بسم الله الرحمن الرحيم
السلام عليكم ورحمة الله وبركاته
رحلتي مع القدرات محوسب
السلام عليكم ورحمة الله وبركاته
رحلتي مع القدرات محوسب
البداية كانت مع الأساسيات تأسست من اليوتيوب عند أستاذ فهد التميمي وأستاذ عماد الجزيري ومن كتابه قسم الهندسة بس (طبعا ما انصح احد يتأسس من اليوتيوب لأن الحين القدرات نزلت له أفكار جديدة و قوانين جديدة بدال اليوتيوب تقدر تدخل دورة أو تشتري كتاب المعاصر كمي و كتاب هدفك لفظي) بعدين
تدخل على التجميعات التجميعات اللي ذاكرتها نموذج 85 و التكميلية 7 و المنصف2 و تقفيلات المنصف6 و كهف الفيلة بلس (ما يحتاج تذاكره الفترة الحالية) هذا التجميعات اللي ذاكرتها طبعا التجميعات يمكن تتغير في أي وقت ف لازم تتأكد من التجميعات الثابتة في الفترة اللي بتختبر فيها.
بالنسبة لمذاكرتي بديت في شهر رمضان دخلت على 85 وكنت اذاكر نص ساعة كمي ونص ساعة لفظي إلى شهر شوال قررت اغير طريقة مذاكرتي إلى 75 سؤال لفظي و 75 سؤال كمي و قلت مع الوقت بزيد عدد الاسئلة مع المذكراة لاحظت مستواي في الهندسة سيء لدرجة كبيرة و كان عندي كتاب المعاصر 5 بلس قررت اذاكر
قسم الهندسة و بعدين ارجع حق 85 بديت اذاكره و كنت اذاكر معاه تجميع حق الورقي عشان ما انسى المعلومات اللي اعرفها خلصت تأسيس الهندسة و كملت على تجميع الورقي إلى ان خلصته بعدين رجعت على 85 و كملت على نفس طريقة المذاكرة شهر تقريبا بعدين شفت نفسي في الكمي داخل ال 200
و اللفظي توي في ال 70 قلت لازم اغير طريقة مذاكرتي إلى 100 سؤال كمي و 200 سؤال لفظي كملت مذاكرة إلى ان خلصت 85 كمي و ما بعد اخلص 85 لفظي رحت حق التكميلية كمي و بقيت في 85 لفظي مشيت إلى ان خلصت التكميلية كمي و ما بعد اخلص 85 لفظي دخلت المنصف كمي وصلت 200 و شوي و وقفت لاني شفته صعب
و شفت انه اثرعلي بشكل سلبي في المذاكرة لاني قمت اشوف نفسي غبي الصراحة رجعت حق 85 و قمت اذاكره مرة ثانية صرت اذاكر 85 كمي و انا للحين 85 لفظي بعد فترة خلصته دخلت على التكميلية وصلت إلى نصه تقريبا و سمعت كلام ان كهف الفيلة اهم من التكميلية ف وقفت التكميلية و دخلت كهف الفيلة قمت
اذاكره و في اخر يوم كنت بخلص كهف الفيلة سمعت كلام ثاني ان التكميلية اهم من كهف الفيلة ف قلت خل اخلص كهف الفيلة وادخل على التكميلية و فعلا خلصت كهف الفيلة ودخلت التكميلية كملت مذاكرة عليه إلى ان خلصته بعدين ذاكرة الملحق الأول حق التكميلية بعدين رجعت حق 85 لفظي و للحين اذاكر 85 كمي
حجزت لي اختبار بما اني مخلص الملفات المهمة 6 محرم و كملت مذاكرة بشكل طبيعي إلى ان شفت كلام يقول ان قريب بتتغير النماذج انا خفت وكنت بغيره بس قلت خله على نفس الوقت احسن وفي يوم ثاني شفت نفس الكلام ان النماذج قريب بتتغير انا هنا قلت خلاص لازم اقدم اختباري قدمته خليته 19 ذو الحجة
مشت الأيام إلى ان قرب اختباري ف ضفت على مذاكرتي تقفيلات المنصف و مراجعة قوانين الكمي بعد ما خلصتهم قمت اراجعهم و اذاكر 85 لفظي و كمي جا وقت اختباري رحت اختبر دخلت الاختبار و انا متوتر و جبت العيد في الاختبار طلعت الدرجة 93 قلت بعد هالتعب مب أوقف على 93 راجعت اخطائي اللي سويتها
