ثريد اليوم عن أشياء حرفيا ممكن تنقذ روح اذا شفتو حيوان بحاجة لمساعدة ك ناس مش أطباء بيطريين
(part 1)
راح احكي بهالثريد عن حوادث السيارات، الكسور، جروح بشكل عام
*هاي الأمور للحفاظ على حياة الحيوان إلى حد الوصول لطبيب بيطري*
(part 1)
راح احكي بهالثريد عن حوادث السيارات، الكسور، جروح بشكل عام
*هاي الأمور للحفاظ على حياة الحيوان إلى حد الوصول لطبيب بيطري*
حوادث السيارت:
اذا شفت بسة او كلب بالشارع مش على طبيعته وبتلاقي هيك مرمي ومبين موجوع ف احتمال كبير يكون دعس. لازم تشوف جسم الحيوان عن قريب وتشوف اذا في جروح، حرق، انتفاخ.. الخ. وضروري بهاي الحالة تشوفو اللثة لازم يكون لونها زهري زي بالصورة عند normal.
اذا شفت بسة او كلب بالشارع مش على طبيعته وبتلاقي هيك مرمي ومبين موجوع ف احتمال كبير يكون دعس. لازم تشوف جسم الحيوان عن قريب وتشوف اذا في جروح، حرق، انتفاخ.. الخ. وضروري بهاي الحالة تشوفو اللثة لازم يكون لونها زهري زي بالصورة عند normal.
تاني شغلة بدنا ننتبه عليها هي البؤبؤ. إذا كان في بؤبؤ اكبر من التاني بعد حادث بالعادة بكون عنا ارتجاج دماغ. أما إذا الاثنين واسعين بتدل على صدمة او أذى بمنطقة الراس. و في شغلة كمان مهمة بنشوفها بالشتا، لما البسس تتخبى جوا السيارات. كتير بسس ممكن تتضرر بس مع هيك ما تفقد الأمل.
في بسس بتكون حرفيا ممزوعة مزع وبترجع تعيش وكلشي تمام بعد العلاج، ف ما تردو عأي حد بحكي خلينا نعملها قتل رحيم. بالنسبة للكلاب المدعوسة احسن اشي تنحمل من جلد الرقبة والظهر وبعدين تنحط على حرام ونرفع الحرام والكلب جوا. لانو اذا رفعنا الكلب من خصره او صدره ممكن ندخل ندخل عظمة بالرئة
ما حد يعطي الحيوان مي او اكل بهاي الحالة حتى لو كان يلهث. لسببين : الأول ممكن يستفرغ بشدة لدرجة يصير نزيف داخلي، ثانيا ممكن يحتاج عملية طارئة ولازم يكون الحيوان صايم قبل الدخول. مثلا زي الي بالصورة هاي بسة كان لازم ينعمللها عملية حالا
بعد اول ٢٤ ساعة. بصير عنا خطر تاني بستمر ل٤ ايام. بنشوف الحيوان رجع طبيعي باكل وبشرب وكلشي تمام فجأة بنلاقي وقع ومات. و بتصير بالإنسان كمان هاي الشغلة. والسبب بكون في كثير خثرات دموية حتى توقف النزيف الي صار من الحادث بس هاي الخثرة ممكن تروح عمكان حيوي زي الدماغ او الرئة.
*ضروري المتابعة مع طبيب حتى يعطي أدوية صحيحة*
الكسور:
اكتر اشي معرض للكسر بالكلاب والبسس هم الارجل و الذيل. اهم اعراض الكسر انو الحيوان بضل رافع رجله وما بحطها عالارض ابدا ومبين الوجع. ضروري جدا تخلي الحيوان بمكان هادي وما تلعب بمكان الكسر، مهما كان الكلب اليف وبحبك راح يعضك لانو موجوع.
اكتر اشي معرض للكسر بالكلاب والبسس هم الارجل و الذيل. اهم اعراض الكسر انو الحيوان بضل رافع رجله وما بحطها عالارض ابدا ومبين الوجع. ضروري جدا تخلي الحيوان بمكان هادي وما تلعب بمكان الكسر، مهما كان الكلب اليف وبحبك راح يعضك لانو موجوع.
