رتبها

😂 حيرة شاب 😂
-اتجوز مين؟!.. انا هتجنن!!
-دلوقتي انا عندي ٣٥ سنة.. و أمي مصرة اني اتجوز واحدة بالكتير اوي ٢٢ او ٢٣.. زي آية بنت صاحبتها..
ابويا بيقول لا.. دي هتبقى عيلة و ماتشيلش مسئولية بيت و عايز من ٢٦ ل ٣٠.. زي منة بنت زميله ف الشغل..👇

الواد حودة اتجوز واحدة عندها ٣١ من شهرين و بيقول المزز فوق ال ٣٠ حاجة تانية.. و لازم اتجوز واحدة فوق ال ٣٠.. زي اماني صاحبة مراته..
*طب و انت عايز ايه؟؟
-مش عارف!!.. هتجنن!!
*روح لعمك ضرغام يفطَّمك
-مين عمك ضرغام ده؟؟
*ده بقى فاهم و دايس و قاري ف حوار الجواز ده و م الاخر.. 👇

-و ألاقيه فين عمك ضرغام؟
*على قهوة ننوس ف السيدة..
-اروحله بكرة .. اما اشوف الحوار ده هيرسى على ايه!
**** على قهوة ننوس ****
-سلامو عليكو.. عّم ضرغام؟
*ايوة يا حبيبي انا عمك ضرغام.. أؤمر.
-جايلك طالب النصيحة يا عّم ضرغام..
*و مالو يابني.. شايف الكشك اللي هناك ده؟؟.. 👇

روح هات علبتين مارلبورو احمر و تعالى..
-عيني..
(بعد شراء المارلبورو)
*انت اسمك ايه يابني؟
-شريف
*عاشت الأسامي يا شريف.. و بتشتغل ايه؟
-محاسب ف شركة
*و ايه مشكلتك؟👇

-عايز اتجوز.. و مش عارف اختار آية الصغيرة اللي لِسَّه ف اول العشرينات و لا مِنّة اللي فوق ال ٢٦ عشان تشيل مسئولية بيت و لا أماني الناضجة اللي فوق ال ٣٠؟!!
*مم..شوف يا شريف يابني.. مش هقدر اقولك تعمل ايه..بس انا هقولك ايه ميزة كل واحدة فيهم.
-حلو اوي..قول يا عّم ضرغام أبوس إيدك!👇

-حلو اوي.. قول يا عّم ضرغام أبوس إيدك!
-عندي على فيسبوك ايوة.. ثواني أوريك صورهم.. آدي آية
*ممممم.. حلوة و الله.. و شكلها كده يادوب كسرت علاقتين تلاتة بس.. يعني لِسَّه قلبها ماسودش اوي..
و ممكن تكون لِسَّه بتثق ف الرجالة و عندها أمل تبقى سعيدة مع راجل بتحبه و كده..👇

-يعني هتشيل مسئولية و لا زي ما ابويا بيقول؟
*اي واحدة تتجوز هتشيل مسئولية بعد شوية غصب عنها يا شريف يابني.. سيبيك من ابوك دلوقتي..
البنت آية دي لِسَّه مش Cynical
-يعني ايه الكلمة دي يا عّم ضرغام؟
*يعني لِسَّه ماوصلتش لمرحلة السوداوية ف الحياة.. مرحلة ضرب الحائط بكل ماهو وردي..👇

لِسَّه فيها لمحة براءة بتستعد للغروب.. لِسَّه ممكن تعمل تضحيات مجنونة عشان حد بتحبه..
-أتقدملها يعني؟
*اتقل ماتبقاش خفيف.. وريني اللي بعدها
-ماشي.. دي يا سيدي منة.. ٢٨ سنة
*امممم.. دي ف ذروة ال Cynicism
-يعني ايه؟؟👇

