رتبها

المطبلين وما أدراك مالمطبلين :
- إنك تدور رزقك ولقمة عيشك هذي مهب خطأ ، لكن الخطأ إن لقمة عيشك تكون مشبوهه بل إنه تكون حرام ..
- شي حلو انك تعلن ويجيك فلوس وتسترزق لكن إنك تتغافل الناس وتلعب عليهم وتغشهم بكلامك هنا مشكلتي معك ومسكلة اغلب الناس..
تابع⬇️

- تبي تقول لي ماغشيتهم ولا لعبت عليهم واللي اخذه حلال اوك بقولك، إنك تذكر المميزات لمنتج ما وتتغافل وتسكت عن العيوب هذا وس تسميه؟ ماهو غش ولعب على الناس؟، إنه يكون كل كلامك مدح في مدح فقط لاغير هذا وش تسميه؟، إنك تقرل للناس ان هذا الفيديو (مراجعه)وهو بالأساس إعلان هذا وش تسميه؟

مهب كذب ولعب على الذقون هذا؟
-والادهى والأمر إذا كان حتى في مدحك للمنتج كذب، وشلون؟ انا اعلمك .. غير تطبيلك أيضاً تكذب بوصف تفاصيل المنتج أو تكويناته او تزيد اشياء من راسك مثل القطع أو المواصفات أو تغير ببعضها والكلام يطول من هالناحيه (جداً يطول)
تابع⬇️

- كل اللي قلته هذا وفي داخلي الكثير، ماقلت الا نقطه من بحر، وغالباً الإحساس مايخيب، وش اقصد؟ انا اعلمك اقصد بكلمة الإحساس مايخيب انه مره من المرات اتناقش انا وخويي عن المطبلين قالي يارجال لاتظلمهم كلهم تلقى بعضهم مايدري ان اللي جالس يسويه خطأ انصحه ووضح له
⬇️

قلت له مستحيل مايدرون بل يدرون وقاصدين هالشي ويعرفرن البير وغطاه
وانا قدامك الان برسل لـ اكثر من شخص مشهور عشان اثبت لك وارسلت لهم بالخاص
فبه بعضهم رد على بسرعه وكلمته بكل احترام واسلوب راقي وقلت له كلامي واللي اشوفه، اقسم بالله مازبت عليكم انه فيه اثنين منهم
تابع⬇️

فيه اثنين من اللي ردوا فجأه عطوني بلوك
بقى واحد مازلت اتناقش معه .. يوم اني حجرت له بالكلام عطان بلوك <مع العلم تحجيري مهب عشان انتصر لالا.. المقصد بكلمة تحجير يعني إني سألته بكل صراحه نفس الاسأله اللي قلتها بأول وثاني تغريده فوق ^ يعني كلمته وسالته بكل صراحه
تابع⬇️

ولا سألته هالاسإله الا لما انكر ولا اعترف
بعد اسالتي بلوك على طول
وفيه بعضهم مارد على الا بعدين يوم او يومين ونفس الشي، هنا اثبت لخويي ان كلامي صح وبينت له اني عارف منهجهم وديدنهم وعارف تصرفاتهم ووش يبي يردون علي اذا كلمتهم، الاحساس مايخيب والكتاب واضح من عنوانه
تابع⬇️

- ادري طرلت عليكم لكن هالكلام من زمان بخاطري وودي اقوله لكن ماسك نفسي تجنباً للبلبله، بس خلاص طفح الكيل
اقسم بجلال الله إني اقارن اعلانات الاجانب بالعرب بشكل عام والسعوديين بشكل خاص وانصدم ثم افكر واقول الحين مين المسلمين حنا او هم؟ والله يا الأجانب اغلبهم عندهم...
تابع⬇️

اغلبهم بإعلاناتهم عندهم امانه وصدق وصراحه و وضوح وشفافيه لو نجلس الف سنه ماوصلنا لها، ما ادري هل المشكله من النظام والقانون عندنا او من الوازع الديني والمخافه من الله؟، وانا اعتقد من الاثنين
اذا شفت الاجانب<وليس تعضيماً لهم وإستنقاصاً لنا ولكن هذا الواقع)..
تابع⬇️

اذا شفت الاجانب ببيعهم او اعلاناتهم او اي شي يدخل فيه فلوس كيف حريصين ودقيقين والشفافيه عندهم الف ومتزنين بالربح .. تلعن على اللي عندنا هو طمع هو كذب وتدليس هو هو هو هو ...
#الى_متى ؟ خلاص طفح الكيل قسم بالله العظيم
ولو تلاحظون تكررت كلمة منتجات بكلامي كثير
تابع⬇️

