نفسي اكتب قصتي
في بداية عمري الان ٣٠ من مواليد ١٩٩١-١٤١١ والبنت الكبيره للعائله
بعمر ١٩ تزوجت وماكان عندي الا شهادة اولى ثانوي ماعندي هدف كنت اساساً اشوف الدراسه مامنها فايده عدت سنتين وعادي كنت اضحك ومبسوطه واقول شهادتي بعلقها في المطبخ واذا تزوجت بنشغل بزوجي واطفالي ...
في بداية عمري الان ٣٠ من مواليد ١٩٩١-١٤١١ والبنت الكبيره للعائله
بعمر ١٩ تزوجت وماكان عندي الا شهادة اولى ثانوي ماعندي هدف كنت اساساً اشوف الدراسه مامنها فايده عدت سنتين وعادي كنت اضحك ومبسوطه واقول شهادتي بعلقها في المطبخ واذا تزوجت بنشغل بزوجي واطفالي ...
تزوجت مرت اربع سنوات وكانت مليانه مشاكل ونفسيه تعبانه وحياه بدون طعم ولون زائد ان ربي مارزقني بالذريه وهذي المشكله الاكبر غير اني اشوف صديقاتي كيف يمشون في حياتهم وانا في مكاني ثابته...
وبالخامسه كنت بعمر ٢٤ كبرت ونضجت وبديت افكر اني عمري قعد يضيع وانا ماسويت شي فقررت اكمل دراستي درست منازل ونجحت وتخرج من الثانوي وقررت اخذ دبلوم موارد بشريه و في الجامعه تعلمت كثير وبديت اكتشف نفسي اكثر...
لقيتني شجاعه عندي استطاعه اوقف قدام الجميع واتكلم بعد ماكنت ماقدر اقول كلمتين كنت انا المتحدثه لدفعتي اكتشفت قوة شخصيتي واكتشفت اشياء كويسه فيني ، والنتيجه اني من بين كل الطالبات انا اللي القيت كلمة التخرج ...
اذكر بالثانوي قبل اتزوج وقفتني الاستاذه اقراء قدام البنات مسكت الكتاب وصرت ارتجف وماقدرت اقراء قلتلها مابي قالت بحطلك صفر قلت حطي وقتها كان عندي ازمه من القرايه قدام الناس ...
تخرجت من الجامعه وانا ماكنت اتخيل اني في يوم من الايام بلبس قبعة التخرج معدي ٢.٦٨ بس عادي انا تخرجت انا نجحت انا سويت انجاز في حياتي ...
بعدها بديت امارس هوايتي في تصميم الاساور والرسم واطور نفسي فيها بهدف يكون عندي ماركتي الخاصه ، والحمدلله بديت هذي الخطوه وكلي امل وثقه برب العالمين اني رح انجح في الاخير ...
انا قعد اكبر صار عمري ٢٨ مرت تسع سنوات من دون اطفال احساس الامومه يزيد فيني وكل مارحت عند دكتوره تقولي انتي وزوجك سليمين ومافي شي يمنع وهذا الشي هو اللي كان مطمني ومحسسني بأن ربي بيرزقنا في الوقت المناسب ...
وكان الحل هو اطفال الانابيب وبديت مراجعات ومواعيد وسبحان الله كل شي كان متيسر عكس مراجعاتي الاولى اعطوني موعد في شهر سته من سنة ٢٠١٩ كنت متحمسه ومتوتره بس مأمنه انها بتنجح ...
والحمدلله حملت بطفلي الاول سويت التحاليل وشفت الخطين اللي عمري ماشفتها ...
وبديت اجهز نفسي لاستقبالها وتعلمت عالصوف وسويت اشياء كيوت ...
كان موعد ولادتي في رمضان وكنت استناه وابيه يجي بسرعه ، مرت شهور وعرفنا انها بنت وبالشهر السابع سويت التحاليل لي وللجنين وكل شي ممتاز وبالثامن قررنا نجهز بعض احتياجاتها الاساسيه ونستعد لجيتها ...
وجت علينا ازمة #كورونا والغو مواعيدي وقبل التاسع بثلاث ايام جهزت شنطتها نمت وصحيت وجتني الولاده كنت سعيده رغم الالم رحت المستشفى وانا اقول لزوجي واهلي بروح اجيبلكم بنت حلوه و اثناء الولاده لاحظت حركة الاطباء غريبه وسألتهم قالوا الجنين مافيه نبض...
وماقدر اوصف احساسي وقتها وانا اولد وعارفه ان مابسمع صوتها ولا بشوفها وبعد ماولدت ماعرفوا وش السبب بس قالتلي كانت ميته من اسبوع ماقدرت استوعب لانها كانت تتحرك كيف صار مادري وكيف في يوم وليله تغير كل شي ...
قررت ما اشوفها واتعلق فيها اكثر ،وسبحان الله من لحظة ولادتها الله نزل في قلبي رضى باللي كتبه لنا ، وبعد فتره عرفت ان السبب هو نسبة تخثر في الدم ما انتبهتها الدكتوره الله يسامحها ...
قبل ولادتي زوجي حلم بأمه الله يرحمها انها ماسكه طفلتنا وفرحانه فيها وهو كان يحاول ياخذها منها وهي تحلف انها مايشوفها وفعلاً لا انا ولا هو شفناها الله يجعلها شفيعه لنا ...
بعد مرور ٨ شهور استرجعت قوتي واملي ورجعت سويت العمليه وانا واثقه بأن ربي بيعوضنا هالمره 💪🏻
الله يكتبلي الخير ويسرلي وتنجح و نشوف اطفالنا ونفرح فيهم وينورون دنيتنا ...
الله يكتبلي الخير ويسرلي وتنجح و نشوف اطفالنا ونفرح فيهم وينورون دنيتنا ...
بعد مرور ٨ شهور استرجعت قوتي ورجعت سويت العمليه وكلي امل بأن ربي بيعوضنا هالمره...
لكم مانجحت العمليه للاسف، طبعاً زوجي كان اكثر شخص شاف قد ايش تعبت وقالي في حال مانجحت ماعاد ابيك تتعبين زياده وراضي باللي ربي كاتبه، ولهاذا السبب بديت افكر بهدف ثاني اسعى له في حياتي...
دايم الحياه ماتمشي مثل ما احنا مخططين ومتوقعين، في اشياء كثير متخبيه لنا ما يعلم فيها غير ربنا، ممكن الله مارزقنا بالعيال لك رزقنا بيجينا في شي ثاني احنا مو متوقعينه، لازم يكون الانسان واثق برب العالمين...
جاري تحميل الاقتراحات...