رتبها

📍بما أن الدراسة عن بعدْ راح تبدأ قريب، خلوني أقلكمْ أنه من أكبر الأخطاء اللي ممكن تسويها في حق نفسك هو جلوسك مدة ٦-٨س يومياً بدون تركيز، بسبب عدة عوامل في المنزل تفقدك تركيزك
✳️تحت هذا الثريد راح أنقل لكم تجربتي في طريقة ⬆️ التركيز ومحاولة محاكاة بيئة تشبه التعليم الواقعي

▫️أي شخص ما تقبّل التعليم الإفتراضي وفقد القدرة على التركيز، لازم وضروري تحاول تتكيّف مع هذه الظروف
▫️مفهوم التعليم تغيّر كثير بعد الجائحة، والمحاضرات الإلكترونية الأن جالسة تتطور وتصبح أكثر كفاءة
▫️كل اللي ينقصك هو خلق بيئة مافيها تشتت، وراح نتكلم على عدة طرق بسيطة ممكن تسويها

▫️فضّلوا الثريد اذا كنتم تبغون ترجعون له وتقرأونه بتمعّن
▫️أتمنى بالذات يوصل هذا الثريد للمستجدين وطلاب الثانوي ❤️🙏🏻
▫️وأتمنى تكون تجربة جدا جميلة لكم، وصدقوني إذا قلت لكم #كلن_مسؤول عن نفسه وتحصيله العلمي، محد راح يذكرك بهذا الشيء بشكل مستمر زي ما كان الحال بالمراحل السابقة

▫️أول شيء لازم تسوونه وأعتبرها أهم خطوة في الثريد ⬅️ قفّل الجوال 📲 أو الإشعارات كلياً في وقت المحاضرة
✳️اللحظة اللي تشوف فيها الإشعارات في الجوال وتبدأ تتفاعل وتنسى المحاضرة ولو لعدة ثواني
⬅️هي اللحظة اللي راح تخليك تفقد إهتمامك بالمحاضرة وتصير تنتظر نهايتها بفارغ الصبر

✳️أي شخص مهو متعود يقفل الجوال راح يعاني كثير في البداية، ولكن لو نفكر فيها منطقياً، مافي شيء كبير راح يفوتك، تقدر مابين المحاضرات أو في البريكات تشوف إيش الجديد
✳️ومن تجربتي غالباً راح تلقى الرسائل في القروبات جدا ممتلئة، ولسبب غير مفهوم حتلقى السوالف ماتحلى الا وقت المحاضرات

▫️الخطوة الثانية ⬅️ حاول تلقى مكان في البيت معزول من الأصوات ومحد يجيه
▫️خصص لك فيه طاولة وكرسي مريح وعملي مع إضاءة جيدة، وأنا أُفضّل وأنصحكم تخلون الغرفة مضيئة بنور الشمس🌞(الا اذا كانت الاضاءة تنعكس على شاشة الجهاز 📺)
✳️اذا مافي غرفة فاضية بالبيت⬅️ تقدر تستعمل غرفتك الشخصية

✳️ونفس الخطوات، خصص لك فيها طاولة مكتب وكرسي مريح وعملي وتأكد دايم من الإضاءة المشعة اللي ما تجيب النوم 💤
🛑أغلاط شائعة لازم تتجنبها:
1️⃣تشغل المحاضرة بصالة البيت ❌
2️⃣تشغلها في السرير 🛌 ❌❌❌❌
3️⃣تشغلها بين أصدقائك أو في مكان عام

▫️الخطوة الثالثة ⬅️إنتبه من فخ المنبه اللي يعطيك ١٠ دقايق إضافية للنوم، ويغريك أنك تصحى قبل المحاضرة بعدة دقائق، بحجة أن كل اللي تحتاجه هي ضغطة زر للدخول‼️
✳️لازم تعطي عقلك شوية وقت يستوعب أنك صحيت وتروح تفطر وتجهّز نفسك وقهوتك
✳️صعبة جداً عملية الإنتقال من النوم للتركيز

▫️الخطوة الرابعة ⬅️ الأنشطة
✳️كونك جالس في مكان واحد ٦-٨ ساعات بدون تنقُّل راح يخليك تفقد الإحساس بالوقت والمكان ويقلل من إنتاجيتك وحماسك ⬇️
✳️أكيد راح يتوفر لك وقت للبريكات، أطلعوا من المكان وجربوا أي نشاط غير دراسي زي النادي أو تأمل، إسترخاء، دايم خلي تركيزك محفوظ للمحاضرات

✳️حاب أضيف برنامج أصبح جدا أساسي بالنسبة لي ⬅️ To Do
✳️طبعا برنامج جدا سهل وغني عن التعريف، تقدر تسجل فيه مهامك اليومية أو الأسبوعية أو الشهرية، وتقدر تحط منبه يذكرك بموعد التسليم وعدة مميزات ثانية راح تقلل التشتت عندك ✅

▫️الخطوة الخامسة ⬅️ التواصل
✳️من أهم الأشياء اللي لازم تملكها هو قروب دراسي متعاون أو صديق دراسي ممتاز يحفزك على الدراسة ويشاركك مصادر المعلومات، أو يقدر بكفاءة يعطيك الأشياء المهمة اللي فاتت عليك لو ماقدرت تحضر المحاضرة لأي سبب تقني

✳️تأكد وثق ثقة تامة أن أعضاء هيئة التدريس يبغون لك الأفضل، وراح يساعدونك بأي مشكلة علمية تواجهك أو مفهوم صعب عليك، عشان كذا أبداً لا تتردد بالتواصل معهم
✳️حاول أن تكون وسيلة التواصل ملائمة عشان يجيك الرد بشكل سريع وواضح
✳️من تجربتي، الغالبية لا يمانع في تلقي رسائل الإيميل

✳️أخيراً أتمنى أنه موضوع مفيد للجميع، وأتمنى أنها تكون تجربة جميلة ❤️🌟
✳️متأكد أن العامل الوحيد اللي راح يحدد نجاح التجربة بنسبة كبيرة هو أنتم، حاولوا قدر الإمكان التكيُّف مع كل الظروف
✳️لاتنسون تفضلون الثريد وتشاركونه مع أي شخص راح يمر بهذه التجربة ❤️🙏🏻

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد