بما انو امبارح كان #يوم_الرجل_العالمي حسيت لازم اعمل ثريد عن اب بمملكة الحيوانات متفاني جدا بوظيفته 😂
"البطريق الامبراطوري"
هدول البطاريق بعيشوا بمكان بتوصل درجة الحرارة فيه إلى 120 درجة تحت الصفر وبضلهم واقفين نفس مكانهم لمدة شهرين بدون اكل!
"البطريق الامبراطوري"
هدول البطاريق بعيشوا بمكان بتوصل درجة الحرارة فيه إلى 120 درجة تحت الصفر وبضلهم واقفين نفس مكانهم لمدة شهرين بدون اكل!
بس قبل ما نحكي ليش الذكر مميز. لازم احكيلكم اشي مسلي عنهم. موسم التزاوج تاعهم شوي غريب لما ذكر وأنثى يلاقوا انهم مناسبين بصيروا يقلدوا حركات بعض زي كأنهم مراية. عشان يكون دليل انه متوافقين.
مرات بتيجي أنثى تانية حتى تلفت نظر الذكر
مرات بتيجي أنثى تانية حتى تلفت نظر الذكر
بس وقتها راح تنضرب من الأنثى الي فازت. وبتضل تلطش فيها لحد ما تبعدها. وموضوع التزواج عند البطاريق حساس لأنه لازم الذكر و الأنثى يكونوا على قدر عالي من المسؤولية عشان كل واحد فيهم راح يكون مسؤول عن حياة التاني و الا ممكن يموت هو او هي او ابنهم.
الأنثى لما تبيض بكون معهم ثواني انه الذكر ياخد البيضة ويحتضنها قبل ما تتجمد وتموت. بعدين بتروح الأنثى عالبحر تجيب اكل. السؤال هو ليش بتاخد معها الرحلة تقريبا شهرين؟
لانو موسم التزاوج تاعهم بكون بعز الشتاء. فكل اشي بكون تجمد وبمشوا مسافات طويلة لحتى يلاقوا مكان بالبحر ما في جليد.
لانو موسم التزاوج تاعهم بكون بعز الشتاء. فكل اشي بكون تجمد وبمشوا مسافات طويلة لحتى يلاقوا مكان بالبحر ما في جليد.
خلال الشهرين هدول الذكور هم الي بحتضنوا البيض داخل جيبة خاصة بين اجريهم بالظروف الجوية الي حكيتهم فوق. بس اكيد بالرغم من كل التكيفات الي عند البطريق الا انو تعتبر ظروف جوية قاسية كمان الهم. ف كل الذكور تعون البطاريق الي ممكن يوصل عددهم بالآلاف بتجمعوا حول بعض حتى يدفوا بعض.
واكيد بما انو الي برا الدائرة راح يكونوا هم اكتر اشي معرضين للبرد، بضلهم يبدلوا شوي شوي من مركز الدائرة لبرا حتى يضمنوا انو الكل يضل دافي وما حد من الآباء يتجمد او يموت البيض الي معهم.
الذكور بكونوا مخزنين طبقة كبيرة من الدهون بتساعدهم يضلوا بدون اكل هاي الفترة. ولما ترجع الأنثى بكون خسر الذكر تقريبا 40٪ من وزنهم. ولما يفقس البيض ما بكون في اكل يعطوا لولادهم. بس عندهم القدرة انو يصنعوا سائل معين غني بالبروتين في حوصلتهم بس بكفي انه يضل الابن عايش حتى ترجع الام.
وبمعجزة الهية وقت تفقيس البيض بكون تقريبا بنفس رجعة الامهات من البحر حتى يطعموا ولادهم وازواجهم. و عشان الاعداد الكبيرة بين البطاريق بكون صعب انو الام تلاقي زوجها وابنها بسهولة. فكل الذكور بصيروا يمشوا بخط حتى كل أنثى تعرف زوجها بين الالاف. و بتصير تنادي حتى كل واحد يرد على زوجته
بس يكبر ابنهم شوي. بصير الام والاب يبدلو مين يروح يجيب الاكل. وطبعا في شغلة مهمة هي انو البطريق الصغير لسا مش مكون طبقة كافية من الدهون تحمي يمشي عالجليد واذا نزل عالجليد ممكن يتجمد ويموت.
بس بنفس الوقت عشان ما تضمر العضلات لازم يحركهم. كيف؟
بس بنفس الوقت عشان ما تضمر العضلات لازم يحركهم. كيف؟
الابن بحط ارجله على ارجل اهله وبصير كل ما يمشوا بتتحرك ارجل الابن. وهيك عضلات الابن بتتحرك بدون ما يلمس الأرض المتجمدة لحد ما يقدر يكبر بشكل كافي بخلي يقدر يمشي لحاله.
لما يوصل هاي المرحلة من حياته بصير الام والاب يتركوا ابنهم عشان يجيبوا اكل. وهاي من أخطر الفترات بحياة البطريق. لانو لازم يطور عندوا مهارات الحياة بظروف جوية قاسية.
ف اول اشي بعملو انه يضلهم دافيين، برجعوا كل هدول البطاريق الصغيرة بتجمعوا حول بعض زي ما عملوا آبائهم من قبل. ولازم كل الصغار يضلهم مع بعض وما حد يبعد حتى ما يضيعوا خلال العواصف الثلجية لأنه وقتها بكون الموت حتمي
ولما يرجعوا أهلهم برضوا بصيروا ينادوا عبعض. وكل ابن فيهم عنده نداء خاص مميز فيه عشان الاهل يعرفوا. ومرات باخد الموضوع ساعتين واكتر حتى يرجع يلموا شمل العائلة. و الاهل بتركوا ابنهم اكتر من 10 مرات خلال العاصفة حتى يطعموا.
مرات هدول البطاريق الصغار اهاليهم بموتوا خلال رحلتهم بالبحث عن الأكل. وقتها بيجوا الاهالي الي لقوا ولادهم ميتين من البرد بتبنوا هدول الصغار وبهتمو فيهم كأنهم ولادهم.
وبس هيك انتهى الثريد عن البطاريق. وصراحة كتير انبسطت وانا بعمل فيه 🐧🐧
وان شاء الله ربنا برزق كل واحد فيكم
بطريق/ـة يكونوا أوفياء ومسؤولين ويكون مستعد يوقف بوجه العواصف عشانك و عندها استعداد تغيب شهور عشان تجيب اكل الك و لابنك 😂🐧❤️
نهاركم سعيد ❤️
وان شاء الله ربنا برزق كل واحد فيكم
بطريق/ـة يكونوا أوفياء ومسؤولين ويكون مستعد يوقف بوجه العواصف عشانك و عندها استعداد تغيب شهور عشان تجيب اكل الك و لابنك 😂🐧❤️
نهاركم سعيد ❤️
جاري تحميل الاقتراحات...