ايش افضل لك:
التجارة والا الوظيفة؟
الجواب:
مافي افضلية في الموضوع لكن في ايجابيات وسلبيات لكل وحدة، و في سمات لشخصيتك.
اذا وافقت سماتك الشخصية على سلبيات التجارة وغلبت عندك ايجابياتها فهي افضل لك، والعكس صحيح
وهنا راح اتكلم عن سلبيات كل وحدة عسان تقرر على علم مش وهم.
يتبع=

التجارة:
- مافيها استقرار، ايام تلاقي نفسك فوق و ايام تلاقي نفسك تحت، وممكن تمر عليك فترات تتدين فيها عشان تسدد رواتب موظفينك.
- المخاطر عالية، لازم تكون مستعد للخسارة قبل استعدادك للمكسب.
- مافيها نجاح دايم، ولا فشل دايم (التجارة مكسب وخسارة)
يتبع=

- تحتاج تطور وتطوير وتعلم مستمر (من لا يتقدم يتقادم).
- ساعات عمل مستمرة (حتى وانت في بيتك ممكن تلحقك مشاكل الشغل).
- تحتاج قدرة على اتخاذ القرار وبالتالي قدرة على تحمل المسؤولية.
- احيانا تضطر تضحي بأجزاء من حياتك الاسرية والاجتماعية.
- ضغط نفسي وذهني.
يتبع=

الوظيفة:
- مافيها كل اللي راح، وبالعكس فيها استقرار نوعا ما، وساعات عمل محدودة، لكن في الوظيفة مهما كبرت فانت تبني دخل لكن ماتبني ثروة.
- في الوظيفة انت تحقق اهداف ورؤية غيرك مش اهدافك ورؤيتك انت.
- مافيها تقلبات كبيرة لكن كمان مافيها نتائج كبيرة.
يتبع=

نصيحة:
حتى لو تفكر بالتجارة فالوظيفة لا غنى عنها في البدايات، هي اللي تصقلك، وهي اللي تساعدك بعد الله في تكوين راسمال تبدأ بيه.
حتى لو تفكر بالتجارة (لا تقس عمق النهر بكلتا قدميك).. ابدأ بالتجارة كموظف، واذا نمت تجارتك وصار وقتك في الوظيفة عبء على نمو تجارتك وقتها تفرغ لها.