بين كل فترة وفترة، ألعب لعبة من سلسلة مشهورة وتطلع محبطة ودون مستوى السلسلة، وآخر من تجسد هذي الفكرة Mario RPG، وبتكلم في هذا التقييم عنها وأسباب كونها محبطة ودون اسم ماريو.
عادة ألعاب الJRPG تبني نفسها على عدة محاور، القصة والباتل سستم والميني جميز، جدير بالذكر أن لعبتنا تقدم نفسها كمدخل لهذا التصنيف ومع ذلك أشوفها فشلت كلعبة JRPG وفيه مقدمات أخرى أحسن منها.
معروف عن لعبتنا أنها أول لعبة ماريو ربج وكذلك الأولى التي أعطت لشخصياته شخصية واضحة وأول لعبة ماريو تركز على القصة، فلها قيمة تاريخية لهذا السبب.
القصة تبدأ بمحاولة ماريو إنقاذ الأميرة خوخة من باوزر ولكن حدث ما لم يكن في الحسبان وضرب سيف عملاق قلعة باوزر واحتلها، وتفرق الثلاث في بقاع المعمورة أثر الضربة، وبعد عدة أحداث تصبح مهمة ماريو ورفاقه تجميع سبع نجوم لهزيمة الشر.
جدير بالذكر أنه بالإضافة لباوزر وخوخة ينضم للفريق ميلو وجينو وبتكلم عنهم بعدين، لكن السؤال الحين ويش توجه القصة؟ مغامرة هزلية عبر عدة مناطق لتجميع النجوم وتشبه لحد كبير الكرتونز ذات السرد القصصي الحلقي
كل مكان نوصل له مدينة مختلفة لنواجه أشرار المرحلة في إطار هزلي مرح يناسب العائلة وهنا تبدأ مشكلتي مع القصة، الأفكار المستعملة إما مبتذلة أو عادية، مثلا وحدة من المراحل يكون فيه شرير معجب بخوخة ويريد يتزوجها وماريو يحاول يمنعه، وما بيصير أي شي خارج السيناريو الهزلي المتوقع
ومثال اخر ميلو شكله غيمة بس الي ربّاه -جده- ضفدع فلما تلقاه يقول لميلو الحقيقة أنه ما جده، وميلو يصيح بس الضفدع يحاول يسكته لكن في نفس الوقت يقول لماريو خذه لأنه قوي ويمكن بتلقى أهله الحقيقيين بالطريق، وجدير بالذكر أن المرحلة المتعلقة بأهله تأخذ سيناريو مبتذل ومستهلك :)
يمكن تسأل، مافي سالفة مرحلة عجبتك؟ فيه وحدة كانت عن القراصنة كانت زينة، وبس الباقي كلها يا أفكار عادية يا مستهلكة كما ذكرت.
قلت كلمة هزلي كذا مرة، وأريد أذكر نقطتين الأولى الذوق والثانية عن باوزر، الكوميديا ذوق وأنواع فما يضحكني قد لا يضحك والعكس صحيح، وباوزر أعتقد أن أحسن نكت اللعبة منه، باوزر كان محرج ومتبهدل من فكرة أن ماريو بيعرف أنه طُرد من قصره
والموضوع مأرقنه بشكل سخيف ومضحك، وفيه سلاح يخليه يرمي ماريو عشان يضرب الأعداء، بالنسبة لي الضحك بهذي اللعبة يبدأ مع باوزر وينتهي عنده، كل شي ثاني ممكن في أحسن الأحاول يخليني ابتسم لا أكثر، وأسوأ ما يتحرك من وجهي شي، وهذي مشكلة كبيرة بالنسبة للعبة تعتبر كوميدية.
بخصوص الشخصيات، كل الي بقوله محد غير باوزر متألق، البقية شخصيات عادية أو مبتذلة مع أن فكرة أن يكون ماريو صامت ويمثل أحداث حصلت له فكرة حسنة، ميلو مجرد شخصية طفل صيّاح وجينو شخصية كول فارغة عشان اللعبة هذي يكون فيها واحد كول.
