تعالو احكلكوا قصة جميلة، في الستينات كانت في ست في ايطاليا اسمها جوليا توفانا، جوليا كانت واحدة من انجح السريال كيلرز في العالم، جوليا قدرت تعمل سم وباعته لمئات الستات عشان يتخلصوا من ازواجهم بسبب ان وقتها العنف الزوجي كان منتشر وحالة الستات كان سيئة جداً والطلاق مكنش متاح
وقتها جوليا اخترعت السم اللي اسمه اكوا توفانا، وقدرت تخبي بيزنس صناعة السم ورا واجهة صناعة مستحضرات التجميل، يقال ان مامة جوليا هي اللي اخترعت السم وورثته لجوليا، بنت جوليا شاركت مامتها في البيزنس وابتدوا يشتغلوا في بالمور في ايطاليا وبعدها انتقلوا لنابلس وروما
جوليا اهتمت انها تغطي اثارها فعملت السم في عبوة تبان انها مستحضر تجميل وحطت عليه تعليمات تخلي الازازة شكلها برئ، السم ميزته انه ملوش اي اثر ولا طعم ولا لون وبيقتل بشكل بطئ وعلى جرعات، الجرعة الاولى بتخلي الراجل يظهر عنده اعراض برد وبتشتد بالتدريج لحد ما على الجرعة الرابعة بيموت
جوليا استمرت سنين في بيع السم وكانت بتختار زباينها بعناية وكانت بتقول للستات تعليمات ازاي تبان حزينة وانهم دايماً لازم يطلبوا تشريح الجثة عشان تبقى بعيد تماماً عن الشبهات، جوليا كان ممكن تكمل سنين اكتر لولا ان واحدة من زباينها بعد ما حطت السم في طبق الشوربة لجوزها انهارت
الست اللي انهارت دي اما شافت جوزها بيشرب الشربة زعقت ومنعته فمسكها ضربها وسلمها للشرطة، وقتها طرق التعذيب كانت بشعة فانهارت واعترفت على جوليا، اما جوليا اتقبض عليا اعترفت بانها شاركت في قتل ٦٠٠ راجل بالسم بتاعها واتحكم عليها بالاعدام هي وبنتها و٣ موظفين وبعض من عملائها
جوليا تظل لحد النهاردة مثال ان الظلم والعنف بيولد عنف وان الستات كان حياتها جحيم لدرجة ان القتل كان مخرجهم الوحيد من البؤس اللي عايشين فيه، عملاء جوليا مش كلهم اتقبض عليهم لانها مقدرتش تفتكرهم وفي منهم كان بيدعي انه ميعرفش ان الازازة فيها سم وكان صعب على الشرطة تحدد مين كداب
جوليا لما اتكشفت راحت استخبت في كنيسة بس طلع اشاعة انها سممت مية روما كلها فالناس اقتحمت الكنسية واضطر العاملين بيها يسلموها، وصفة سم جوليا لحد دلوقتي مش معروف بالظبط بس يقال انه كان خليط من الزرنيخ والرصاص ومركب كان بيستخدم في الميك اب وقتها اسمه بلادونا
لو الثريد عجبكم كل فترة هنزل واحد عن ست جبروت زي جوليا ❤️
جاري تحميل الاقتراحات...