ثريد لأي حد عايز يجي السويس
القاعدة الاولى : متجيش السويس بالنهار ، الا لو فى الشتا درجة الحرارة عندنا عالية جدا فمش هتكون مستمتع وانت بتلف فى درجة الحرارة دى فا تيجي فى الشتا او تيجي بالنهار بس هتشوف مكان مقفول تقعد فيه لحد العصر كدة مثلا تروح تتغدا سمك 💙
القاعدة الاولى : متجيش السويس بالنهار ، الا لو فى الشتا درجة الحرارة عندنا عالية جدا فمش هتكون مستمتع وانت بتلف فى درجة الحرارة دى فا تيجي فى الشتا او تيجي بالنهار بس هتشوف مكان مقفول تقعد فيه لحد العصر كدة مثلا تروح تتغدا سمك 💙
تاني حاجة السويس فعلا فيها اماكن اثرية بس مش ده الحلو فى #السويس ، الحلو فى السويس روحها ، امشي في الشوارع القديمة اتمشى على البحر اتمشى مبين الفلل فى بورتوفيق هتحس انك مرتاح نفسيا وده لأن السويس بلد هادية مقارنة بالقاهرة فهتلاقي الشوارع دى عندنا كتير
رابع حاجة تكون محدد هدفك يعني انت لو جي تتفسح وتنبسط روح مطعم سمك زى مطعم عروسة البحر او فارس أو اسماك المحروسة أو اسماك السويسي ، متروحش حلقة السمك ، حلقة السمك يروحها الي جايب معاه ice box وعايزة ياخد من السويس سمك لكن غير كدة زفارة وبهدلة على الفاضي
.
.
نيجي للكورنيش ، السويس فيها 2 كورنيش الكورنيش القديم والجديد ، القديم حلو بس هادي بزيادة يعني ، الكورنيش الجديد حلو جدا وكمان كان فى الاول فى خدمات اكتر فى الكورنيش نفسه لكن دلوقتي المطاعم ومحلات العصير واماكن تانية بقت فى اخر الكورنيش خالص
.
.
بورتوفيق فيها نوادي كتير على البحر وفى لوسيندا على الكورنيش تقدر تنزل فيهم البحر هناك بس طبعا مش بتبقى حلوة زى السخنة
يتبع*
.
يتبع*
.
لو حبيت بقى تدخل تشتري حاجات ممكن تنزل النمسا والبر التاني والاربعين فيهم كل حاجة
هتلاقي فى النمسا ايس كريم راتب ، وفى شارع براديس كشري بالاس اشهر كشري فى السويس و الشارع الي بعده هتلاقي مطعم رواش " فول وطعمية " وده اقدم واحد فى السويس ومتنسوش تروحوا الغريب وتزوروا مسجد الغريب وتاكلوا فطير من عند الدمياطي اقدم فطاطري فى السويس 💙
.
.
لو مش معاك عربية مش صعب تيحي #السويس لو جي من القاهرة ممكن تركب من المرج او رمسيس او الكربة واحسن حاجة الكربة لانه مش بياخد وقت موقف عربيات السويس هناك بعد كشري هند على طول
المواصلات فى السويس رخيصة بالنسبة للميكروباص اغلى مواصلة يمكن ب2.5 التاكسي يوم ما يبقى غالي اوي ويروح ابعد مكان فى السويس هياخد 25 وانت حظك مع السواق بقي 😂 وانصحك خليك في أطلب أجره #السويس على التليجرام أسعارهم أرخص وأفضل
.
.
نسيت اتكلم عن حاجة مهمة جدا جدا وهي الغربان اعداد الغربان عندنا مهولة يا جماعة الغربان محتلة السويس من ايام الحرب تقريبا بالنسبة لاي حد غريب بيجي بيخاف منهم بالنسبة لينا كا سوايسة مش بنخاف منهم ومتأقلمين معاهم جدا يعني زي اي طائر 😂💙
متنساش تسمع اغاني السمسمية
واغنية يا بيوت السويس 💙
واغنية يا بيوت السويس 💙
من الحاجات الي هتلاحظها فى السويس ان الناس بتاخد على بعضها بسرعة جدا وعادي انك تقف جنب حد فيحكيلك عن حياته ويبتدي يشاركك افكاره 😂💙
مش هتحس ابدا انك غريب عندنا ❤️
مش هتحس ابدا انك غريب عندنا ❤️
لو عايز تأكل ساندوتشات جمبرى و سرديا وصرومباء روح عند وارث في ميدان النمسا بـ السويس
.
.
ولازم تروح سوق السمك لانك هتشوف اغرب انواع السمك وكمان هتشوف اسماك قرش صغيرة بيبي شارك وهتشوف حاجات مش هتشوفها غير علي ناشيونال جيوغرافيك ابو ظبي ، سوق الانصاري بمنطقة الأربعين في السويس
.
.
يا جماعة انا مقولتش ان #السويس مبهرة انا قولت ان السويس مريحة نفسيا وهادية 💙
.
.
وكـ واحدة من اهل البلد هحتاج ايه اكتر من كدة ؟
اي مشوار بين بيتي وبين وسط البلد 5 دقايق لما اضايق اروح اتمشى على البحر لما احب اكل سمك الاقي احلى سمك السويس احلى ما فيها بساطتها مش هادية هدوء قاتل وممل ولا هي صاخبة 💙💙
.
اي مشوار بين بيتي وبين وسط البلد 5 دقايق لما اضايق اروح اتمشى على البحر لما احب اكل سمك الاقي احلى سمك السويس احلى ما فيها بساطتها مش هادية هدوء قاتل وممل ولا هي صاخبة 💙💙
.
جاري تحميل الاقتراحات...