إيش يعني "الأسواق المالية" ؟!
وكيف أتجنب الشركات المحتالة فيها ؟!
🤔
ملخص لقاء أ. أسامة شاكر
الرئيس التنفيذي لشركة جي آي بي كابيتال
gibcapital.com
تابع معايا 👇🏻
#الاستثمار_للجميع
وكيف أتجنب الشركات المحتالة فيها ؟!
🤔
ملخص لقاء أ. أسامة شاكر
الرئيس التنفيذي لشركة جي آي بي كابيتال
gibcapital.com
تابع معايا 👇🏻
#الاستثمار_للجميع
قبل لا أبدأ .. اذا حبيت تاخد فكرة عن أ. أسامة شاكر .. شوف الرابط هنا 👇🏻
aliqtisadi.com
aliqtisadi.com
طيب نجي لموضوعنا .. اول شي ايش يعني "ورقة مالية" ؟! الورقة المالية هي مستند ملكية قانوني .. يعني مثلا لو انت تملك اسهم في شركة .. يعني انت تملك ورقة مالية تثبت انو عندك دي الأسهم في دي الشركة بطريقة رسمية 😃
طيب ايش يعني الأسواق المالية ؟! .. السوق المالي هو السوق اللي نتداول (نشتري ونبيع) فيه الأوراق المالية .. والهدف منه .. إنو الكل يقدر عن طريقه يتملك دي الأوراق مالية .. ناخد مثال يوضح ؟! 🤓
لو اخدنا شركة ضخمة زي سابك .. عشان نأسسها حنحتاج عشرات المليارات .. ودا الشي محد حيقدر يسويه إلا لو فيه سوق للمال .. سوق المال هنا اعطى فرصة لأي شخص إنو يشتري حصة في سابك بمقابل مالي .. والشركة قدرت تجمع المبلغ الضخم اللي تحتاجه 🧠
مثال ثاني .. العقارات .. نفس الشي .. عن طريق سوق المال .. الناس قدرت تشتري فيها عن طريق الريت مثلا (صناديق العقارات المتادولة) رغم كبر حجم المشروعات العقارية اللي بتشتغل فيها 😉
طيب ليش نحتاج نفهم دا الموضوع ؟! .. أي أحد يبغا ينمي ماله .. هو بياخد قرار استثماري .. ودا الشي حيكون عن طريق أي سوق مالي .. مثل أسواق الأسهم أو أسواق السندات أو أسواق العقار .. أو حتى حصة في نشاط تجاري 😁
مهم جدا إنو يكون عندك فكرة عن السوق اللي بتتعامل معاه .. وتعرف مخاطره .. وتكون عارف إنو أي استثمار حيكون فيه مخاطر أكيد .. احتمالية انو السوق يطلع أو ينزل موجودة دايما .. ودي طبيعة أي سوق في أي مجال 😕
دايما في ظروف تأثر على استثمارك .. سواء داخل النشاط اللي استثمرت فيه .. أو أشياء خارجية (سياسية مثلا) أثرت عليه .. مهم جدا تجتهد إنك تعرف ايش صاير في المجال أو الشركة اللي بتستثمر فيها .. اقرا اخبارهم شوف ارقامهم .. لا تعتمد على رأي أي أحد .. استثمارك مسؤوليتك انت في الأخير 🧐
نجي دحين لنقطة تانية .. الاحتيال في الاستثمار .. الاحتيال بشكل عام موجود في اي مجال .. وفي اي مكان .. عالميا ومحليا .. دورك انت توعي نفسك .. الطمع ضيع ما جمع .. لا تطمع وتستعجل في الربح .. المحتالين يلعبوا على وتر أرباح سريعة ومغرية لكنها غير منطقية 😏
طيب كيف يعرف المستثمر انو دي عملية احتيال ؟ .. الجواب ببساطة اي شي غير منطقي لازم تشك فيه .. مثلا لو جا أحد وقالك أنا أعطيك عوائد ١٠٪ شهريا .. فكر فيها .. ايش هو دا الاستثمار ؟! .. الناس بتتعب وتأسس شركات عشان تجيب ١٠٪ سنويا .. تجي انت تقولي ١٠٪ شهريا !! 🥴
لو في استثمار زي كدا يجيب .. ما كان شفنا شركات استثمارية عالمية وكبيرة محتارة .. كان راحت لدا الاستثمار على طول وبدون نقاش ! 😅
والشي الثاني معظم الشركات النصابة والمحتالة .. تلاقيها ما عندها تراخيص أصلا من الجهات الرسمية .. مثل هيئة السوق المالية في السعودية 😆
كان دا ملخص لقاء أ. أسامة .. اللقاء كان ضمن برنامج لقاءات ثمين @thameensa التابع لهيئة السوق المالية @SaudiCMA .. لمشاهدة اللقاء كامل .. على الرابط 👇🏻
youtu.be
youtu.be
جاري تحميل الاقتراحات...