والبسس احسن اشي نحطهم ببوكس في مناشف كتير ونتركهم شوي لحتى يهدو.
لانو لما تتوجع بتفضل تقعد بمكان في خصوصية شوي. وغير هيك *ضروري جدا* ما حد يحاول يجبر الكسر لحالو بالبيت. انت هيك ممكن تخلينا نخسر الطرف المكسور. بس اتركه لحاله. حاول خلي طبيب يشوفو بنفس اليوم بدون تاخير
لانو لما تتوجع بتفضل تقعد بمكان في خصوصية شوي. وغير هيك *ضروري جدا* ما حد يحاول يجبر الكسر لحالو بالبيت. انت هيك ممكن تخلينا نخسر الطرف المكسور. بس اتركه لحاله. حاول خلي طبيب يشوفو بنفس اليوم بدون تاخير
بالنسبة للذيل بالعادة بطيب لحاله هو، بس مرات بتقدر تحس بالكسرات مع الوقت بصير زي مفاصل انو بتلاقي الذيل زي حرف L صار. بس اكيد اذا تعالج صح بوقتها برجع كل اشي طبيعي.
في عنا شغلة مهمة تانية بالكسور بنشوفها كتير بس يوقع الحيوان من مكان عالي او يندعس. بدكم شوي شوي تحاولو تفتحو الفم "اذا ممكن". حتى تنتبهو ما تعطو اي اشي من خلال الفم. عشان كلو راح يدخل عالرئتين من هالكسر. (في حيوانات بتنولد بهالاعاقة اهم علامة الها الحليب بس يرضعو بطلع من الانف)
الجروح:
الجروح في أنواع كثير الها ممكن تتعالج بالبيت وأشياء اكيد لازم طبيب يتدخل فيها. اول اشي لازم ينعمل توقف النزيف ب قطع شاش وتضغط عمكان النزيف. غسل الجرح بمي وبيتادين فقط. ما حد بستعمل ديتول او اي معقم بستعملو الناس. الديتول حرفيا بحرق الجلد حرق.
الجروح في أنواع كثير الها ممكن تتعالج بالبيت وأشياء اكيد لازم طبيب يتدخل فيها. اول اشي لازم ينعمل توقف النزيف ب قطع شاش وتضغط عمكان النزيف. غسل الجرح بمي وبيتادين فقط. ما حد بستعمل ديتول او اي معقم بستعملو الناس. الديتول حرفيا بحرق الجلد حرق.
وكمان ما حد يغطي الجرح، لازم ينشف. الجرح اذا تغطى ممكن يلتهب بسبب البكتيريا والرطوبة الي صارت بسبب الباندج "اكيد في جروح لازم تتغطى بس مش كلهم"
وما حد يحط كريم مضاد حيوي لانو اغلبهم بدون داعي.
فيوسيدين هو وقلته واحد إلا إذا كان في سبب يستدعي استعماله.
وما حد يحط كريم مضاد حيوي لانو اغلبهم بدون داعي.
فيوسيدين هو وقلته واحد إلا إذا كان في سبب يستدعي استعماله.
الكريمات بتلقط غبرة وشعر وتراب واوساخ كلها بتأثر على سرعة الشفاء. البيتادين كافي جدا. وطبعا الأحسن طبيب بيطري يشوف حتى يحكم صح.
حاولت اكتب بطريقة بسيطة تكون مفيدة للناس. راح اعمل هاي الشغلة على أجزاء حتى ما يكون ممل الموضوع.
وغير هيك انا ما راح احط اسامي أدوية لانو كل حالة بتختلف عن التانية، وما في علاج standard لكل اشي. لازم طبيب بيطري يقرر بنفس الموقف. وانتو اصلا ما تثقو بأي حد بحكيلك دوا من غير ما يشوف
وغير هيك انا ما راح احط اسامي أدوية لانو كل حالة بتختلف عن التانية، وما في علاج standard لكل اشي. لازم طبيب بيطري يقرر بنفس الموقف. وانتو اصلا ما تثقو بأي حد بحكيلك دوا من غير ما يشوف
جاري تحميل الاقتراحات...