طول الوقت بتشوف ناقشات حوالين هل اروح اشتغل في software House ولا اروح اشتغل في شركة بتعمل Product واحد - عادة اللي بيسأل السؤال دا بيكون في بداية حياته ولسه مش عارف يقرر - خليك صبور معايا لاني هرغي كتير.
فهحاول الخص الدنيا بما اني مريت بالاتنين وهقول وجهة نظري البسيطة عموما وانت ودماغك من وجهة نظر التطور للديفلوبر ومن وجهة نظر السوق.
الاول وانت ديفلوبر في بداية حياتك عموما محتاج انك تزود معلوماتك أفقيا وتقرأ وتجرب كل حاجة سواء كانت فرونت ايند او باك ايند واي حاجة وكل حاجة وتاخد فكرة لحد ما تستقر انت ناوي تشتغل ايه أصلا - في الغالب برضه الفترة دي بتبقى كلها عك وملهاش لازمة دلوقتي غير انك عرفت حاجة عن كل حاجة.
بعدها ربنا بيهديك وتكون اخترت انت ناوي على ايه ولله الحمد.
الطبيعي انك هتلاقي فرص أكتر في شركات السوفت وير(هاوس) او الايجنسي اللي بيعملوا حاجات للناس مش بتاعتهم.
كل المطلوب منك - عادة - انك تشتغل بسرعة وتكون بتعرف تقدم حلول سريعة وبس وسلملي على الجودة - شوية ويب سايتس مع شوية موبايل ابلكيشن محدش بيسمع عنهم - غالبا يعني- طيب طالما العملية كدا ايه الفايدة منها ؟
الفايدة انك هتشوف software cycle كاملة ودا حاجة حلوة جدا في مستقبلك من اول ال ui لحد ما تسلم البروجكت كامل.
انك هتتعلم الهري وهتكتبه ولما تشوفه بعد كدا هتعرف قد ايه انت اتطورت والا هتفضل شايف طول عمرك انك تنين مجنح وانت بطيخة :D
انك هتجرب كل السناريوهات الممكنة والحلول السريعة وال workarounds اللي هتعيشك بقية حياتك مبسوط.
انك هتجرب كمية tools في كل جزء في الشغل ومحدش هيحاسبك انت بتعمل ايه ومبتعملش ايه غير انها شغالة وتمام .
وبكدا مرحب بيك انت بقيت جونيور ديفلوبر.
وبكدا مرحب بيك انت بقيت جونيور ديفلوبر.
أهم حاجة انك هتتعامل - عادة للأسف - مع "تجار العبيد" أو "شركات بير السلم" وهتعرف وهتتعلم حقوقك لبعدين ودي اهم نقطة.
طيب اتعلمت والدنيا احلوت هلاقي ديفلوبرز بيتكلموا عن testing - CI/CD - Architecture - Clean Code - SOLID - Design Patterns - Devops - Performance- Code Review وشوية حاجات حلوة عموما.
" متتخضش كلنا مررنا من هنا " دا العادي يعني هتبدأ تتعلم الكلام دا واحدة واحدة ومع نفسك لحد ما تظبط في شركة من اللي بيعملوا الحاجات دي فعليا وهتبطل تنبهر وتعرف انه كله بلح :D
طيب شركات السوفت وير اللي من النوع الاول مبتهتمش بالكلام دا ليه ببساطة لان الوقت بفلوس وهو بيعمل مشاريع عادة ما بتكون بفلوس قليلة ومعندوش ميزانية يجيب سنيورز او تيك ليد بفلوس كتير
انه مش معقول هيعمل system design لويب سايت هيخلص في اسبوع؟ فبيفضل يجيب حد يعمله التاسك وخلاص وعلى قد سنانه فبيكون فريش اوجونيور.
ملحوظة للي هيحزق : دا الغالب عادة مش كل الناس كدا
شركات البرودكت الواحد بتلاقي الامر مختلف شويتين.
بيكون في تيم ليدر مثلا هيراجع الكود اللي انت بتكتبه هتلاقي نفسك بتعك - هتفضل في شوية مشاكل لحد ما تبدأ تتعلم وتظبط دنيتك.
بيكون في تيم ليدر مثلا هيراجع الكود اللي انت بتكتبه هتلاقي نفسك بتعك - هتفضل في شوية مشاكل لحد ما تبدأ تتعلم وتظبط دنيتك.
بقيت بتطلع شوية كود بس محتاج تتعلم كتير لسه - كل يوم هتقرألك ديزين باترن هتقوم حاشره وسط الكود بتاعك وتقول يا رب محدش ينخور ورانا.
هتلاقي عادة شوية rules لازم تتبعتها عشان تطلع شوية كود نضيف.
هتلاقيك بتتعلم CI/CD - هتلاقيك قاعد لمدة مش قليلة عمال تتعلم حاجات جديدة اشي cashing - اشي Performance issues - شوية لينكس - شوية داتا بيز كويسين
المهم ان العجلة هتمشي لمدة سنتين عمال تكتب كود ويتصلح وتتعلم.
المهم ان العجلة هتمشي لمدة سنتين عمال تكتب كود ويتصلح وتتعلم.
هنا الاهتمام اختلف تماما - مسألة الجودة أساسية مش زي ناس - طبعا فكرة ان الكود شغال دا منتهية بس انت هتكون عرفت عشر طرق عشان تعمل نفس الحاجة وعارف انهي افضل طريقة وانسب طريقة ليها مش بتعملها وخلاص.
انت مش هتعرف تتطور الا لما غالبا الا لما تشتغل في بروجكت حجمه بيزيد كل يوم والمستخدمين كتير فبيحصل المشاكل اللي هتعلمك وغالبا مش موجود في شركات السوفت وير.
هيبقى عندك وقت تتعلم اللي ناقصك وتهتم بجودته وتحسنه ومراقبته وتشوفه بيكبر مش مكنة بتطلع شغل وخلاص.
للأسف مفيش فرصة تجرب لان الموضوع شبه محدد مسبقا مش بمزاجك هو - دا بيزنس قائم وفلوس ناس فمتخترعش الله يباركلك.
للأسف هتكون شغال في الجزء بتاعك بس مفيش جو انك تعمل كل حاجة من الالف للياء أساسا - وهتتسأل عن شغلك فقط.
أخيرا هتكون موظف عادي وتشتغل في ساعات مظبوطة شوية الا أيام الريليس طبعا :D
أخيرا هتكون موظف عادي وتشتغل في ساعات مظبوطة شوية الا أيام الريليس طبعا :D
رأيي انك محتاج تجرب الشغل في شركات السوفت وير وتشتغل في شركات البروكت الواحد وتستفيد من الاتنين قبل ما تهاجر :D
جاري تحميل الاقتراحات...