ليش ماحددت وش اقصد؟
لأني حرفياً اتكلم عن الكل مشاهير سيارات او مشاهير تقنيه او مشاهير منتجات متنوعه
صحيح اني وانا اكتب لكم ببالي مشاهير السيارات اكثر من غيرهم لأنهم مستشرين ومخربينها بقوووه لكن بشكل عام اقصد الكل
تابع⬇️

معلنين السيارات ذولا مشكلتهم مشكله اكثر من غيرهم ، ياهم رافعين ضغطي اغلبهم كل اللي قلته سابقاً ينطبق عليهم واكثر بعد فبه اشياء ماقلتها انا استغرب من مطبلينهم من الجماهير هل هم دافع لهم المشهور عشان يعززون له او مجرد اغبياء سفهاء على بلاطه كمخن يمشون؟ لابوكم لابو من جمعكم من سلق⬇️

الاول ماغير يستعرض بالسيارات اللي تدخل قراج بيته هو وتميلح يفقع التسبد هو وتقويمه وهذي ساعتي وهذا لبسي وهذي نظارتي هاهاها انا كشخه خقو علي يابنات
وانقهروا ياعيال انا واصل وغني هاهاها
ااخخخ بس وخذ لك من التطبيل والكذب والخداع .. بنهاية السنابات اما الان مع خلف الكواليس
⬇️

بوريكم ناس صوروني وانا ما ادري نعم انا محور الكون انا المهم انا الجخه(الكشخه)
بزر انت؟ مراهق؟ طفل؟ لكن من شاف فعايلك غسل ايده منك
قبل ما انتهي منه حاب اقولكم وهذا صوت البوري طااط طاط هاها
تابع⬇️

والثاني الطعر المقنع اللي مايبي يطلع خشته ، يدس السم بالعسل يقاله عشان محد ينتبه له كيف؟ انا اعلمكم اذا كانت السياره مهب اعلان او تبع شركه يعني هو بنفسه رايح للمعارض يتمشي وبيصور سياره يقول السلبيات وهنا ياسلام سلم على الصراط المستقيم لكن اذا كانت السياره اعلان لشركه
تابع⬇️

هنا لالا الوضع غير احسن سياره هذي ولا يقول اي سلبيه ياشيخ زين ان ما قال فيها ٦ مكاين كلهن ١٢ سلندر 😂🤦🏻‍♂️ ياويل تسبدي بس وش اقول ووش اخلي خلنا نروح للثالث
⬇️

اما شايب عراره يالله حسن الخاتمه (جده حقنا دحينا ايوه كدا)
نفس اخواننا السابقين ولكن يزود عليهم انه
يناقض نفسه بنفسه من دون مايدري
على سبيل المثال في احد المرات تكلم عن شركه وسياره والفيديو غير اعلاني قال كلام عن الشركه ثم بعد مده طويله ممكن اكثر من سنه بأحد الفيديوات
تابع⬇️

بأحد الفيديوات الاعلانيه عاااكس وناقض الكلام اللي قاله بلسانه حرفياً 🤣😂😅
كيف وشلون ماتدري!!
ياخي قسمن بالله صارت تحوم كبدك مم السوشل ميديا كلها ان قلت تويتر او سناب او يوتيوب او الانستا حتى ان مادخلت عليهم اعلاناتهم تطلع لك غصب 😭 لابو من جمعهم ياشيخ خلااااااص

اقسم بالله خلاص طفح الكيل وطفشنا وحامت كبودنا من اللي نشوفه الواحد لازم يتكلم، مع العلم (حسب ماوصلني من شخص اثق فيه) ان شغلهم زي العصابات، قروبات ولهم كبيرهم الذي علمهم السحر
⬇️

وحسب ماوصلني انه مب سعودي من جنسيه عربيه وايضاً حسب ماوصلني انهم يحاربون اي شخص ضدهم سواء تكلم او بنفس مجالهم لكنه امين وشريف حتى مايخلونه ياخذ شي يحاولون يكسرونه ويمحونه من السوشل ميديا
والخاص عندي سب فيني وقذف قسم بالله من ناس مجهولين تابعين لهم والخافي اعظم ايوالله

كل اللي قلته كذا لكم نقطه من بحر حرفياً ما ابالغ والله على ما اقول شهيد الخافي اللي ماقلته لكم كثيييير
وش هدفي من كلامي كله هذا؟
اولاً تشجيع الناس على الكلام ورفض الباطل اذا تكلمت انا وانت وغيرنا مهما طال الزمن بيتغير الوضع اذا شافوا ان الناس قايمه عليهم..

وايضاً بيوصل للمسؤولين اذا كثر النقد والكلام
ثانياً توعية بعض الناس عن اللي قاعد يصير وتنبيههم من بنات او شباب
والختام أتمنى ان الله اما يهديهم او يكفينا شرهم ويمحاهم من السوشل ميديا ويفكنا منهم عشان ترتقي الإعلانات وترتقي الشركات بمنتجاتها.

@Rattibha رتبها

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد