من اكثر الاشياء الله اكرهها جد بهالحياة ..
لما أشوف شخصين كانوا يموتون ببعض مو بس يحبون ويحافظون على هالعلاقة فوق الثلاث اربع وخمس سنين ..
لما أشوف شخصين كانوا يموتون ببعض مو بس يحبون ويحافظون على هالعلاقة فوق الثلاث اربع وخمس سنين ..
ولما يبرد هالحُب بعدها جداً جداً يا مع وجود العيال والانشغال فيهم يا احد الطرفين يكون تخلى وخان وبدأ لهفه حُب جديدة مع شخص جديد ..
يزعلني حححيل سهولة التخلي عن البعض .. وسهولة كسر الطرف الثاني بعد مرور العمر واختلاط الحُب بالعشرة ..
اكيد بالعلاقة في طرف بينهدم وينتهي وفي طرف بيبني حُب جديد .. ودايماً يقولون ان الطرف اللي ينتهي اهو المرأة اما الرجل فـ قلبه غرف يتسع الجميع ..
تصدقون على أني أشوف قدامي قصص كثيرة كذا وبعد ست سنوات ينفصلون وبينهم طفل او طفلين .. بس بالمقابل في قصص دام فيها الوفاء لين ماتوا مع بعض .. في حُب دام لـ التسعين سنه .. وفي كثير عاشو بلهفة هالحُب مع شخص واحد اختاه قلبهم للعمر كله .. ♥️
الحُب ببداية الوقع فيه .. بيكون لهفة لكل شي فيه وبعد ما تهدأ هاللهفة يتحول لـ شعور بالامان بالاستقرار اشبه بأنك لقيت نفسك بـ شخص .. اكيد بعدها كل علاقة بتمر بركود وبهالوقت يبين فيها معدن الشخصين منو اللي فعلا يحب من قلب ؟ منو اللي فعلا يبي يستمر ؟
يصير الحُب بعدها لهفه .. حنان .. واحترام
شوي شوي يكبرون ويكبر فيهم العمر ويكبر هالحُب .. لو كان صادق ؟ بيتحول لـ وفاء حتى بعد مرور مليون سنة .. بيصير وفاء واخلاص واحترام ♥️
دايماً ما كنت اشوف ان بمجتمعنا التقليدي اشياء تستحق التقدير .. منها محافظتهم على العلاقة الزوجية وتقديسهم لها فيصير المجتمع من امه وامها واهله واهلها الكل يتمنى استمر هالعلاقة للابد الكل يتمنى الوفاء من الطرفين والمستفيد الاول بكل ذا الاطفال .. ♥️
اللي بيصيرون عاشو بمنزل مليان حُب .. احترام .. دفا .. حنان .. شخصياتهم بتكون متزنة واعية وقوية جداً من قوة علاقة امهم وابوهم ♥️
قبل لـ اختم هالثريد ..
بحكي لكم عن الشخص اللي جمعني فيه الحُب وعشت معاه الايام الحلوة والمره الصعبة والبسيطة الهنيه .. 🖤
بحكي لكم عن الشخص اللي جمعني فيه الحُب وعشت معاه الايام الحلوة والمره الصعبة والبسيطة الهنيه .. 🖤
عشت المراحل هذي كلها بسنة ونص بين لهفه حُب اشياق احترام دفا استقرار وشعور بالراحة بكل شي 🖤 واكيد مثل اي علاقة طبيعية مرينا بركود بس الحمدلله كان ركود كل مره يرجعنا لبعض اكثر يعرفنا على بعض اكثر ونصير نعيش ببعض اكثر 🖤
غير الركود اكيد بعد موجودة المشاكل .. كنت امر فيها كلها بحضنه ومعاه ويمه عمري ما حسيت بحضه بشعور التخلي او البعد او الخيانة او الترك او حتى الملل ما احب حتى اكتبهم واجيب طاريهم يارب يحمينا انا وياه ويحمي علاقتنا منهم كلهم ♥️
الحمدلله يارب على كل شي .. على الشخص النادر اللي جمعتني فيه .. اللي قدرت اعدي معاه كل صعب بدون ما احس بتخلي .. قدرت اعيش معاه كل حُب ولهفه بكل صوت ونظره .. قدرت استند عليه كـ جدار صلب غير قابل للسقوط ابداً .. 🖤
ختاماً ..
قد أرتويت منك وما لقلبي العطشان من شبع 🖤.
قد أرتويت منك وما لقلبي العطشان من شبع 🖤.
جاري تحميل الاقتراحات...