سلام! قبل سنين كان السفر حلم الي، محتكر لاصحاب الاموال، لكن بعد بحث وتجارب وشغف كبير بالترحال وبلاوي بلاد زرتها، اكتشفت انه السفر ما بحتاج فلوس قد ما تتخيلوا! هاد الثريد عن كيف تسافر بأقل التكاليف 💃🏽
تحذير: سفر ابو رخيص مش مريح زي السفر العادي، بس ممتع اكتر بالنسبة الي 🏄♀️
تحذير: سفر ابو رخيص مش مريح زي السفر العادي، بس ممتع اكتر بالنسبة الي 🏄♀️
قبل ما تسافر لازم تعرف وين تسافر.. صحيح جوازاتنا العربية مش بقوة الامريكي، مع هيك في كتير بلاد ما بتطلب منا فيزا او فيزتها عند الوصول ويفضل تبدأ سفر عليها.. الهند، سيريلانكا، تركيا، بوليفيا، ماليزيا وغيرهم كتير.. هاد الموقع بساعدك تعرف passportindex.org
بالنسبة لتكاليف المنامة بالسفر: ارخص شيء تستخدم موقع Couchsurfing، ممكن خلاله تلاقي محليين بستضيفوك في بيوتهم مجانا، تجربة رهيبة وبتدخلك بالثقافة المحلية بسرعة وبتعرفك عأهل البلد بسرعة.. (صور بعض الاصدقاء اللي استضافوني)
اذا حابب تسكن لحالك، احسن شي موقع Airbnb، بتلاقي فيه بيوت محلية صحابها عملوها للآجار، وكتير سهل من خلاله تلاقي اماكن رهيبة بأسعار رخيصة، كتير مريح وبعطيك تجربة محلية.. عندي لينك بعطيك ٢٥ دولار خصم لأول استخدام، بتلاقوه تحت اي فيديو عندي على يوتيوب (صورة اطلالة الفيلا بماديرا)
اذا مسافر لحالك وما بدك تنزل ببيت محلي، احسن شي انزل في هوستل، الهوستلات هي زي الفنادق، بس بدل الغرفة، تستأجر سرير واحد ومعك ناس اخرين بالغرفة، والهوستل مكان جدا لطيف ومسلي وبتتعرف على ناس من حول العالم وبتطش معهم.. ممكن تحجز من موقع Hostelworld احسن شي
اذا ما اعجبك اي خيار من هاي الخيارات وبدك فندق، استخدم موقع Booking.com او Wego وممكن ترتب الخيارات من الارخص للاغلى (كل المواقع اللي ذكرتها فيها هذا الشي) واختار فندق يكون تقييمه ٨ او فوق، بكون كويس عالمضمون 👌🏼
بالنسبة لرحلات الطيران، استخدم موقع Skyscanner اللي بعمل مقارنة بين كل خطوط الطيران وبعطيك ارخص شي، احيانا حجزت تذاكر ب ٥ يورو.. احلى شي فيه انه ممكن تعطيه مواعيد مرنة (شهر كامل مثلا) وهو بلاقي ارخص يوم للسفر فيه.. وبتقدر تعطيه تواريخ وهو بلاقيلك ارخص وجهة تسافرها بهداك الوقت
احد الطرق الرهيييبة للسفر المحلي والرخيص هي التطوع، موقع workaway.info بتلاقي عليه فرص تطوعية بمزارع، هوستلات، بيوت ناس، لأعمال بسيطة عدة ساعات باليوم مقابل توفير السكن والطعام.. فرصة رهيبة انك تسافر فترات طويلة بتكلفة تذكرة السفر فقط وايضا تخوض تجربة رهيبة
أهم شيء بالسفر انك تكون مرن جدا، جدولك مرن، مواعيد سفرك مرنة، عندك مرونة للتكيف بكل الحالات ورح تمر بتجارب خرافية.. في لسا كتير معلومات بس هاي مقدمة بسيطة للسفر ابو رخيص، انشالله استفدتوا ولا تنسوا الريتويت.. اذا لاحظت اهتمام كبير رح اعمل جزء ثاني
جاري تحميل الاقتراحات...