قدمت لجوء قبل سنة تجربة مريرة ما ادري كيف طالت كان مفترض فيها تكون اقصر لكن قدّر الله وما شاء فعل لا ازال عالقه في الكابوس بحاول اكتب لكم شيء من تجربتي القاسية جدا تحت هذي التغريدة #يوميات_لاجئه #نسويه_تحرض_البنات_على_الهروب
لا أدري من فين ابدا لكن خلوني ابدا من اول صدمة في أول يوم، قبل ما اجي بشهر قرأت تغريدة للاجئه كنا نتابعها وكانت تحذر البنات من العرب وكيف ان صديقتها تورطت مع لبناني اتفق مع أهلها على تسليمها لهم مقابل مبلغ مع انها كانت (تقاسمه فلوسها) واول يوم جيت عرفت ان اللبناني قواd وشغلها
وشغلها عاhره وعرفها على شلة من ٨ قطريين، كانت في الأول تقاسمه الفلوس لكن بعدين قالت هذي فلوسي وقدر انه ياخذ جوالها ويتفق مع أهلها لتسليمها لهم، كانت صدمتي قويه لأن مصدر الفلوس ما قالوه بنات ال🦮 وعرفت ان فيه بلاوي تنتظرني اكيد كذبوا في اشياء ثانيه من وقتها قلبي ما تطمن
حطوني في مكان وعطوني أكل ماتأكله حتى الحيوانات لدرجة اني رجعت لسندويشتي من مطار الملك خالد وهي لها يومين، نقلونا ليفربول كان الوضع افضل، يعطون ٣٥ باوند للأكل وكنا في وسط المدينة وكان الوضع حلو زحمة وناس وأجواء وأسواق وبعدها ب٣ اسابيع نقلوني لبيت الرعب بيكون محطتي القادمة لسنة💔
هذي المرحلة راح تموت من سوء الظروف يحطونك في مكان بعيد عن المدن الرئيسية في قرى تجيب الهم وما تعرف احد والفلوس مو مكفيه وزاد الطين بلة البنات الافريقيات الكريهات اللي كنت معهم 💔 سببوا لي ضغوط فوق اللي عندي ومشاكل لاتفه الأسباب وفي هذي العزله تبدأ فيها تكتشف واقع البلد الكئيب
نبدأ بالجو الكئيب الشمس غايبه معظم الوقت والجو بارد يجيب الهم والبيوت قديمة وضيقة وأهم شي الناس باردين والكل في حاله، صح نحب الخصوصية لكن هذولي لو تموت قدامهم ما يعنيهم في شي، صح ما ضروني لكن احتاج ماانعزل وابقى متصله بالناس وهذولا مو اوادم طبيعية علاقات اجتماعية ماهي في قاموسهم
تحس انك أمام منحوتات شمع كأنهم ناس ومو ناس، الحنين لأهلك وبلدك وكل شي فيها بدا معي من اول شهر كنت أبكي وخايفه بل مرعوبه انا معرف اعيش بدون امي كيف اتخذت خطوة تبعدني عنها فترة طويلة؟ بعدها البنات كذبوا علي عند مسؤول الهوم اوفيس و تم طردي كنت ف الشارع ليلا في دولة معرف فيها أي حد
لولا الله ثم سوريّة ما عرفت وين اروح استقبلتني الين ضبطت وضعي مع الهوم اوفيس ورجعت من جديد لبيت الهم مقابلتي تأجلت بسبب الكورونا، الضغط النفسي والمادي والطرد والحنين لكل شي في السعودية تسبب في انهياري بالكامل بداية شهر أبريل أُصبت بالاكتئاب والخوف والارق وماكنت انام من الكوابيس
استمر الاكتئاب ٣ شهور كافحته بالصلاة والصوم مر علي رمضان والعيد وحيدة، حاولت اطلع وابحث عن شغل اسود لان العمل في بريطانيا قبل الإقامة ممنوع ورحت بنفسي ابحث في البدايه يوعدون لكن يتضح انه يبي مقابل عشان يشغلني وما راح يخاطر عشاني عند الحكومة اللي لو اكتشفت تعطيه مخالفة وغرامة
