الثريد دا خلاني اتشجع واحكي ليكم الحصل معاي لما جربت وقمت الليل اللي هو لا يقل روعة عن صلاة الوتر.
بالنسبة لي قبل فترة كنت بمر باكتئاب، ما كنت فاهمة وقتها هل انا بمر بالضيق دا بسبب حاجات حصلت معاي او بسبب ولا شي، بس الكنت عارفاهو ان انا ما نفسي...
بالنسبة لي قبل فترة كنت بمر باكتئاب، ما كنت فاهمة وقتها هل انا بمر بالضيق دا بسبب حاجات حصلت معاي او بسبب ولا شي، بس الكنت عارفاهو ان انا ما نفسي...
ما كنت بمشي الجامعة ولا بقدر اقرا للامتحانات وخربت علاقتي مع صحباتي وما كنت عارفة اتعامل مع الحولي كيف، كنت لا بقدر اكل كويس ولا بقدر انوم، وبسهر الليل كلو بس ببكي لانو بكون متضايقة وما عارفة اعمل شنو او اطلع من الانا فيهو دا كيف...
بس في يوم كدا كالعادة سهرانة براي وببكي وبفكر احكي او اشكي لمنو وان حتى لو اتكلمت مافي زول حيفهمني، فجأة بس كدا قلت لنفسي قومي اتوضي واشكي لربك يا سارة، هو الوحيد الفاهمك وعارف الفيك شنو، مافي زول تشكي ليهو احسن منو.
وفعلا قمت اتوضيت وبس قعدت اصلي الليل كلو وادعي وابكي لربنا...
وفعلا قمت اتوضيت وبس قعدت اصلي الليل كلو وادعي وابكي لربنا...
بقيت اعمل كدا كل يوم الين انوم.
كنت كل يوم بصلي فيهو بحس براحة ما طبيعية، لمن يوم صحيت وحسيت كل الضيق الكان في صدري اختفى.
حرفيا اختفى، كأنو كان في جبل فوقي مانعني اتنفس وجا زول زحاهو مني...
كنت كل يوم بصلي فيهو بحس براحة ما طبيعية، لمن يوم صحيت وحسيت كل الضيق الكان في صدري اختفى.
حرفيا اختفى، كأنو كان في جبل فوقي مانعني اتنفس وجا زول زحاهو مني...
بعد حسيت نفسي اتحسنت بطلت اصلي الليل، وجات فترة رجعت انتكست تاني، مشيت لدكتورة نفسية، فسألتني قالت لي طلعتي نفسك المرة الفاتت من الاكتئاب والتوتر الانتي فيهو دا كيف! عملتي شنو؟! قلت ليها ما عارفة ما عملت شي، بس كنت بصلي الليل وادعي ربنا.
قامت قال لي "طيب دا ما بس، دا كل شي"...
قامت قال لي "طيب دا ما بس، دا كل شي"...
وقتها كلامها رجع لي احساس الراحة النفسية الكنت بحسها في كل صلاة، والاحساس الكنت بحس بيهو كل ما اصحى اليوم التاني كأني انسان جديد، وكيف رجعت لنفسي ولحياتي بس بالصلاة دي.
وكيف ان لقيت نفسي وراحتي وحياتي كلها لما حاولت اقرب لربنا بالصلاة دي...
وكيف ان لقيت نفسي وراحتي وحياتي كلها لما حاولت اقرب لربنا بالصلاة دي...
وكيف كل ما كنت بقول يارب يا قريب يا سميع يا مجيب، بحس ان فعلا ربنا قريب مني وسامعني وبيرد علي...
قيام الليل وصلاة الوتر حاجات فعلا عظيمة وفضلها كبير جدا لو تعلمون.
قال تعالى: (تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًا وَمِمَّا رَزَقْنَاهُمْ يُنْفِقُونَ) ✨.
قال تعالى: (تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًا وَمِمَّا رَزَقْنَاهُمْ يُنْفِقُونَ) ✨.
قال النبيّ عليه الصلاة والسلام: (يَنْزِلُ رَبُّنَا تَبَارَكَ وتَعَالَى كُلَّ لَيْلَةٍ إلى السَّمَاءِ الدُّنْيَا حِينَ يَبْقَى ثُلُثُ اللَّيْلِ الآخِرُ يقولُ: مَن يَدْعُونِي، فأسْتَجِيبَ له مَن يَسْأَلُنِي فَأُعْطِيَهُ، مَن يَسْتَغْفِرُنِي فأغْفِرَ له) ✨.
قال النبيّ عليه الصلاة والسلام: (إنَّ اللهَ وِترٌ يحبُّ الوِترَ ، فأوتِروا يا أهلَ القرآنِ) ✨.
قال النبيّ عليه الصلاة والسلام: (إنَّ اللهَ تعالى قدْ أمدكمْ بصلاةٍ هي خيرٌ لكمْ من حمرِ النعمِ، الوترُ جعلَها اللهُ لكمْ فيما بين صلاةِ العشاءِ إلى أنْ يطلعَ الفجرُ) ✨.
قال النبيّ عليه الصلاة والسلام: (إنَّ اللهَ تعالى قدْ أمدكمْ بصلاةٍ هي خيرٌ لكمْ من حمرِ النعمِ، الوترُ جعلَها اللهُ لكمْ فيما بين صلاةِ العشاءِ إلى أنْ يطلعَ الفجرُ) ✨.
ملاحظة بس: الفرق بين قيام الليل وصلاة الوتر بس في الكيفية اللي هو عدد الركعات، اما فضلهما وروعتها مافيها اختلاف يذكر ♥️✨
جاري تحميل الاقتراحات...