شفت اخطائي اني ما حفظت النماذج كنت بس اذاكر و خلاص و اني دخلت متوتر قلت لازم احفظ النماذج صم نفس اسمي ف غيرت روتيني اليومي قلت خلاص ما في لعب سوني ولا مسلسلات ولا انمي ولا شيء يلهيني عن المذاكرة طبعا ما تركتهم ترك ابدي بس اني صرت نادر ما العب و اشوف مسلسلات و انمي و غيرت طريقة
مذاكرتي للفظي و خليت الكمي على وضعه 100 سؤال صارت طريقة مذاكرتي للفظي من 12:30 او 1 إلى الساعة 4 مذاكرة حفظ و ما كان يهمني كم اذاكر كثر ما كان يهمني الحفظ حتى اني بعض الساعات بس اذاكر نموذجين إذا جات الساعة 4 اراجع اللي ذاكرته بعدين ارجع اراجع من بداية النموذج إلى اللي اقدر عليه
و كنت اخلص من مذاكرة اللفظي الساعة 8 او 9 بديت مذاكرة وكنت موقف في 85 كمي من الاختبار اللي قبل ف كملت عليه و اللفظي بديت من البداية 85 خلصت 85 كمي دخلت على المنصف و قلت لازم اخلصه حتى لو انه صعب بعد ما خلصت المنصف رجعت حق 85 كمي اراجعه بعدين خلصت مذاكرة 85 لفظي قلت خل اسوي له
مراجعة و كنت اذاكر معاه ملف حق العناوين بديت اراجعه في نص المراجعة بدت المدرسة ولا عرفت اذاكر شيء حق القدرات كنت قليل اذاكر كمي او لفظي حتى ان بعض الساعات بس اذاكر لفظي و اذا بذاكر كمي اذاكر 20 سؤال كذا بعد ما انتهى اول أسبوع دراسة رجعت اذاكر عدل خلصت مراجعة اللفظي دخلت على
ملاحق التكميلية و خلصتهم بعدين دخلت على التكميلية مع بداية الاسبوع الثاني ولا عرفت اذاكر إلا قليل مثل ما صار في الأسبوع اللي قبله خلص الأسبوع قلت لازم اخلص التكميلية في إجازة ما بين الأسبوعين و الحمدلله قدرت اخلصه السبت و حجزت لي اختبار يوم 10 صفر و كان باقي عليه اسبوع مع بداية
الأسبوع الثالث قمت اراجع التكميلية بعد ما خلصت مراجعته كنت مسوي قروب و حاط فيه الأخطاء الموجودة في 85 و التكميلية او الأسئلة الجديدة اللي مب موجودة في النماذج قمت اذاكرهم بعد ما خلصتهم جات إجازة اليوم الوطني استغليتها بالمراجعة حق اختباري راجعت 85 و التكميلية و ملاحق التكميلية
و اللي عندي في القروب و ملف حق العناوين و ملف حق العلاقات ( طبعا ذا الملف ذاكرته و راجعته في إجازة اليوم الوطني) و تقفيلات المنصف هنا انتهيت من المراجعة و كان اختباري اليوم اللي بعده رحت الاختبار بدون ما اتوتر ولا شيء دخلت الاختبار و انا متوكل على الله و الحمدلله جبت 98.
لكل شخص يحس انه تعب و مب قادر يكمل او اختبر ولا جاب درجة عالية و تحطم بسبب درجته بعد كل اللي سويته ليش توقف في نص الطريق؟ لازم تستمر في طريقك مهما واجهة من صعوبات كل شخص جاب درجة عالية ما وصل لها إلا بعد تعب و مخاطرة بأشياء كثيرة و في نهاية الطريق وقف فخور بنفسه الحين جا دورك هل
بتستمر في طريقك و بتوقف فخور بنفسك في نهاية الطريق؟ ام بتوقف الحين و بعدين توقف خايب الظن في نهاية الطريق؟
أتمنى التوفيق للجميع و ان شاء الله أفدتكم ولو بالقليل.🤍🤍
أتمنى التوفيق للجميع و ان شاء الله أفدتكم ولو بالقليل.🤍🤍
ملاحظة: مراجعة التكميلية و ملاحق التكميلية و ٨٥ كانت للقطع فقط
جاري تحميل الاقتراحات...