إيه الأعراض اللي ممكن اخاف منها وابدأ في اجراءات العزل المنزل؟
هي للأسف نفس أو أقرب الأعراض لدور الإنفلونزا العادي، ولأننا في فترة انتشار الوباء فبعتبر أي شك في اشتباه كورونا هو كورونا لحين التأكد بالفحوصات والكشف، وقبل التأكد بيتم العزل المنزلي
الأعراض هي:
*حرقان في الزور
1-

*صداع
*همدان
*مشكلة في التذوق
*مشكلة في الشم
*رشح
*كحة
*سخونية
*وجع في الجسم أو العظام أو العضلات
*مافيش نفس للأكل
*ميل للقيء أو قيء
*اسهال
٨٠٪ من الحالات المشتبه فيهم بالاصابة بكوفيد ١٩ بتبقى الأعراض بسيطة جدًا
وعلاجها بيبقى في البيت عن طريق بروتوكول علاجي معين حسب الأعراض
2-

وطبعا معاها العزل المنزلي
في حالة أنك بدأت تحس بالأعراض دي هتبدأ بعزل نفسك في المنزل، وهتعمل الفحوصات دي علشان يتم عرضها على طبيب مختص للبدأ في نصحك ببروتوكول العلاج المناسب لمرحلة اصابتك والأعراض وسنك وعوامل كتير بيتحدد عليها طريقة علاجك.
3-

التحاليل والأشعات اللي هتعملها هي:
CBC
CRP
LDH
Ferritin
D Dimer
ALT
وأشعة مقطعية على الصدر
ولو كان فيه أعراض تنفسية، أو كحة، أو نهجان بسيط، أو بداية ازرقاق في الشفايف والأطراف
هنحتاج نعمل أشعة مقطعية على الصدر + قياس لنسبة الأكسجين في الدم عن طريق Pulse Oximeter
4-

خلال الفترة الأولى من العزل
بنهتم بقياس الحرارة يوميًا،
وبالتغذية السليمة وأكل الخضراوات والبروتين،
وشرب كمية كبيرة من المية،
وأهم شيء العزل المنزلي علشان ما نكونش سبب في عدوى المقيمين معانا في البيت.
5/5