من اليوم و رايح اعزائي التأريض لازم يكون جزء لا يتجزأ من يومكم ؛ زمن الرفاه انتهى !! الموجات صارت everywhere ، لزوم نتأرض دايما دايما.

التأريض هو انكم تمشون على تراب او ارض طبيعيه ؛ مو ارضيه بيتكم لا ، تراب البحر هو الافضل لبرودته ع الرجلين و اقرب لنا بالمدن و هواء البحر اصلا مفيد صحيا كذلك فيصير عصفورين بحجر ؛ التأريض مهم للتخلص من الشحنات السالبه اللي تسببها الموجات الكهرومغناطيسية اللي كثرت حولنا مؤخرا.

او حتى لو تتمشىن بحديقه فيها زرع كثير مثلا ( اشوف سكان ابها اكثر ناس يتمشون بالخضار و الجو يونس 😍 ) عادة جدا صحيه و تصفي الذهن ، مو شرط بحر يعني بس اهم شي ارض طبيعيه ، ممكن ايضا مثلا تحطون رجلكم حافيه بنهر او قريب شلال ( اللي ساكنين بتركيا او دول مشابهه يا كثر الشلالات عندهم )

و قد جربت التأريض قريب من شلال ، شيء رائع و زيادة ع انه يخلصنا من السلبيه ، برضو يعطي بهجه بس تكون كذا هاديه و ينفع بعده نسوي تأمل هو و التأريض اللي يكون ع ارض خضراء لانه الرسايل توصلنا اسرع من خلال هالطاقات 😍 من الآخر يعني اتصلوا بالطبيعه الأم 🙏🏼