قابلت واحد كان كاتب على الفيس بوك نصًا الكلام ده .. الصراحة مقدرتش أمسك نفسي من الرد عليه .. رديت عليه فيما معناه إن شرعًا مشروعية القتل مقيدة بضوابط (فقط الدفاع عن النفس قصاد أي معتدي بهجوم مسلح) وإن الإسلام أبعد مايكون عن القتل ..
بعد كده طلب دليل . فبعت له الآية دي (بسم الله الرحمن الرحيم
وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ
صدق الله العظيم) .. ودعمت الآية إن الرسول صلى الله عليه وسلم .. كان أولى إنه يقتل من أساء إليه . بس هو معملش كده علشان يرجو منهم الهداية مستقبلاً
وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ
صدق الله العظيم) .. ودعمت الآية إن الرسول صلى الله عليه وسلم .. كان أولى إنه يقتل من أساء إليه . بس هو معملش كده علشان يرجو منهم الهداية مستقبلاً
قال لي إن قتل المسئ حق وإن المنطق اللي أنا قلته ماينفعش أستخدمه فوق النصوص الشرعية . وجاب لي حديث مشكوك في صحته "عن الراجل الأعمى اللي قتل مراته علشان شتمت" وكان نسخه وناسخ شرحه من أحد المواقع . فرديت عليه بشرح تاني بيتكلم عن إن الحديث ضعيف ومشكوك فيه . وأنا عارف إني هخش في جدال
قال لي إن الرد بالنصوص مابيأكدش العلم ولايساهم في فهم الإختلاف .. وإنه عايز يجيب لي حد يناظرني صوتيًا ... أنا إتأكدت كده إنه مش هيقتنع .. ففضلت أوضح إن الموضوع مش محتاج مناظرة لأن من البداية محدش فينا هيقتنع بالتاني .. وفي وسط الكلام قال لي إني بتغني في الكلام عن القرآن دون السنة
وبغض النظر إنه قال لي إسمك غريب وصورتي غريبة وإني بدعي العلم .. هو قال إني لازم أدخل في مناظرة برضه .. وأنا أساسًا عارف إنه مش هيقتنع بالفكرة اللي قلت لها .. ففضلت أأكد على نقطة إن الموضوع مش محتاج مناظرة ولو لازم يبقى تناظر الأكثر علمًا مني ومنك واللي بيأكدوا صحة كلامي ..
وركزت له على نقطة فتح مكة .. وهو جادل فيها برضه 🤔 وفي آخر الحوار قال لي إنه كل مابيناقشني بجيب له شبهات أكتر ومش بجيب له أدلة من القرآن أو السنة .. المهم هو كان من فترة باعت لي طلب صداقة وأنا معرفوش .. فلغيت الصداقة دي وخلاص بعد كام كلمة كويسين قلتهم علشان أمهد لخروجي ده
وفي الآخر بعت لي الرد ده ..
بعت له بلوك .. لأنه كده تجاوز في حدوده .. لما توصل لدرجة التشبيه بالأعراب الأشد كفراً ونفاقًا .. لأ لحد هنا وللإنسان طاقة تحمل .. معلش ، أنا برضه إنسان ومحبش إني أتحمل أذى .. فخدت القرار وأعرضت عن الإستمرار في الحديث .. ده اللي حصل
جاري تحميل الاقتراحات...