بالحديث عن الشخصيات خلينا نتكلم عن الباتل سستم، اوه بوي
فيه عدة نقاط جديرة بالذكر تصب في فكرة أنها مدخل لهذي الجنرا ومنها:
1-مافي random encounters.
2-تقدر تاخذ نجمة من صندوق وتصير invincible وتلمس الأعداء وتاخذ exp.
3-لو قتلت وحش بالقتال ممكن يعطيك أشياء مثل full hp/attack up /defence up
1-مافي random encounters.
2-تقدر تاخذ نجمة من صندوق وتصير invincible وتلمس الأعداء وتاخذ exp.
3-لو قتلت وحش بالقتال ممكن يعطيك أشياء مثل full hp/attack up /defence up
4-لو سممت-أو جاك أي effect اخر- أول ما تخلص القتال ترجع طبيعي.
5-ال mp مشترك بين جميع الشخصيات.
بعض هذي الأشياء حلوة عشان هي تخلي اللعبة أسهل وأبسط، بس بعضها مثل السحر وكونه مشترك بين الجميع أشوفه قرار سيئ بصراحة، وهذا يقودني للنقطة القادمة.
5-ال mp مشترك بين جميع الشخصيات.
بعض هذي الأشياء حلوة عشان هي تخلي اللعبة أسهل وأبسط، بس بعضها مثل السحر وكونه مشترك بين الجميع أشوفه قرار سيئ بصراحة، وهذا يقودني للنقطة القادمة.
ويش خياراتك؟تضرب بكس، تستعمل سحر، تستعمل item، تصد، تهرب، وكل هذي الخيارات أشياء عادية بألعاب الربج واللعبة المفترض تضيف عليها شي مميز، ولعبتنا قررت تستعمل فكرة تايم بيسد أتاك
يعني قبل لا تضرب العدو بزمن معين تضغط الزر مرة أخرى وتصير ضربتك أقوى، وقبل أن تُضْرَب تسوي نفس الشي وتقلل الضرر، هذي الفكرة حلوة بس التطبيق تعبان لمشكلتين:
الأولى مافي أنميشن يوضح لك متى تضغط الرز فيصير الموضوع تحسب الوقت أو تضغط عشوائيا،
الأولى مافي أنميشن يوضح لك متى تضغط الرز فيصير الموضوع تحسب الوقت أو تضغط عشوائيا،
فالسالفة معتمدة على الحظ والتعود لا قراءة المشهد والاختيار الصحيح، والثانية أنك ما تحتاج تتقن هذا الشي عشان تخلص اللعبة، وتقدر تشلعه من اللعبة والباتل سستم ما بيتغير كثير، يعني الشي الي المفترض يميز هذي اللعبة خربان ولكنه مب الوحيد الخربان بالباتل سستم.
بدون فكرة التوقيت يطلع لنا باتل سستم عادي، وهنا المفترض يكون مضبوط صح؟يعني يصير الموضوع تستعمل ال items الوقت الصح، تستعمل السحر عشان تحتاج تستعمله، شي يعتمد على الأُسس للجنرا بس يتقنه
أكيد مع مرور الوقت بيصير ممل لأنه ماخذ الأُسس بدون نكهة مميزة بس هنا المشكلة، الي لقيته إني ما أحتاج استعمل السحر لأن أثر السحر والفزيكل أتاك نفس الشي تقريبا، وفوق هذا السحر يخلص بسرعة
البارتي مالي صار ماريو -لأنه الثابت رغم أنفي- وباوز وخوخة، باورز تانك الفيزكل أتاك نقطة قوته وخوخة معالجة، ميلو وجينو سحرة يستعمل برق وليزر وهذي الأمور بس الهلث مالهم واطي وياخذوا سحر كثير
فلما استعملت ماريو وخوخة وباوزر لقيت اللعبة صارت أضرب فزيكل أتاك وعالج بدون تفكير، وهذا الشي كملت عليه لين أنهيت اللعبة، الناس عادة ينتقدوا ألعاب هذي الجنرا لما تصير تضغط A بدون تفكير
وسوبر أي باتش وولف يقول الباتل سستم الزين المفترض يكون أكثر من مجرد هجوم وعلاج، ومع الأسف هذي اللعبة مجرد هجوم ودفاع ومجرد أضغط A بدون تفكير
ومافي داعي أتكلم عن الوحوش أو الزعماء أو غيرهم لأنك لما يكون الباتل سستم مالك خربان كذا هم يتضرروا بعد، ومع الأسف هذا باتل سستم رتيب ممل لدرجة بعيدة.
