ثريد: نصائح للي بيدخل الجامعة أو وده يرفع معدله ويغير من أسلوبه فيها
كل ثريداتي أحرص إن اختصر فيهم ، لكن هذا بكتب فيه كل شي احس بيفيد الطلبة بشكل عام ومستقبلاً أكتب ثريد عن تفاصيل أكثر مثل طريقة تحضير الإمتحانات
إذا تحس في أحد ممكن يفيده الثريد ارسل له أياه❤️
كل ثريداتي أحرص إن اختصر فيهم ، لكن هذا بكتب فيه كل شي احس بيفيد الطلبة بشكل عام ومستقبلاً أكتب ثريد عن تفاصيل أكثر مثل طريقة تحضير الإمتحانات
إذا تحس في أحد ممكن يفيده الثريد ارسل له أياه❤️
ليش تأخذ مني الكلام ؟
لأني بدأت من مُعدل منخفض قريب من الرسوب وفصل فصل رفعت المعدل التراكمي لحد ما وصلت وتخرجت بتفوق بمعدل فوق 3.5 من 4
ماكانت عندي قدرات خارقة، مجرد إني دايما وبعد كل فصل اشوف اغلاطي واعدلها ومميزاتي واطورها، واليوم اعلمك كل ماوصلت له من تجربة
لأني بدأت من مُعدل منخفض قريب من الرسوب وفصل فصل رفعت المعدل التراكمي لحد ما وصلت وتخرجت بتفوق بمعدل فوق 3.5 من 4
ماكانت عندي قدرات خارقة، مجرد إني دايما وبعد كل فصل اشوف اغلاطي واعدلها ومميزاتي واطورها، واليوم اعلمك كل ماوصلت له من تجربة
أولاً، المرحلة الجامعية ونفس مايقول كل من حولك، تختلف كُلياً عن المدرسة والفرق المحوري هو إن الحرية لك واسعة وعميقة، محد راح يلحق وراك إذا ماحضرت ولا أحد راح يهتم إذا ماسلمت الأسايمنتات، كل مافي الأمر انك بتحصل صُفر
أصعب حاجز في كل جامعة مهما كانت وفي كل تخصص مهما كان إن بتشوف اللي حولك غالباً كلامهم سلبي ويحبطونك، أساساً هذا الجو في كل مكان ويزيد في الجامعات، مثلاً أدخل اكثر خبر مفرح في حساب اخباري واقرا التعليقات بتشوفها سب وسلبية، عادي خبر عن توزيع مليون لكل مواطن، تحصل واحد معصب
اعتبر كل من حولك في الجامعة عبارة عن انقري بيردز وخلك أنت ومهما تكلموا ومهما نشروا من سلبية محافظ على نفسيتك وتركيزك وأهدافك
صح إن تكوين صداقات وعلاقات في الجامعة شي جداً مهم لكن انتبه من إن تكون نفسيتك ومزاجك معتمدة على من حولك ، صادق نفسك أولاً وتحكم أنت بنفسك وبعدها انقل تاثيرك الزين لمن حولك واستفيد من الزين منهم وغض النظر مرتين عن سلبياتهم
أنا وايد أركز على هالجانب لأن في ناس يرسبون وينخفض معدلهم وهم قادرين إن يبدعون، يا ما سمعت مستحيل بالجامعة من ناس عن مواد وطلعت مواد فيها تحدي صح لكنها مقدور عليها وحصلت فيها A ، لاتدخل مادة وأنت خايف وحول خوفك لـ تحدي ودافع لك إن تبدع
حب واستانس إذا سمعت عن مادة صعبة، اعتبرها تحدي لك، ودايما حط اهدافك عالية، حلو انك تييب A بمادة سهلة بس صدقني الشعور أحلى ألف مرة بمادة الناس يقولون لك فيها أهم شي أنك تنجح
مقولة اسمعها ودايما أحبها : "ضع تصويبك للقمر فإن أخطأت فستُصيب نجمة" ، دايما حط هدفك وسعيك الكامل إن أنت تحصل A ، ولو اخطأت الهدف بتحصل درجة قريبة من الـA ومعدل مرتفع
من الإغلاط الي كنت اسويها بدايتي ، كنت اتجاهل اهمية الكويزات اللي تكون عليها خمس درجات واحيانا اقل حتى ، لكن صدقني إذا هدفك معدل مرتفع لو الشي عليه درجة وحدة لازم تدرس له دراسة قوية ولاتفرط بولاشيء عليه درجات، دايما احرص تدخل الفاينل ومانقصت بالفصل كامل أكثر من خمس درجات
لاتحط أي عذر لك إن أنت ماتسوي زين فأي مادة، أحرص إن أنت إذا حصلت عذر تحط مئة سبب إنك ماتستسلم له، لو قالوا لك هالمادة واحد من ألف يحصل فيها A كون أنت الواحد، ولو قالوا لك إن هالمادة ولا واحد بالتاريخ حصل فيها A كون أنت أول واحد يبدع فيها ، كون أقوى من أي كلام
