تحت التغريدة دي وخلال الثريد التالي حأتكلم عن #اسرار_بريطانية_في_السودان أنا بالنسبة لي اول مرة أسمع عنها و تفاجأت وانا بقرأ مقال لأحد الرحالة المستكشفين البريطانيين في زيارة للسودان والمقال كان في مايو 2017 م وهنا حأسرد ليكم تفاصيل شيقة جدا ....
تابعوا
#تعرف_على_السودان
تابعوا
#تعرف_على_السودان
القصة بدأت لما ديفيد في زيارتو للسودان واثناء ماهو قاعد في السفارة البريطانية سلموه تحقيق من احد الباحثين في متحف لوغبورو الحربي مكتوب ( انا اريد ان اؤكد وجود نصب تذكاري للجيش البريطاني في السودان تم بناءه من قبل وحدة الخدمة الاخيرة قبل استقلال السودان 1956) معاهو الصورة دي
قبل يبدأ رحلة البحث عن النصب التذكاري حاول يفتش معلومات عن موقعه ما لقى اي شي يوضح الموقع وهو البفتش عليهو الشكلو هرمي في الصورة الفوق اخد بعض المعلومات من الاقمار الصناعية حول مدينة جيبيت ولقى الصور دي وهي اشياء ما مفهومة ظهرت عبر الاقمار الاصطناعية على جبال شرق السودان
ديفيد لما وصل ما شاف الشارات دي طوالي لانها مع تضاريس المنطقة الجبلية الوعرة ما بتقدر العين تميز الرسومات والرسومات ظهرت اكتر لما طلع الجبال وبقى يصور من بعيد والمدهش التفاصيل الشافا , الرسومات زاتا وشاف التفاصيل الدقيقة الفيها معمولة من الحجارة الجبلية الملونة بدقة متناهية
من خلال خبرتو عرف انه الرسومات عى الجبال عبارة عن شارات عسكرية وقرر تكون نقطة انطلاقة البحث من المدينة وبعدها ينتقل بالقرب للجبال العليها الشارات العسكرية وبصراحة انا وبقرأ في المقال ضحكتني الرسومات الحسستني انها فوتوشوب او شي خيالي ما موجود عندنا لغاية ما شفت الصور دي
وبأمانة انا ايوة اندهشت صح بس برضو ما صدقت وقلت افتشا براي يعني اشوووف بعيني اول وبعدين اصدق فتحت قوقل ايرث وقعدت افتش في الجبال المحيطة بمدينة جببيت مادام ظهرت لديفيد معناتا حتظهر لي وما اتوقعت القاها لغاية ما لقيتا في جنوب المدينة فعلا ودي صور من قوقل ايرث
أثناء ما بفتش ديفيد عن النصب التذكاري الهرمي اتعثر بكوم تراب جمبو الحدايد دي عرف أنه في منطقة تدريب عسكرية وبرااحة انسحب بسرعة خاف من مصادرة الكاميرا بتاعتو والمساءلة القانونية وواصل مشى المدينة وبدأ يسأل الناس ومافي زول عرف شي عن النصب التذكاري في عجوز قال ليهو انو كسروه الناس
فتش كتير عن النصب التذكاري ما لقى اي معلومات غير انو السكان هدموه أيام الاستقلال كنوع من فرح بنهاية الحقبة الاستعمارية و قرر انه يرجع لغاية ما لقى القاعدة الهرمية دي وكانت المفاجأة انو دا النصب التذكاري فعلا وهو فعلا مهدم وجمبو اثار رصاص ودانات يبدو كان جزء من تدريبات الجيش
وصل للهدف الجاء #جيبيت عشانو واخد لقطات بنفس وضعية الصورة الجا عشانا واللي هم اجدادو البريطانيين
دا ديفيد ودا حسابو في تويتر
@_LoveAdventures
@_LoveAdventures
في ختام الثريد في حاجات كتيرة محتاجين نعرفا اكتر, البريطانيين وثقو لنفسهم وعارفين تاريخهم صح نحن ليه ما عارفين شي والموجود اتكتب بطريقة سياسية بتمجد ناس وأسر معينة مافي تاريخ بيحكي قصص موثوقة تماما ليه نحن ما بندرس غير تاريخ حتى طريقة سردو في المدارس مملة؟
#انتهى_الثريد
#انتهى_الثريد
جاري تحميل الاقتراحات...