في الثريد دا حتعرف كيف تفرق بين اجهزه الايفون الاصلي والفيكك وحتعرف كيف تختار احسن نوع منهم 👌🏽
اول شي عشان تفهم معاي عايز منك تفتح ايفونك وتمشي على اعدادات/عام/حول/رقم النموذج
للناس التلفونات بالانجليري تمشي على settings/general/about/model number
زي ما في الصوره القدامك دي !! ركز في الخانه القدام Model number دي تحديداً اول حرف ببدا بيهو الكود الحرف M صح ؟ بس دا البهمنا
للناس التلفونات بالانجليري تمشي على settings/general/about/model number
زي ما في الصوره القدامك دي !! ركز في الخانه القدام Model number دي تحديداً اول حرف ببدا بيهو الكود الحرف M صح ؟ بس دا البهمنا
يلا حرف ال M الشايفو دا نوع من موديلات الايفون واسمو M model وهو واحد من اربعه موديلات فقط لا غير وهم كالتالي
الايفونات البتبدا بM : model
الايفونات البتبدا بN : Model
الايفونات التبدا بF : model
الايفونات التبدا ب P : Model
الايفونات البتبدا بM : model
الايفونات البتبدا بN : Model
الايفونات التبدا بF : model
الايفونات التبدا ب P : Model
1/ الايفونات البتبدا بي M ودا ينعي الايفون حقك جاي جديد من المصنع لي يدك طوالي ودا يعتبر احسن نوع من الايفونات يعني مفروض تكون فرحان وانت بتقرا الثريد دا لانو انت شايل افضل تصنيع فيك يا شركه 😉
2/الايفونات البتبدا بي N ودا يعني التلفون حقك مبدل من الشركه باختصار يعني تلفونك اشتروهو قبل كده و ورجعو للشركه بسبب عطل حصل فيهو عن طريق ضمان ابل والشركه عملت ليهو اعادة تصنيع(تجديد)واختبرتو بالكامل ونزلتو في السوق تاني لكن بسعر اقل من سعر الاجهزة الرسميه(M models) وانت اشتريتو
3/ الايفونات البتبداً بي F ودي ما بتختلف عن ال N model القبل شويه كتير دي يعني برضو الجهاز الشغال بيهو حصل فيهو عطل معين والشركه بدل ما تعمل استبدال للجهاز قامت عملت صيانه لي جزو معين من الجهاز واختبرت الجهاز بي شكل كامل بدون اي عيوب حتين نزلتو في فروعها بي اسعار اقل من M و N
4/ الايفونات البتبدا بي P وانت لو بالجد عن التلفون دا معناها انت برجوازي ود كلب الله فاتحها عليك شرق وغرب لانو النوع تحديداً بجي رساله خاصه او تصنيع حسب الطلب وغالباً ما يجي مصنع بالدهب او بالماس او الاتنين مع بعض او اي اضافات تانيه ودا اغلي نوع من الايفونات و نادر ما نشوفوا
في ناس مرات بتسأل في حاله الجهاز جديد بالكرتونه كيف اعرف الموديل نمبر بدون ما افتح الجهاز ؟ بسيطه في الكرتونه بي ورا بتلقاهو مكتوب بي ورا جمب السيريل نمبر
الغايه من الشرح دا انك تعرف حقك عشان تاني لمن تمشي تشتري تلفون تكون عارف نفسك بتدفع القروش دي في حاجه جودتها تستاهل.. للاسف اغلبيه التجار بستغلو جهل الناس عشان يغشوك و يبيعو ليكم الاجهزة المجدده بسعر الاجهزة الM model لكن تاني هيهات ✌🏽
رايكم في الشرح يا شباب
جاري تحميل الاقتراحات...