*يعني دي كفرت بالحب خلاص و عندها إقامة دائمة ف المنطقة السوداء!.. و ممكن تكون كفرت بفكرة الجواز كلها اساسا!
-هااار اسود!!
*دي عايزة تشتغل و تبني مستقبلها لنفسها و ترفع شعار (ابو اشكالكو كلكو مجالناش منكو الا وجع القلب)..
👇

دي يا شريف عاشت و سمعت و شافت من الرجالة و عمايلهم اللي خلاها دايما ف حالة غضب.. و لو تطول تولع ف الرجالة نَفَر نَفَر لن تتردد..
-خلاص يعني دي كده بخ!
*لا مش بخ.. دي مكنة BMW الفئة السابعة ناقصها بوجيهات.. الشرارة يا شريف..
👇

بشوية رجولة و صدق و نزاهة و احترام لكيانها، ممكن تشعلل معاك و تبقى احسن حاجة حصلت ف حياتك!
-انت بتقول انها كفرت بالحب و الجواز يا عّم ضرغام!!
*ايوة ماهي اكيد شافت بلاوي بردو يا شريف!..
بس لو ظبطت معاك و عرفت تتعب و تثبتلها انك راجل فعلا، هتاخد منها احلى شغل!
-اشمعنى؟؟ 👇

*لانها خلاص كانت شالت الرجالة من دماغها او على وشك.. ف لو اتنازلت عن افكارها السودا عشانك يبقى عارفة هي بتعمل ايه.. هتدلعك و تقف جنبك.. و مش هتتخانق معاك على الحاجات الهبلة بتاعت البنات التانيين..
-اممممم.. ماشي.. شوف اماني بقى كمان.. ٣١ سنة
*اوباااااا!! 👇

-ايه يا عّم ضرغام خضتني!
*صاروخ موجه بالاقمار الصناعية! .. طلقة قناصة طويلة المدى!... مكوك فضائي طالع للقمر! .. الاوديسا بذات نفسها!!
-هي حلوة فعلا
*حلوة؟
حلوة دي تقولها لما ماما تقولك ايه رأيك ف الملوخية يا شرشر!!..😂
👇

إنما دي مايتقالش عليها حلوة.. دي يتقال عليها "كلية الحلاوة قسم شموس السوبر نوفا"!!
*مش اوي كده يعني يا عم ضرغام!
-مانت مش فاهم حاجة!
*فاهم ايه؟
-دي يا شريف فيها خلاصة الموضوع.. الزتونة.. فاهمة لدرجة التشبع.. لدرجة الاستغناء.. 👇

دي فهمت كل حاجة لدرجة انها قررت انها تكون مبسوطة بغض النظر عن اي شيء..
-و دي حاجة حلوة يعني؟؟
*طبعااااا!.. دي عارفة بالظبط و بالمللي هي عايزة ايه!..
عارفة لدرجة مخيفة!
-ازاي؟
*عارفة تفاصيل مستحيل تتعرف الا بخبرة سنين..👇

عارفة مثلا درجة الروج الفلانية اللي بتتحط ف المود الفلاني عشان تدي الانطباع الفلاني..
عارفة امتى تقول ايه و ازاي..
عارفة عيوب الرجالة كلها و تصالحت معاها خلاص..
عارفة ازاي تتعامل مع امك و ابوك و أصحابك و جيرانك..
عارفة ازاي تشتغل و تبقى زوجة.. 👇

و عارفة حاجات تانية كتير اوي مش هقدر اقولك عليها!!
-ياااااه.. للدرجادي يا عّم ضرغام!!
*و اكتر يا شريف يابني و الله!.. ادعي ربنا بس هي ترضى بيك اساسا!
-هقول للواد حودة و اروح أتقدملها علطول!..
*طب معلش يا شريف ممكن طلب؟؟
-عيني يا عّم ضرغام.. أخلى حودة يشوفلك عروسة صاحبتها؟؟👇

*لا انا عايز رقم آية
وكلكم عايزين رقم آية😂😂😂
@Rattibha

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة