@PROFashrafabdou مساء الخير يادكتور
أنا مشيت في الثلاث طرق بحكم عملي الثلاثة زي الفل و ما فيش فيهم أي مشاكل الكماين محترمين جداً بعضهم بياخد وقت طريق سانت كاترين أجملهم من ناحية المناظر و أنصح به و ممكن تروح من طريق شرم الشيخ و ترجع من طريق سانت كاترين ولكن بالنهار فقط

@PROFashrafabdou في طريق سانت كاترين تأكد من مية الراديتير و لو العربية ارتفعت فيها درجة الحرارة في بعض حالات الصعود ما تتخضش كل اللي تعمله طفي التكييف و خلي ال RPM تحت ٣ و ماتزودش السرعة عن ٧٠

@PROFashrafabdou طريق أبورديس طابا رائع و كأنك ماشي على الصحراوي لكن أغلبه ما فيهوش إرسال لكن لو شغلت الجي بي إس قبل ما تدخله هيفضل شغال معاك غير أنه علامات المرور موجودة و ممكن تسأل الكمين عن أي معلومة

@PROFashrafabdou و لو في أي حاجة في أي وقت انا تحت أمرك و سامحني مقصر معاك

@PROFashrafabdou نقطة أخيرة في طريق طابا في آخره حوالي ٧٠ كيلو عبارة عن ممر بين الجبال كسواقة و منظر رائع لكن محتاج عناية خاصة اولا تلتزم باليمين و السرعة بطيئة و ممنوع منعا باتاً التجاوز لأنه خطر.
لو أخدت الطريق ده بعد ما تخلص هتمر على رأس شيطان انصح بالتوقف هناك و الاستمتاع بالمنظر الرائع