رتبها

#ياهلا_والله ..
مع حر أغسطس جهزت ثريد يبرد
على قلوبكم 🍧💛..
نصائح ذهبية للمبتدئين بمجال التصميم الجرافيكي ، و راح يعمل قفزة بتصاميمكم
ويساعدكم تبدعون اكثر وتكشخون بأعمالكم..
وأنا كشخت لكم شوي بالشرح 😁🦩..
يلا نبدأ ..
@saedalsaleh1
@illustrator_sa

١- التوازن البصري 🔍🎈
بختصار اول ما تبدأ التصميم حدد رسالتك ، و ركز على اللي تبي تجذب المشاهد له !
وبعدها رتب العناصر بصرياً حسب اللي يهمك ..
كيف أرتبها ؟ من خلال :
- حجم النص
- استخدام الألوان
- التلاعب بالأحجام
- إضافة الأشكال و الخطوط
وهنا مثال بسيط 👇🏻..

٢- الدقة الدقة الدقة !
و أقصد هنا إذا يحتوي التصميم على صور اهتموا بـ دقتها 📸
وركزوا كم مره كررتها لأنها فعلاً لما تكون دقتها عالية بيصير التصميم نظيف و شكله أرتب
إذا مصمم : ابحث في مواقع للصور دقتها عالية فيه المجاني و فيه المدفوع 💡
صاحب مشروع : جيب مصور طال عمرك😁💸

٣- لا تلعب بتحجيم النص ❌✏️
مقاسات الخط الأصلية غالباً تكون موزونه بصرياً للعين ..
ما يحتاج تمط و تضغط ! وتجيب العيد ويبين التصميم فيه غلط بس ما ندري وين !
.
إلااااا .. لو كان تمطيط النص له فكرة ومغزى جمالي هنا نقول
انطلق ياكابتن .. 💡
مالقيت بديل لكلمة تمطيط 😂😁

٤- لا تشيل يدك عن shift ..
إذا بتكبر و تصغر الصورة ، ليش ؟ لأن العين تلاحظ ابسط الاختلافات
لمّا تكبر الصورة بشكل طولي او عرضي راح يخرب شكل التصميم
و يصير شكله بدائي و غير احترافي للأسف ..
عشان كذا نقول لا تشيل يدك عن الـ shift 🤬!
مثال 👇🏻..

٥- وجود " المساحة " يساعد على التركيز 👌🏻
ايش يعني وجود مساحة ؟ 🧐
لما تصمم احرص على وضع مساحة على هوامش التصميم و بين العناصر ، تساعد المشاهد يركز على المحتوى وينتقل بين أجزاء التصميم ببساطة .
ويعطي التصميم " فخامة "
..
صممت المنيو هذا كمثال 👇🏻💡

٦- لا تزحم التصميم بكثرة الخطوط 📝
لا تتوقع لما تستخدم اكثر من نوع خط يبين تصميمك أحلى !
بالعكس يبين أنه بدائي و غير احترافي و يشوش عين المشاهد 🙃
بالكثير استخدم نوعين و تكفي ،
و احرص على الخطوط اللي لها أوزان كثيرة راح تساعدك اكثر 🤓
يبين الفرق بسيط لكن لو ركزت بتلاحظ😎👇🏻

٧- تباين الألوان 🖍..
ضروري تنتبه لـ تباين الألوان بالتصميم ، ما ينفع خلفية غامقة و خط غامق ، بكذا انت تتعب عين المشاهد و يصير التصميم غير جذاب ..
عندك مشكلة بـ اختيار الألوان ؟ دائرة الألوان راح تساعدك بالاختيار بشكل كبير ..
👇🏻⭐️

٨- المحاذاة و تأثيرها 📏⭐️ ..
لا تنسى العين البشرية تلاحظ أدق أدق التفاصيل 🤓
ف لما ترتب معلومات في التصميم ركز على المحاذاة
وهنا مثال بسيط كيف تجمّل المحاذاة التصميم ويكون بشكل مرتب اكثر ..
الطريقة ؟
من windows - Align
ولو تبون شرح افضل حاضر ♥️
👇🏻⭐️

٩- استخدام الظلال بكثرة !
لا تستخدم الـ shadow إلا إذا كان يعطي مظهر جمالي 👌🏻💖
من وجة نظري انه يعطي مظهر قديم لتصميم ، تقدر تسغني عنه او تستبدله بأفكار أجمل مثل تكرار النص وتغيير اللون .
وأفكار أكثر إبداع
#التغذية_البصرية راح تساعدك 👌🏻
واضح قربنا نخلص من العبارة🤣؟
👇🏻⭐️

في الختام 💛..
المعروف عن مجال التصميم ان فيه مرونه عالية ..
لا تتوقع ان جميع القواعد تُطبق في كل التصاميم ، ممكن نطبق العكس و يكون التصميم أجمل
المهم 🎈
يظهر التصميم بأفضل شكل ! متناسق ومتوازن و واضح لعين المشاهد .
-
لا تنسون تهمني ارائكم و اقتراحاتكم 💛.
دمتم بود 🦩⭐️.

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد