الفتره الفاتت كنت بتابع بدقه سؤال بدور في راسي مهم (هل السودان ما فيه انتاج نهائي مثلما هو مروج له؟!)لقيت الاجابه بعد بحث انو فيه انتاج( ذهب+ ثروه حيوانيه+ محاصيل) طيب ليه ما بتظهر في GDP؟! وليه التضخم زايد كده؟ الاجابه بالمختصر الفساد وانو الدوله ما عندها رقابه

حتى بيانات حصر للسلع ماف!؟ دا غير السلع البتكون من السودان ومكتوب فيها made in other countries دا غير تهريب الذهب والمعادن الأخرى غير تهريب الفحم والفول السوداني والصمغ العربي غير الماشيه البتموت في حاويات جوع وفي نفس الوقت غير البخش خزينه العسكر وليس الدوله #الازمه_الاقتصاديه

حتى الدوله ابسط شيء _ماعاوزه تضبط أسعار السلع_ عشان كده في مضاربه وزيادة غير مبرره لبعض السلع والخدمات اللحوم من المنتج في كم شاري وسيط وترحيل ولفه طويله بتضاعف اسعارها الاًراضي حتى الادويه والسلع المستوردة والمحليه كل مواطن ممكن يسعر من رأسه عادي جدا

ليه الدوله خاله ثغره كبيره اسمها (بائع وسيط) او سمسار في نص اي شيء يزيد من حجم التضخم ؟! ليه الدوله بتخلي مقابل اي ساعه أساسيه او خدمه في العالم المتقدم تحت سلطه الحكومه عندنا بكون فيها مافيا؟! لماذا؟ وليه ماف سلطات تحقيق ومحاسبه مستقله لماذا دوما عندنا لجان صوريه؟!