بداية فصل كل مادة روح وكلم الدكتور واساله شلون تدرس لمادته في مواد من كتاب بس وفي مواد من نوتات وفي مواد من سلايدات احرص تعرف من وين تدرس وشلون طريقته
بعض الدكاترة يمتنع إن يعطي طريقة وضعه للإمتحان، روح اسال الدفعات السابقة وجدا سهل لما تدخل جامعة تتعرف على طلاب قدامى
كنت احرص اسال الطلبة الراسبين كثر ما احرص اسال الطلبة اللي حصلوا A في المادة ، ترى الراسبين والمعدلات المنخفضة في الجامعة مو شرط يكونون مو اذكياء بالعكس في اذكى مني ومنك لكن غالباً يكون سببه اهمال أو خوف ، المهم اسال الراسبين وتعلم من اغلاطهم واسال المتوفقين وخذ من ايجابياتهم
وايد كنت اسال الطلاب ليش رسبوا بمادة والاسباب تختلف ، احياناً يقولون درسنا هالقد وكنا نحتاج مدة هالقد ، واحياناً يقولون الدكتور يجيب من الكتاب ودايما كل ماتسأل اكثر كل ماتكتمل لك صورة المتدة كاملة
بتسمع وايد يقولون لك الشغل واسطات، وصح في واسطات كل مكان حتى في أمريكا، لكن ماعرف أحد معدله مرتفع ، واتكلم عن معدل 3.5 وفوق، الا والشركات ينقسهم يتصلون لهم ويوظفونه بدون مايقدم لان الجامعة تعلن بنفسها للناس المتخرجين
صح الدراسة والشهادة مو كل شي ولا كل ابواب النجاح منها ولكنها باب من أبواب النجاح انفرض بسبب تفكير المجتمع والعادات ، وانت مُطالب انك تسعى من كل باب ، من باب التفوق ومن باب التطوير الذاتي ومن باب الخبرة ومن باب العلاقات ومن باب الحارة ، كل باب ادخل منه لحد ماتنجح وبعدها عطني نسبة
لا خلنتكلم جد ، في دكاترة مروا علي امتحانهم لا من سلايدات ولا من كتاب ، والدرجات تكون منخفضة بشكل كبير والسبب ان الامتحان يكون من النوتات وهي اللي يكتبه الدكتور بالسبورة، مع ان كامل منه الا ان الناس تتغيب او تهمل او ماتكتب فتييب العيد واي احد يكتب كل شي كان يمدي بسهولة A
شلون تدرس للإمتحان وشلون تحفظ وشلون تفهم بتطرق له في ثريد وسلسلة تغريدات يوم آخر كل اللي ودي منه إن يوصل هالوقت إن تكون متهيء نفسياً للدراسة ووالله انا اكثر شي اشتقت له اكثر من الطلاب الدكاترة لان اذا في دكتور واحد مو زين ففي خمسة زينين
وحط ببالك لازم بيكون في مواد صعبة بس بدل ماتخاف وتتوتر خلها دافع لك وتحدي، تخيل تاخذ شهادة كل موادها سهلة؟ وين الوناسة ؟ كل مازادت الصعوبات والتحديات كل مازادت السعادة لما تتخرج وتذكر التعب
انا كنت امتحانات وايد اذا مو نصها اروح لها مواصل ، كل التعب كل مجهود كل سهر راح وباقي لي درجاتي وشهادتي وذكرياتي الحلوة وكل تعب صار فخر
تذكر دايما ان كل تعب بيروح ويبقى انجازه وكل لعب بيروح وبيبقى تخلفك عن غيرك
بريكات طويلة ؟ عادي اعتبرها فترة تقرا فيها كتاب
مافي بريكات؟ احسن عشان تخلص وتفتك
مادة سهلة؟ زين بتخفف عليك
مادة صعبة؟ تحدي حلو تثبت نفسك فيه
خلك اقوى من كل عذر
مافي بريكات؟ احسن عشان تخلص وتفتك
مادة سهلة؟ زين بتخفف عليك
مادة صعبة؟ تحدي حلو تثبت نفسك فيه
خلك اقوى من كل عذر
وتذكر نفس ماقلت تتهيء فكرياً لكل مادة قبل ماتاخذها بسؤالك عنها للراسب والمتفوق والدكتور
وحاول تطور مهاراتك وتكتسب مهارات خارج الجامعة وتشتغل بالصيف او اي وقت يمديك تكتسب خبرة ، صدقني بتتخرج من كلية الايتي وانت ماتعرف تبرمج اذا ماتعلمت بروحك ووايد جذي ، الجامعة تعلمك من كل بستان زهرة ، مجرد قطرة من بحر كل تخصص في تخصصك، والبحر تتعلمه بروحك
وبكلمكم عن الطامة في الحياة الجامعية وهو اسوأ شي متفقين عليه البشرية جمعاء وهو القروب وورك
تقول الأسطورة إن في يوم من الأيام في العصور الوسطى كان في قروب كل اعضائه متفاهمين ويحبون يشتغلون ومن يومها ماصادفت البشرية أي قروب كل اللي فيه زينين فخلك مستعد لكل شي
