هل نحتاج فلوس عشان نصنع فلوس أكثر ؟! لأ !
عشان تفهم طريقة صناعة الفلوس ..
وما تكون مستثمر تعبان .. لازم تفهم دا الكلام ..
تابع التغريدات عشان تفهم أكثر 👇🏻
#الاستثمار_للجميع
عشان تفهم طريقة صناعة الفلوس ..
وما تكون مستثمر تعبان .. لازم تفهم دا الكلام ..
تابع التغريدات عشان تفهم أكثر 👇🏻
#الاستثمار_للجميع
تكلمت في التغريدات اللي فاتت عن القوائم المالية .. وقلت كيف إنو المستثمرين الفنانين يزودوا الأشياء في قائمة الأصول عشان هي اللي تجيب لهم الدخل .. حلو الكلام ؟! 🤓
المشكلة هنا انو احنا دايما نفكر في بالنا انو كيف نشتري دي الأصول .. ونوقف قدام مشكلة كبيرة جدا .. طب انا ما عندي كاش عشان أشتري بيه دي الأصول .. إش أسوي ؟! 🤔
الحل هنا جوهري وعميق شوية .. لكن فكرته بسيطة جدا : " اصنع اصولك بدل ما تشتريها " .. كيف ؟! ليش ؟! ما ينفع ؟! الصناعة نفسها تكلف !! .. اذا ما استوعبت الفرق .. وحدة وحدة .. خليكي معايا أشرحلك 😉
دحين بيل جيتس و ميكيل ديل .. كيف صاروا أغنياء مع إنهم بدأوا بدون فلوس ؟! .. حتقولي ببساطة لأنهم بدأوا شركات خاصة وكبرت .. طيب حلو .. عارف إش هذا معناه ؟! .. إنهم حطوا شركاتهم ضمن الأصول اللي تضمن لهم الدخل 🤩
طيب هل دا معناه لازم أفتح شركتي الخاصة ؟! .. لأ طبعا .. شوف شي تحبه .. واصنع فيه شي سهل تكرر بيعه (أو الاستفادة منه) .. كتاب .. منتج إلكتروني .. محتوى يوتيوب .. أو حتى منتجات بسيطة تقدر تبيعها .. 🤑
طيب اش الفكرة هنا ؟! .. الفكرة ببساطة انك تقدر تحول المنتج اللي صنعته بمجهودك لشي ينكتب تحت قائمة الأصول .. طيب هل فيه طريقة كمان غيرها ؟! .. طبعا .. العالم كبير والأفكار كثير .. كبر قائمة الأصول .. فكر كيف 🧠
طيب يعني معقولة هذا الشي حيخليني غني على طول ؟! .. مو قصدي كدا طبعا .. لكن هي دي الفكرة اللي لو فهمتها وعرف تزبطها .. إنت كدا على الطريق اللي حتصير بيه غني .. حقولها كمان مرة : كبر قائمة الأصول بأشياء تضمن لك الدخل 😁
في ثريد خرافي لـ @naval "كيف تصير غني بدون حظ" .. يوضح الفكرة اللي أتكلم عليها .. قراءة ممتعة 🙏🏻
جاري تحميل الاقتراحات...