دايما، مع كل سالفة أو خبر أو حدث أو فضيحة يديدة، لازم يظهر على السطح كل نوع هالأنواع ليعيد ويكرر نفس الدور، وأحيانا هالناس تبدل أدوار:
أول ظهور عادة يكون للي دايما يبون يحققون السبق ويكونون أول ناس ينقلون الخبر. أحيانا يردون تالي وبكل فخر يقولون "ما قلت لكم؟"
أول ظهور عادة يكون للي دايما يبون يحققون السبق ويكونون أول ناس ينقلون الخبر. أحيانا يردون تالي وبكل فخر يقولون "ما قلت لكم؟"
وطبعا أكو ملح تويتر. طينتهم خفيفة وياخذون فاصل على السالفة. دايما يفطسونك من الضحك.
وأكو البواوقه، دورهم الوحيد هو إنهم ينطرون، يتحينون الفرص، من أحد يقط قطه باقوها وأعادوا تدويرها.
وتحتهم على طول في تراتبية الهرم الغذائي اللي نفس البواوقه بس يحبون يسوون تمويه، ياخذون القطات ويحورونها شوي ويعيدون تدويرها، يعني ترى أصلية.
وطبعا ما تخلى من نظار المدرسة اللي يطلعون عشان يزفون الناس ويقولون لهم ترى عيب عليكم! هذا مو وقته! ليش ما تحترمون المادري شنو؟ هذيل بوَم تويتر اللي يحبون يزفون اليهال المزعجين لمن ينامون الظهر.
وولا قصور بال Sloths، المشاركين المتأخرين اللي يستوعبون ويعلقون عقب يومين من انتهاء المباراة، تكون السالفة مخلصة ومخلصين سالفتين عقبها.
والأملق على الإطلاق اللي ينطرون كل سالفة عشان آخر شي يقولون جملتهم المعهودة "اللي ما لحق يعلق على السالفة خل يلحق يعلق لأن بنسكر الموضوع بعد شوي" ويحط صورة باتمان قاعد يطق روبن طراق قبل لا يكمل كلمته. عقب كل سالفة.... نفس التعليق. ينطر كل سالفة يديدة بس عشان يقول هالكلمتين ويمشي.
وفي المعلمين، المنظرين اللي ينزلون سلسلة تغريدات عشان يشرحون شلون لازم نتعاطى مع الموضوع. مقدمة ومتن وخاتمة وشرح مرقم بتراتبية منطقية مبسطة لرجل الشارع الإعتيادي.
وتحت هذيل بعد على طول ايي اللي يقرون السلاسل وينقلونها بعد ما يغيرون بكلماتها شوي ويردون ينزلونها. نفسه ما تسمح له يسوي ريتويت فيقرر ينسخ وينشر.
جاري تحميل الاقتراحات...