القصة مش فيوز بيضرب ولا حاجة.. القصة كالتالى:
طالب دخل كلية عملية "طب- صديلة-هندسة-علوم"، من اسرة متوسطة درس وحفظ كل مواده بالعربى فجأة بيلاقى دراسة بالانجليزى ومصطلحات ومحاضرات بالانجليزى ولازم يفهم.. تستقبله الاسر الاخوانية توفر حاجة اسمها قاموس المصطلحات العلمية

دى عبارة عن ملزمة كدة فيها المصطلحات وترجمتها بالعربية وملخصات ومحاضرات مكتوبة مترجمة بدعم من الاساتذة الاخوان..و يصاحب ده صدمة حضارية فى دراسة مختلطة فيها كل اطياف المجتمع وناس بتقولك احنا حنبعدك عن الجو ده فى شرنقة محافظة ولاد بس زى الجو اللى فى مدرستك وبيئتك..

لحد ميعاد انتخابات اتحاد الطلبةعادة فى اكتوبر/نوفمبر ..يتعالى بقى صوت المظلومية والامن رفض ترشيحنا واحنا بكل الخدمات اللى بنقدمها ليك ولغيرك للى زيك بيجيبوا ناس بدالنا..فبينضم ناقم على المجتمع الغريب اللى صدمه ومتعاطف مع اللى بيساعدوه يحافظ على مستواه

معلومة مؤكدة جدا.. 95% من اللى بيوصل منهم لهيئة التدريس بيبقوا فشلة والطلبة بتكرههم ومش بيوصلوا لدرجة الاستاذية اصلا..بيقفوا عند مدرس او استاذ مساعد.. الكتاتنى نفسه نجح فى لجنة الاستاذية بعد توسط استاذته للجنة الترقيات بعد رفض ترقيته مرتين لضعف الابحاث المقدمة منه

الكتاتنى قسم نبات زى بابا والمعلومة موثقة وشهودها الحمد لله موجودين.. القبطان @nabilelhalfawy سأل بعد لقاء تليفزيونى لمرسى هو الطلبة بتوعه بيفهموه واضطر يلغى التويتة بعد ما لقى اجماع انهم مبيفهموش منه حاجة وان كل اللى يهمه فى محاضرته انه يفصل الولاد عن البنات