ثريد عن عوارض #كورونا
هيدي اول دقايق اليوم انا مصحصحة ومش عم ببكي من وجعي.
الليلة طلعت حرارتي ل 39.اخدت بنادول وصرت ارش سبيرتو ع جسمي. لاني مش قادرة اتحرك اعمل كمادات. بنام زي اللي بغيب عن الوعي وبفيق موجوعة، كل جسمي بيوجعني، تحت اظافري، جلدة راسي، رموشي بحسهن عم يوجعوني.
1
هيدي اول دقايق اليوم انا مصحصحة ومش عم ببكي من وجعي.
الليلة طلعت حرارتي ل 39.اخدت بنادول وصرت ارش سبيرتو ع جسمي. لاني مش قادرة اتحرك اعمل كمادات. بنام زي اللي بغيب عن الوعي وبفيق موجوعة، كل جسمي بيوجعني، تحت اظافري، جلدة راسي، رموشي بحسهن عم يوجعوني.
1
الصبح غصبت حالي اكل تفاحة، ساعة كاملة لقدرت اكلها عشان اخد الدوا. البلع بيوجع، شرب فوار فيتامين سي بوجع. المضمضة بمي وملح بتوجع. وهيدا انا حدا بيتحمل وجع كوني مريضة شقيقة/ميغرين. حركتي بطيئة جدا ومرهقة. الحكي بتعبني فبفضل احافظ ع نفسي وما احكي.
2
2
من شوي اخدت بنادول، عشان هيك طاقتي منيحة هلا. مبارح كنت احسن، كان بس وجع بجسمي بدون اعراض. هلا رجعت الحرارة. اصلا الحرارة هي العارض الاساسي اللي خلاني افحص، لانو السعلة والتعطيس عادي عندي لانو عندي حساسية. حرارتي طلعت الاثنين بالليل، الثلاثاء فحصت، الأربعاء طلعت النتيجة ايجابية
3
3
من الأربعاء انا محجورة بالبيت، عم تابع كل الوقت مع أطباء: خالي وعمي وصديق طفولتي وجار اهلي الباب بالباب وكل طبيب بعتلي يستفسر عن صحتي. المخيف بالمرض انو كل جسم بيتعامل معه شكل. وفش دليل لكسف ممكن يكون اثره ع كل مريض. هو فايروس بيهبط كل مناعة الجسم وبخلي الواحد حرفيا زي الخرقة
4
4
في ناس سألتني عن العوارض عشان هيك عم بكتب، بس مش كل مريض بيمرق بذات الاشيا. انا بعدني بشم وبذوق مثلا. بس الاكيد انو كل مريض "لحاله" محجور بالبيت وبلبنان فش مستشفى الا لو ضاق النفس. كل شي بدو يمرق فيه الواحد لحاله وبدو ينتبه ع اوقات الدوا وانو يطمن اهله اللي رح يجنوا قلق
5
5
من حظي انو بيتنا مجهز للتعامل مع نوبات الحساسية، لانو انا وابني بنعاني منها. عنا الة تنفس والة ترطيب للهوا. هالشي مخفف عني وعم يساعدني حافظ ع قدرتي عالتنفس.
6
6
عم شارك شو عم بصير معي بلكي الناس توعى انو الموضوع مش رشح ومش بس المرضى اصلا بتضعف مناعتهن عالفايروس. في شباب ماتوا منه. خافوا ع حالكم وع احبابكم. خافوا ع قلق اهلكن وأصحابكن. خافوا ما تشوفوا ولادكن اذا تدهورت حالتكن. عم بحكي عن جانب صحي فيزيائي، احكيلكن عن الجانب النفسي؟
7
7
كل اللي بيعرفوني بيعرفوا انو روحي معلقة بابني. صارلي من الاربعاء ما شفته قبالي. بحكيه فيديو وبعدين ببكي كتر ما مشتاقتله. عم بشمشم تيابه قد ما قلبي عم يغرف عليه. بقول لحالي 2_9 عم يقرب وبتطلع نتيجة الفحص سلبية وبيرجع لقلبي. بس كل دقيقة بساعة وكل يوم بسنة بيقطعوا.
8
8
اذا هاي مؤامرة من شركات الادوية العالمية، احموا حالكن وما تفوتوا فيها. اذا هي كذبة، ما تسمحولها تصير حقيقة موجعة. بس انتبهوا. بس ديروا بالكن. واحموا حالكن وكل اللي حواليكن. ما تفكروا بالحياة قبل كورونا، قارنوا وضعكم بمرضى كورونا ورح تحمدوا الله. الله لا يحرم حدا نعمة الصحة
بعد شغلة اخيرة: انا شخص مقاتل عموما ومصممة ما اخلي حالي انهار قبال الفايروس، ولسه عندي خطط ومشاريع لحياتي ولابني🤗
بس في فرق بين روح معنوية عالية وبين تجاهل الواقع. والواقع انو هيدا مرض مجهول الاثار ع كل شخص. وهالشي مخيف والخوف منيح عشان نتوقى. انتبهوا ع حالكن وع احبابكن👏
بس في فرق بين روح معنوية عالية وبين تجاهل الواقع. والواقع انو هيدا مرض مجهول الاثار ع كل شخص. وهالشي مخيف والخوف منيح عشان نتوقى. انتبهوا ع حالكن وع احبابكن👏
جاري تحميل الاقتراحات...