طبعا ما يطلب بشكل مباشر يقول عندي شقه ارتاحي فيها او لازم اشوفك قبل اوظفك واول ما رفضت قطعوا الاتصال، قبل الإقامة كل شي ممنوع يحطون عليك ضغط مايتحمله بشر طبيعي عشان تطفش وترجع دولتك حاولت اكوّن صداقات مع بنات مافيه فايده الكل مشغول بحياته ومشاكله حتى المساعده بيساعد مره ثنتين
ماحد فاضي لك، سمعت عن يمني انجن وتونسي انتحر في كندا افضل بلد لجوء وشباب سوريين وعراقيين في النرويج والمانيا وبدون في النمسا، سُئلت كثير وش الي جابك وانتي من السعودية؟ طلعنا عشان رسوم الإقامة واحد يمني قالي بالحرف الواحد السعودية سلام الله عليها لولا الإقامة ماجيت هالبلد الزباله
احب الأطفال وما تخيلت اجلس سنة ما حضنت طفل، اول شهر طلبت احضن ولد صغير في المسجد صارت مشكلة لولا أن الإمام يعرفني وتوسط عند ابوه لا يسوي بلاغ عند الشرطة قلت للأمام في السعودية نحضن الطفل بدون إذن والدينه لان نوايانا جيدة قال اعرف لكن هنا القوانين تختلف، كل شي بالمقلوب في هالبلد
كنت اطمح ادرس ماستر على الاقل اطلع بشي هنا، سمعت عن اللاجئات هنا من بين اسباب اللجوء يقولون ان ابونا او اخونا اغتصبنا طبعا كذب في كذب وحدة قالت ابوي اغتصبني وطلعت تراود البنات عن نفسهم، وحده ثانيه حملت بعد كم اسبوع من جيتها هنا وكلمت عشان يضيفون الحمل لانه يعجل بإجراءات اللجوء
وكانت ردة فعل المترجمة العراقيه عليها غاضبة جدا، سمعت عن قروب للdعارة في كندا يتفق فيه الطرفين علانية ووحدة مسوية شعارها donate for Yemen ،كنت بسمع اشياء اكثر لو كنت اخالطهم هذي الأخبار توصلني من أشخاص مختلفين، الناس الي توعدك بالمساعدة تختفي فور وصولك هنا كأنهم يقولون طز فيك
شيل الخازوق لحالك، احاول ارجع لكن الإجراءات تعقدت، كل ما احاول فعله الان هو العوده وإزالة آثار هذي الوقعه الاليمة اصبت بأمراض جسدية غير النفسية اللي ذكرتها زي القولون والاكزيما وجفاف العين ورفة العين من الضغط النفسي، نغزات القلب والام أسفل الظهر من الشيل الثقيل مافيه سياره طبعا
اضطريت اشيل الين طحت في مره من ظهري وجلست شهر كامل على المهدئات، المستشفى لازم تنتظر كثير ٥ ساعات ما اقدر ظهري ما كان يتحمل اتمنى بس اوصل وهذا الكابوس ينزاح وينزاح معه كل ألم، اكيد الفسويات بيقولون شي طبيعي قبل الإقامة لكن اي حياة تنتظرني وانا وحيدة حتى لو اصير إليزابيث نفسها
وحدة وغربة وظيفة زفت وراتب نصه ضرايب وهاجسك صحتك تحافظ عليها بس صار انحازي اصحى واتروش واصلي واكل من كثر ما النفسية تعبانه انتظر عودتي بفارغ الصبر اكيد نسيت اشياء لكن راح اكتبها لكم في تغريدات قادمة عذرا على الإطالة لكن تجربتي قاسية وطويلة واحداثها كثيره
تغيرت فيها قناعاتي وتغيرت نظرتي للحياة كليا اتمنى عودتي للسعودية في أقرب وقت واعيش مرتاحه بقناعاتي الجديدة 😭🤲
جاري تحميل الاقتراحات...