⭕️ ثريد عن ليه مفترض يكون في عقوبة سجن لأي إطلاق نار إحتفالي في الهواء ومصادرة الأسلحة دي.
⭕️⭕️مهم جداً⭕️⭕️
⭕️⭕️مهم جداً⭕️⭕️
الصورة الفوق دي بعد ما طلعنا رصاصة من فك سيدة خمسينية جاتنا في مستشفى الأسنان التعليمي. قالت انها كانت نايمة في الحوش وفجأة جاتها الطلقة دي من مافي.
طبعاً احساس مخيف جداً لانه بدون صوت بدون أي شي فجأة بتحس بي إحساس شديد بالألم وبتشوف الدم كابي (باعتبار ان الاصابة ما كانت قاتلة).
طبعاً احساس مخيف جداً لانه بدون صوت بدون أي شي فجأة بتحس بي إحساس شديد بالألم وبتشوف الدم كابي (باعتبار ان الاصابة ما كانت قاتلة).
طيب ممكن نشرح بيحصل شنو لمن نطلق أي عيار ناري في الهواء.
البديهي انه تعرف انه الرصاصة ما بتمشي الفضاء يعني.. كلنا عارفين كدا صح؟
الرصاصة بتمشي فوق وبيبدأ تسارعها يقل لغاية ما توصل أعلى إرتفاع ليها والممكن يوصل لي قرابة ٢ كيلومتر حسب زاوية الإطلاق وقوة المسدس أو البندقية.
البديهي انه تعرف انه الرصاصة ما بتمشي الفضاء يعني.. كلنا عارفين كدا صح؟
الرصاصة بتمشي فوق وبيبدأ تسارعها يقل لغاية ما توصل أعلى إرتفاع ليها والممكن يوصل لي قرابة ٢ كيلومتر حسب زاوية الإطلاق وقوة المسدس أو البندقية.
بعدها بتستعدل كدا وبتبدا تنزل. طبعا الهواء بيقلل من تسارعها ولكن الرصاصة اصلا مصممة على انها تكون aerodynamic والهواء ما بيخفف من سرعتها كتير وممكن تصل سرعة الرصاصة وهي نازلة لي ٦٥٠
كم/س!!! متخيلين؟؟ الرصاصة ممكن تخترق العظم واللحم بعد ما تعدي سرعتها #١٦٠ كم/س فما بالك ب٦٥٠!!
كم/س!!! متخيلين؟؟ الرصاصة ممكن تخترق العظم واللحم بعد ما تعدي سرعتها #١٦٠ كم/س فما بالك ب٦٥٠!!
طبعاً الهوا بيخلي الرصاصة تتحرك أثناء ارتفاعها ونزولها وبالإضافة لي زاوية الإطلاق الرصاصة ممكن تنزل في مكان بعيد عن المكان الأطلقوها منه، ودا شي كويس ليك ولكن معناها في ناس تانية في خطر. يعني ما تمشي ميدان فاضي تقول تطلق فيو على أساس تنزل هنا، لأنها حتنزل في حي تاني غالباً.
في الصحراء والمناطق الغير مأهولة إحتمالات إصابة رصاصة لشخص بتكون ضئيلة ولكن لما تكون في المدينة وبي الكثافة الشفتوها في الفيديو ممكن بكل بساطة تقع في راس واحد..
بما انه الرأس اول جزء يقابلها. ولو محظوظ شديد ممكن تقع على كتفه او لو مستلقي زي معظم الشعب السوداني البنومو في الحوش ومناطق مكشوفة ممكن تنزل على أي جزء من جسمه وتؤدي لي وفاته.
فبتمنى الناس الواعية البتعمل كدا كنوع من أنواع الرجالة والفخر والwhatever reason.
يعاينو للموضوع دا بي انهم بي فعلهم دا بيعرضوا حياة ناس كتير للخطر وبيقامروا بي حياتهم. ممكن رصاصاتك تنزل في سطوح ولا تراب ومافي زول يجيب خبرها وممكن واحدة منها تنزل في راس طفل بيلعب في الشارع.
يعاينو للموضوع دا بي انهم بي فعلهم دا بيعرضوا حياة ناس كتير للخطر وبيقامروا بي حياتهم. ممكن رصاصاتك تنزل في سطوح ولا تراب ومافي زول يجيب خبرها وممكن واحدة منها تنزل في راس طفل بيلعب في الشارع.
يبقى السؤال هو؟ هل مستاهلة الrisk دي؟
هل صعب نحتفل بي مناسبة زي الزواج بدون ما نعرض ناس تانيين لي خطر؟؟
وبتمنى يكون في تجريم لي الحاجة دي وعقوبة رادعة لي أي مخالف.
عشان أنا شايف انها ما مستاهلة نهائي.
هل صعب نحتفل بي مناسبة زي الزواج بدون ما نعرض ناس تانيين لي خطر؟؟
وبتمنى يكون في تجريم لي الحاجة دي وعقوبة رادعة لي أي مخالف.
عشان أنا شايف انها ما مستاهلة نهائي.
ريتويت يا ريت عشان الناس تفهم ، ولو عندك زول حابي يعمل كدا او زول شايل مسدسه وحايم من مناسبة اي مناسبة منشنو هنا عشان يعرف خطورة فعله.
وربنا يحفظنا💙
وربنا يحفظنا💙
جاري تحميل الاقتراحات...