*سوبر أي باتش وولف جلس يتكلم عن الكومبات ب FF15 بهذا الفيديو من الدقيقة 16:17 وذكر نقطة الهجوم والعلاج:
youtu.be
*سوبر أي باتش وولف جلس يتكلم عن الكومبات ب FF15 بهذا الفيديو من الدقيقة 16:17 وذكر نقطة الهجوم والعلاج:
youtu.be
ممكن تسأل معقولة مافي شي زين باللعبة؟لا فيه الدنجنز تصميمهم زين، فيه واحد كان مبني على الماي كأنه مرحلة ماي بماريو صارت دهليز
تفر فيه لين تلقى الزر عشان تنزّل الماي وتخرج منه، وفيه كذا واحد مثله يكون مصمم كدهليز أو مغارة وفيه تنويع زين بين الاستكشاف البسيط والقتال والبلاتفورمنج، وهنا أريد أقول شي، هذا التنويع زين لكن يدخلني لنقطة البلاتفورمنج.
مشكلة البلاتفورمنج في نقطتين، الأولى زاوية الكاميرا ما تساعد عشان تحكم على المشهد بشكل جيد والثاني أن النطة ما تقدر تعتمد عليها، عادة يكون مقبول وحسن كتنويع بس مرات يصير كريه ومزعج ومنّفر لما يزيد عن حده.
الرسم قبيح على فكرة، أكثر ألعاب ال 3D ذاك الزمن ما قدرت تعمّر وصرات أشكالها قبيحة مع الزمن وهذي منها، والموسيقى أظنها زينة بس ما أذكر شي منها.
فيه نقطة تناقشت مع صديق عنها وأظنها تستحق الذكر، وهي طبيعة العالم والتوجه الفني للعبة، هو يقول أنها مب ماريو شي مختلف كأنها أجنبية عن عالمه، وأنا عن نفسي أشوفها غريبة مثل كثيرين لكن متقبل كونها ماريو
وبصراحة يمكن كلامه يكون غريب بس لو لعبتها ثمن لعبت Mario & Luigi مثلا ولعبت ألعاب ماريو بلاتفورم بتفهم كلامه، صحيح هي ما تناسب عالم ماريو كثير بس برايي مب مشكلة كبيرة.
ذكرت بالبداية إني ما أشوفها مدخل جيد لهذي الجنرا، وأظن من الصواب أعرض بدائل فهذه أربع والخامسة بتركها لوقت لاحق:
وأخير أريد أذكر أسوأ نقطة باللعبة هنا وهي أنها بدون شيء يميزها، كل لعبة لازم تعطيك selling point عشان تخليك تلعبها دون سواها، ألعاب ماريو الأساسية تقدم مستوى جيمبلي بلاتفورمنج مبهر، ألعاب الربج عادة تقدم قصة مثيرة وباتل سستم يشجعك على التفكير ومنيي جيمز عشان ما تمل
مع أن ماريو ربج تقدم كل هذا لكن مستوى التطبيق ضعيف في جوانب وعادي في أخرى، وفوق ما تقدم شي اخر يعوض وهذا أسوأ شي، لما تكون اللعبة عادية حد الرتابة وفوق هذا ما يكون عندها نقطة تميزها، هذا في تقديري الشخصي أسوأ أنواع الأعمال الفنية بدون منافس.
لكن لو ما كان هذا بحد ذاته كارثة في مصيبة أعظم، فيه لعبة تنفع كمدخل للجنرا وتاخذ كل أفكار هذي وتطبقها بشكل أحسن بكثير، وهي Mario and Luigi: Superstar Saga ولكن خلينا نتركها ليوم اخر أحسن.
جاري تحميل الاقتراحات...