رتبها

لمحبين infrastructure و الناس ديال Civil بغيت نتشارك معاكم واحد المعلومات لي أنا منبهر بيها الصراحة 🙂 بخصوص أبوظبي
هاد الثريد بعنوان : الخدمة النقية
و نتمنى يعجبكم
⬇️

المهم ! خاصكم تعرفو أنه الطرقان فأبوظبي 100% مراقبة بالكاميرات 🙂 و مني تنقولو الكاميرات ماشي تندويو على dome camera بحال هادوك لي تيديرو الناس فالمحلات ! لا نظام متكامل ديال المراقبة و الرصد و التحليل و التتبع
تنعاود نقول 🙂 100%

يعني عزيزي و عزيزتي إلى درتي مثلا شي مصيبة 😅 و بغيتي تسلت من المكان لي انت فيه بالسيارة ... كون متأكد أنك تمشي فين ما مشيتي غاذي يجيبوك يجيبوك
و لي تيساعد هاد النظام هو قوة نظام تسجيل السيارات لي عندهم .. يعني مكايناش شي بلاكة معلومات مولاها معندهمش

كيفاش دايرين لهاد النظام ؟ كاين هاد النوع ديال الكاميرات لي تتشوفو معايا موجود فأي طريق مخصصة تمشي عليها طموبيل 🙂 نعاود ! أي طريق تتمشي فيها طموبيل تتلقا فيها هاد الكاميرا و ما بين كل وحدة 200 متر ! تخيلو معايا شحال من وحدة راكبة
هادي تراقب جميع تحركاتك فأي بلاصة

كيف قلنا النوع لي سبق يراقب التحركات يعني غير تيسجل صافي! كاين هاد النوع ديال الكاميرات لي فيهم نظام تيقرا البلايك ديال الطموبيلات
هادو و ياربي نعرف نوصل المعلومة ! هادو كاينين فكل مدخل و مخرج ديال شي طريق كيف ما كان نوعها

نعطيكم مثال: درتي شي كعية و بغيتي تهرب ! غاذي تمشي فالطريق لي عامرة كاميرات ديال الجنب لي وريتكم من قبل
غادي تقول غاذي ناخد exit ديال هاد البلاصة باش نتخزن فيها ! مجرد تدخل شدوك هاد النوع ديال الكاميرات و قراو البلاكة ديالك
خرجتي من بلاصة أخرى غادي يشدوك ثاني

لانه كيف ما قلت ليكم 100% مداخل و مخارج أي منطقة مركبينهم فيها
إلى قلتي غاذي نتخزن فهاد البلاصة .. السيستام غاذي يعطيهم انه دخلتي و ما خرجتي من تا بلاصة و غادي يقلبو عليك تما ا الساط
إلى حيدتي البلاكة تيطلع مساج عاجل انه طموبيل تدور بلا بلاكة 💁🏻‍♂️

قوة كل نظام هو المعلومات و فأبوظبي جميع الطرق السريعة غاذي تلقا فيها هاد البريدج .. لي بيه تيحسبو يوميا شحال من سيارة دازت و شحال من رموك و يعرفوك فين مشيتي لانه و بكل بساطة فيها واحد الفلاش تيسجل كل سيارة دازت من تحتو بسرعة عالية
و منو تيخصمو الخلاص ديال الطريق 🙂

وصلنا دابا لحبيب القلب 😍 الكوشمار ديال حياتنا و للمعلومة المقاول لي صايب هاد المشروع مغربي 🙂
هاد كاميرات السرعة لي فيها أكثر من كاميرا يمكن ليها :
تحسب السرعة
واش داير السمطة
دري صغير لقدام
لاصق فشي واحد بلا مسافة أمان
سايق طموبيلة بلا تأمين
المهم عمود يقوم بالعجب العجاب 🙏🏻♥️

سلامة الأطفال ما معاهاش اللعب فأبوظبي خصوصا منطقة المدارس 👦🏻🧒🏻
شرطة أبوظبي فارضة على كل مدرسة نظام متكامل للمراقبة مرتبط مع غرفة العمليات
مني تكون سايق و تلقا طوبيس ديال المدرسة قدامك خاصك تكون على بال لانه اذا حل هاذ البلاكة ديال قف خاصك توقف بز منك .. إلى موقفتيش (٠٠٠٠٠)

قوة القانون و النظام هو لي تيفرض على كل شخص يحترم بزاف ديال الحوايج و خصوصا مني تتحس بالراحة و انت تتقضي الحوايج ديالك اليومية غير من التلفون
من التلفون تقدر تجدد البيرمي و تخرج ورقة الجنايات و تخلص المخالفات و تجدد طموبيلتك و تشري تأمين و و و و

حسب تخصصي العملي و أنني تلاقيت مع بزاف د الناس و دوينا فهاد المواضيع عرفت أنه هادشي تصايب مؤخرا ولكن كان مخطط ليه قبل عشرين سنة 🙂 يعني كانو تيبنيو ولكن تيقولو ممكن من بعد نديرو هنا كاميرات و ندوزو كابليات و خلاو بلايص هاد الأنظمة
و مني بغاو يركبوهم ما حفرو ما ردمو 🙂

غير جابو البوطوات و ركبو البياس و خدمو السيستام و هادشي يحيلنا دايما لمسألة غاذي يعرفوها ناس civil ديال
Future expansion plans
يعني خطط و بني ولكن تخيل اشنو ممكن تحتاج من هنا لعشر سنوات و خلي structure ديالو واجدة

سمحو لينا لا طولنا عليكم 😭🙏🏻
🔚

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة