إلى طلاب الطب.. مو نصايح بس كلمتين بيني وبينكم:
بتتأخر عن المنهج.. لازم هي كذا
درجتك مهمة بكل اختبار ومعدلك أهم!
لا تسمع للي يقول الدرجات مو كل شيء
الدرجات مو كل شيء لو وصلت أنها تأثر على صحتك النفسية/جسدية وسلامك الداخلي
لكن على طلعات ووناسة هنا الدرجات أهم طبعًا!
لا تسمع للي يقول الدرجات مو كل شيء
الدرجات مو كل شيء لو وصلت أنها تأثر على صحتك النفسية/جسدية وسلامك الداخلي
لكن على طلعات ووناسة هنا الدرجات أهم طبعًا!
ترى الأغلب معدلاتهم متوسطة وعادي ما تجيب درجات عالية، وممكن تكرف وتتعب وكذا الاختبار يطلع نحس. بتنجح وتتخرج بالنهاية أهم شيء تسوي إلي عليك
بتجيك فترة بتدرس كل يوم وفترة مالك خلق... عادي! حاول تتأقلم على الموضوع من بدري وتستغل الفترة إلي مزاجك الدراسي فيها ممتاز عشان تقدر تريّح بالفترة إلي مالك خلق.
أنت إلي تساعد نفسك! لا تنتظر من أحد يعطيك نصيحة ولا يصحح لك طريقة دراستك ولا يشاركك بمصادر دراسية رهيبة.
أبحث، أسأل أو جرب بنفسك
أبحث، أسأل أو جرب بنفسك
أسأل إلي أكبر منك أي شيء ضايع فيه
صح محد بيساعدك، بس أنت ساعد الناس لو سمحت
لما تجرب بنفسك. راح تاخذ وقت وجهد أكبر من اتباعك لطرق من سبقك.. لكنك وقت ما تحصل الطريقة المناسبة لك راح تنجز بسرعة رهيبة جدًا وتعوض إلي فات
لا تعاند نفسك.. الطريقة إلي تحس انها ما تنفع، خلاص ما تنفع وجرب غيرها! ومو عشان الأغلبية نفعت معاهم لازم تنفع معاك.
لا تدخل اليوتيوب وتبحث كيف تدرس، لا نضحك على بعض... قفل جوالك واحشر نفسك مع كتبك
مافيه شيء اسمه يوم كامل دراسة، قاعد تظلم نفسك، حدد ساعات ووقت معين عشان تسوي فعاليات ثانية بيومك
سوي رياضة.
أي نوع ويوميًا.. الله يخليك
أي نوع ويوميًا.. الله يخليك
إذا انك ببداية الطب، بتسمع ناس يقولون لك توك صغير لاحق بتفهم هذي المعلومة لما تكبر بتتكرر عليك.. ويوم تكبر يقولون لك هذي المعلومة المفروض عارفها من أولى طب. انتبه لا تطيح بالفخ!
في مواضيع بتمر عليك أكثر من ثلاث مرات وبتدرسها وكأنها أول مرة. عادي جدًا
اصحابك/ زملاءك أي كائن بشري تتعامل معه وتحس أنه ينافسك دراسيًا وماخذها حرب اسحب عليه ولا تعطيه من وقتك وجهدك
شوف لك study buddy مناسب لك.. راح تلاقي الطبطبة والله
سوي لك daily to-do list وامشي عليها
الي مو متحمس عشان دوامه عن بعد، ترى يوم كان عن قرب كنا مغصوبين نداوم من الصبح وننتظر الساعة إلي نرجع ندرس فيها بالبيت
لا تحضر محاضراتك على السرير.
إلا لو الدكتور شرحه ما يناسبك .. عوافي
إلا لو الدكتور شرحه ما يناسبك .. عوافي
حاولوا تغطون على بعض بالمحاضرة والتحضير، وإذا سمعتوا صوت شخير فهذا صوت المكيف أكيد!
خليك جاهز يمكن الدكتور يطلب منك تفتح الكاميرا بأي وقت
لا تحضر المحاضرة اونلاين وبعدين ترجع تشوفها اوفلاين. دام ما فهمتها واستفدت منها من المرة الأولى، شوف لك مصدر ثاني وشرح يناسبك بدل مضيعة الوقت.
صحتك ومزاجك ونفسيتك أهم من كل شيء. إذا كانوا ممتازين كل شيء بيكون ممتاز
تقدر تختم أفلام ومسلسلات نتفلكس وتجيب A
A+ مدري حسب جامعتك بس إن شاء الله
A+ مدري حسب جامعتك بس إن شاء الله
كونك طالب طب، مرفوع عنك القلم ومسؤوليات المرضى. تقدر تقول ما أعرف للدكتور على راحتك فاستغل هذي الفترة وحاول تعرف الي ما تعرفه قبل ما تصير لازم تعرفه
طبعًا لأن فيه كثير أشياء ما تعرفها دايم خلي على لسانك كلمة "ما اعرف بس راح أقرا عن الموضوع" لأن الاستشاري مو دايم يشرح لك تفاصيل صغيرة واساسيات
جاري تحميل الاقتراحات...