ركزوا معايا...دى الاجراءات و المستندات المطلوبة علشان تسجيل عقار فى الشهر العقارى...انا روحت مكتب التجمع و الصورة دى فيها الاوراق المطلوبة و هشرحها لكم
مشروع العقد ده عبارة عن form بتشتريه من الشهر العقارى ب ١٠٠ جنيه..و تملأ البيانات اللى فيه من العقد الابتدائى اللى معاك و تروح للجهة اللى باعت علشان توقيع و ختم...بالنسبة لى انا الجهة هى جهاز مدينة القاهرة الجديدة.
ال فورم ده لازم تشتروه من المكتب الرئيسى للشهر العقارى فى العناوين الآتية:
٤٨ شارع رمسيس أو ١٢٦ شارع الجلاء فى رمسيس(مكتب شمال القاهرة)...قالولى اشترى ٢ معرفش ليه
٤٨ شارع رمسيس أو ١٢٦ شارع الجلاء فى رمسيس(مكتب شمال القاهرة)...قالولى اشترى ٢ معرفش ليه
مطلوب خريطة مساحية و محضر قياس (تروحوا تقولوا كده بالظبط هما عارفين) من وزارة الانتاج الحربى فى لاظوغلى...و لما استلمها ارجع لجهاز القاهرة الجديدة اعتمدها
بعد كده ارجع الشهر العقارى علشان يراجعوا الاوراق و يحددوا القيمة المطلوب دفعها...و بعد الدفع يقولولى استلم فى خلال اسبوع
اللى فهمته ان لازم تسجيل العقار يتم فى مكتب الشهر العقارى فى المنطقة اللى فيها العقار نفسه
و انا بعمل الاجراءات دى هقول لكم على اى معلومات جديدة تقابلنى...و ربنا معانا جميعا
جاري تحميل الاقتراحات...