عندي مبلغ جمعته .. وجاهز إني استثمره .. بس خايف يضيع عليا !
ليش خايف ؟! طيب جهزت خطتك المالية ؟ لأ ؟ ..
تعال اشرحلك كيف تحط الخطة الخاصة بيك 👇🏻
#الاستثمار_للجميع
ليش خايف ؟! طيب جهزت خطتك المالية ؟ لأ ؟ ..
تعال اشرحلك كيف تحط الخطة الخاصة بيك 👇🏻
#الاستثمار_للجميع
اتكلمت في التغريدات اللي راحت عن أهمية وجود الخطة عندك .. وشبهت فكرة عدم وجود خطة واضحة زي اللي يسوق السيارة في طريق بدون وجهة ! .. متفقين ؟! 😎
أرجع ورى شوية .. خد نفس .. فكر من جد " ايش أنا أبغا في حياتي ؟! " .. حاول تتجاهل أي أحد من حولك يقولك "إنت مو قدها" .. فكر في الأغنياء اللي صنعوا ثرواتهم من ولا شي (ابحث في جوجل عن أمثلة) 💆🏻
جا وقت الجد .. ابدأ في كتابة خطتك المالية .. إيش يعني خطة مالية ؟!
الخطة المالية باختصار وبكل بساطة هي خطة فكرتها تعرفك على وضعك من الناحية المالية وكمان تساعدك تاخد قراراتك المالية بشكل أوضح .. خلينا ناخدها حبة حبة 😁
الخطة المالية باختصار وبكل بساطة هي خطة فكرتها تعرفك على وضعك من الناحية المالية وكمان تساعدك تاخد قراراتك المالية بشكل أوضح .. خلينا ناخدها حبة حبة 😁
جيب ورقة وقلم وابدأ .. الخطة المالية فيها ٤ أشياء :
1️⃣ وضعي المالي الحالي .. وهنا حتكتب كل ريال بيدخل حسابك .. مثل راتبك الشهري (ايرادات) + كل الاشياء اللي بتصرف عليها فلوسك .. مثل فاتورة الجوال .. (مصروفات) ..
هنا كدا انت عرفت اللي لك واللي عليك .. تمام ؟ 👍🏻
1️⃣ وضعي المالي الحالي .. وهنا حتكتب كل ريال بيدخل حسابك .. مثل راتبك الشهري (ايرادات) + كل الاشياء اللي بتصرف عليها فلوسك .. مثل فاتورة الجوال .. (مصروفات) ..
هنا كدا انت عرفت اللي لك واللي عليك .. تمام ؟ 👍🏻
2️⃣ أهدافي المالية .. ايش يعني هدف مالي ؟ باختصار وبعد ما عرفت وضعك المالي من الخطوة اللي راحت .. هنا حتبدأ تحط الهدف اللي تبغا توصله .. مثلا ابغا دخلي السنة الجية يكون زايد ٥ الاف في الشهر عن هذي السنة .. خليك منطقي في أهدافك بحيث يكون التطور قابل للتحقيق طبعا 😉
3️⃣ حط ميزانيتك الشهرية .. وهنا أهم خطوة عشان تنجح الخطة .. الفكرة كإنك تتخيل كل شهر حيجي كم حيجيك فلوس فيها وكم اللي حيروح منك وكم اللي حيبقى في الحساب 💳
4️⃣ ودي أحلى خطوة .. اجمع اهدافك من الخطوة ٢ وحاول تزبطها مع الميزانية من الخطوة ٣ .. مبروك كدا انت عندك خطة المالية تبعك 🤑
أدري الموضوع شوية غريب لو أول مرة تشوفه .. ابحث في جوجل حتفهم اكثر .. لو مرة حاسس الموضوع صعب عليك .. عادي جدا تستشير خبير خطط مالية شخصية .. كأنك تروح تستشير طبيب .. ابدأ بابسط خطة تقدر تسويها 😬
كتبت الخطة ؟ .. دورك دحين بسيط جدا وواضح .. التزم بالخطة خطوة بخطوة وبس .. مافي شي سحري يخليك غني في يوم وليلة .. مافي خطوة مخفية عنك .. أبدا .. كل الفكرة إنك تحتاج تقاوم نفسك شوية عشان تلتزم بخطتك بس ! 🤗
حتواجه صعوبات في الأول .. طبيعي .. حتكتشف أشياء كتبتها غلط وتعدل كل فترة .. طبيعي جدا .. تذكر دايما .. طريقة مدرسة الحياة كالتالي : اغلط عشان تعرف الدرس وتتعلم وتنجح 💪🏻
جاري تحميل الاقتراحات...