دلوقتي فيه البعض بيحاولوا يوتروا الناس ويهيجوا مشاهرهم بإسم الدين .. وبإسم التشجيع لأي نادي .. علشان كده خدوا القاعدة الذهبية دي للتعامل مع أي قضية .
-
ماتمشيش ورا رأي أي حد .. خد موقفك لنفسك .. علشان اللي بيكون غرضه إستغلال الحالات العصبية مايلاقيش حد يستغله فهيسكت لوحده
-
ماتمشيش ورا رأي أي حد .. خد موقفك لنفسك .. علشان اللي بيكون غرضه إستغلال الحالات العصبية مايلاقيش حد يستغله فهيسكت لوحده
أيوه معلش .. فيه البعض متخصصين في عمل الأزمة وتصديرها وهي أصلاً ممكن تتحل بشكل أبسط بكتير .. لكن النقطة دي مش في صالح اللي عايز الأزمة تزيد .. فعلشان كده لو لقيت قضية شبه القضايا دي .. ممكن تشوف شوية قواعد أنا بمشي عليهم في العادة وإنت حر تطبقهم أو لأ .. أنا هكتبهم هنا للي يحب
1- لو لقيت أي إساءة مثلاً لأي مقدسات دينية تهمك .. أول شئ ماتمشيش ورا أي حملة ضدها على طول من غير تفكير ..
لأ ... شوف أصل الموضوع إيه بالضبط ، وإفهمه كويس (علشان تعرف تقيم الأمور وترد رد حاسم)
الرد الحاسم بيكون شامل الآتي ..
★توضيح وترويج الفكرة الصح
★إتخاذ موقف قضائي لو تقدر
لأ ... شوف أصل الموضوع إيه بالضبط ، وإفهمه كويس (علشان تعرف تقيم الأمور وترد رد حاسم)
الرد الحاسم بيكون شامل الآتي ..
★توضيح وترويج الفكرة الصح
★إتخاذ موقف قضائي لو تقدر
2- دفاعك لازم يبقى بشكل متحضر ومحترم .. يعني ماتردش الإساءة بإساءة .. هو مسئ وفاشل .. ماتنزلش لمستواه ، إعمل بس اللي تقدر عليه من رد سليم علشان توضح الصح .. بس ، مبروك .. إنت كده دافعت عن المقدسات الدينية اللي تهمك بشكل ممتاز وربنا يتقبل منك وتبقى في ميزان رحمته بيك كإنسان طيب
3- نيجي بقى لنقطة الدفاع عن النادي اللي بتشجعه . بص ، أنا مش هقول لك كلام إنشائي (مع إني شاطر في ده 🤣) . بس هكون عملي جدًا وأنا بقول لك التصرف يبقى إزاي .. مبدئيًا كده (الأهلي والزمالك والزمالك والأهلي) دول مهما حصل هيفضلوا أكبر ناديين في أفريقيا . حطها قاعدة في ذهنك علشان حقيقة
4- طيب .. هما أكبر ناديين .. إيه اللي مطلوب منك كمشجع لأي نادي منهم .
(ملكش دعوة بحد) .. لا بتيمات هاشتاجات .. ولا بصحفيين رياضيين . ولا بتوك شو رياضي .. علاقتك بناديك مش محتاجة دول في حاجة .. إنت اللي يهمك ناديك وتعرف أخباره وتشجعه لما يلعب سواء كسب أو خسر . كده تبقى مشجع 👍🏼
(ملكش دعوة بحد) .. لا بتيمات هاشتاجات .. ولا بصحفيين رياضيين . ولا بتوك شو رياضي .. علاقتك بناديك مش محتاجة دول في حاجة .. إنت اللي يهمك ناديك وتعرف أخباره وتشجعه لما يلعب سواء كسب أو خسر . كده تبقى مشجع 👍🏼
5- تسألني بقى .. طيب إفرض لو حد قال كلمة غلط عن النادي بتاعي .. مش لازم أرد عليه؟ .. بص .. دور على الحقيقة بنفسك وماتاخدهاش من لسان حد ... هاتها زي ماحصلت .. لو لقيتها في صف ناديك رد بيها وإنت كده كده ناديك كبير .. فصوت واحد يقلل لك منه ملوش أي قيمة .. وعيش حياتك بقى
خد الكلام ده من واحد عاش 6 سنين وسط الترندات والهاشتاجات في ظل لما الأمور كانت أصعب من كده .. ده التعامل اللي يريحك نفسيًا من الضغوط ويبعدك عن أي مزايدات أو متاجرات ..
★ده اللي عندي 🤩
★ده اللي عندي 🤩
جاري تحميل الاقتراحات...