زائدة ٦٠ ألف وفاة عن المتوسط بتاع اخر خمس سنين.
و حسابيًا المتوسط بياخد في الاعتبار الزيادة السنوية في السكان و الوفيات
ودي تقريبا ١،٩٪ سنوياً

في حين ان زيادة الوفيات في مصر في شهر يونيو كانت حوالي ١٠٠٪ زيادة عن المتوسط
و دة يتماشي مع التصور بتاعنا من زمان ان ارقام الإصابات و الوفيات بتاعة الكورونا في مصر لا تتماشي مع حجم السكان، و لا حجم الإصابات اللي كلنا عارفينها بصورة شخصية، و لا تتماشي مع التراخي التام في

لبس الماسكات و التباعد الاجتماعي.
٦٠ ألف زيادة في ٣ شهور غير طبعاً الزيادات الرهيبة اللي هتبان في شهري نوفمبر و ديسمبر
شكلها في الاخر كدة الوفيات هتبقي ١٠٠ ألف مش ٧ آلاف
و كل دهشتنا من انخفاض وفيات مصر، و هل هو عشان صغر سننا، أو حلاوة شمسنا، هيطلع بلح

و وفياتنا هتطلع تلت أمريكا زي ما تعدادنا هو تلت تعداد أمريكا
الكدب ملوش رجلين