تعرف يعني ايه حد بيحب الجيش وحلمه يلبس الاڤرول الميري اقولك مثال حي👇
تعرف يعني ايه واحد رجله مكسوره اه يافندم رجله مكسوره وعامل فيها عمليتين رباط صليبي ويروح علشان يسمع سلاحه والضابط يشفق عليه ويدخله للعميد علشان يطلعه طبي ويصر انه يدخل ويقضي خدمه العميد يقوله يابني رجلك

يقوله يافندم سليمه ازاي يابني الدكتور والاشاعه بتقول فيها كسر في كعب الرجل يقوله لا يافندم سليمه ويفضل يتحايل عليه وعلي الضابط ساعتين يامؤمن اه والله ساعتين انه يديله البار كود والضابط زعلان عليه لدرجه ان الضابط قاله اتنطط علي رجلك وفضل يتنطط قاله طيب اجري لحد برا اول الطريق

وارجع تاني يجري ويرجع تاني وكل ده وهو ماسك دمعته من الوجع الي حاسس بيه في رجله ولما رجع خده الضابط كتب علي نفسه تعهد انه سليم علشان يديله البار كود وكتب وبصم واخد البار كود لو اقولك انه من تعب رجله وانها ورمت وازرقت لدرجه انه ماكانش قادر يحطها علي الأرض وشكلها يحزن

إلا انه كان مبسوط انه اخد البار كود وجه حط رجله في ميه سخنه وربطها برباط ضاغط يسندها او يخفف الألم شويه مع حقنتين مسكن يامؤمن ونام من التعب وراح تاني يوم سلم نفسه في مركز تدريب سلاح المدرعات.
طبعاً معظم الي هيسمع الكلام ده هيقول بيهول وبيعظم وناس هتقول بيعرض انت حر قول كما تشاء

لكن هذا ماحدث يعلم الله انني صادق فيما اقول حرفياً لأن الي حكيت عنه ده يبقي اخويا الصغير.
الجيش شرف ولبس الافرول الميري شرف مابعده شرف مايحسش بيه امثال جماعه ال🐑🐑🐑 ومواليهم ومن علي شاكلتهم.
ربنا يحفظ بلدنا ورئيسنا وجيشنا وينصرهم علي كل خاين خسيس
#البدله_العسكريه_مجنناهم