تقول الأسطورة إن في يوم من الأيام في العصور الوسطى كان في قروب كل اعضائه متفاهمين ويحبون يشتغلون ومن يومها ماصادفت البشرية أي قروب كل اللي فيه زينين فخلك مستعد لكل شي
اذا كانوا كل اللي فيه زينين الحمدلله ، لكن غالبا بيكون في خلافات ، انا اضطريت اسوي اكثر من بروجكت بروحي لان اللي معاي كانوا متراخين او يبون بس ينجحون وانا هدفي تفوق ، للاسف القروب بروجكت الكل يحصل نفس درجة وفي ناس غير مهتمة لو كل واحد على جزئه احسن
شلون تقنع واحد اقصى طموحه نجاح ان يسوي شغل تحصل فيه درجة كاملة عشان تحصل A ، مو مهتم الاخ وانا اعذره ، كل واحد وطموحه، فلذلك خلك مستعد واعتبر مشاكل القروب ورك فرصة لك تطور مهاراتك الادارية يمكن تصير وزير يوما ما او مدير وتوظف اعيالنا فودي تكون مدير زين لوسمحت
لاتخلي اي شي يحبط ولا اي عذر يكون سبب انك تستسلم، خلك اقوى من كل شيء وتذكر إن مافي احد سلم من حلطمة الناس وذمهم حتى الرسول سبوه وذموه وقالوا عنه ما لايستحق، وحتى الله ماتفقت البشرية على عبادته وطلعوا لنا ملحدين ، فما دونهم اكيد إن سيُذم وينكر وينتقد
هذا مجرد تهيئة نفسية وفكرية للجامعة وموادها ، الثريد القادم بيكون عن طريقة الدراسة للإمتحانات والبروجكتات واللي بعده عن شلون تفهم وتحفظ أسرع وأفضل
الله يوفقكم خلكم متحمسين تراها مرحلة حلوة وايد احسن من المدرسة، فيها حرية وتعامل كبشر مو كسجين مقيد بسلاسل حديدية
الله يوفقكم خلكم متحمسين تراها مرحلة حلوة وايد احسن من المدرسة، فيها حرية وتعامل كبشر مو كسجين مقيد بسلاسل حديدية
نسيت ماقولكم الوقت يمر بسرعة مرت عليكم ١٢ سنة في المدرسة وبتمر سنين الجامعة وايد اسرع، الوقت ماتحس فيه وبتكتشف بعد جم سنة ان الرحلة كانت اسرع مما تتوقع ، اسرع بوايد وايد مما تتوقع، استفيدوا من وقتكم عدل ولاتفرطون فيه، فإنما أنت أيام إذا ذهب يومك ذهب بعضك.
أتمنى منكم المشاركة في تحفيز الطلبة بكلامكم عشان الناس تدخل متحمسة مو متحبطة، كونوا عون لأخوانكم مو عائق إضافي على أكتافهم .. أي شخص عنده كلام يضيفه فالباب مفتوح له في الردود❤️
وأختم التغريدات في تذكيري بأن أهم شي انك تتوكل على الله، طالما أنك تنوي الدراسة وتحتسب فيها الخير وتتوكل على الله فإن الله بيوفقك وتوفيق الله خير من كل شيء♥️
ولاتغش في امتحانات ، إذا الله معاك فمايضرك شنو التحديات جدامك ، وإذا كان ضدك ماراح تتوفق لو من دعمك
ولاتغش في امتحانات ، إذا الله معاك فمايضرك شنو التحديات جدامك ، وإذا كان ضدك ماراح تتوفق لو من دعمك
تسمع عن ناس تخرجوا بأعلى معدلات وماحققوا نجاحات كبيرة وناس تخرجوا بمعدلات متدنية ونجحوا نجاحات صارخة
كل التوفيق بيد الله وبتشوف الغالبية تغش فلا تغش لو تقدم امتحان بروحك وفي بيتك، صدقني لو ترسب وانت متقي ربك احسن من ان تنجح وانت عاصيه، بتكون درجتهم اعلى لكن نجاحك دنيا واخرة اكبر
كل التوفيق بيد الله وبتشوف الغالبية تغش فلا تغش لو تقدم امتحان بروحك وفي بيتك، صدقني لو ترسب وانت متقي ربك احسن من ان تنجح وانت عاصيه، بتكون درجتهم اعلى لكن نجاحك دنيا واخرة اكبر
صح عشان مانسى، تذكر إن في الجامعة تاخذ أساسيات بس من كل مادة، ماتاخذ شي بعمق الماجستير والدكتوراه، كلها أشياء بسيطة، أدري الذكاء يختلف من شخص لشخص بس مستوى الجامعة ينفع لكل انسان، وعشرات الآلاف تخرجوا قبلك من كل جامعة، فهو شي مو مستحيل بالعكس عادي جداً ، فتأكد إن أنت تقدر❤️
جاري تحميل الاقتراحات...