ثريد: القات*ل الذي صادق رجال الشرطه لدرجة انهم لم يصدقوه عندما اعترف بجرائمه
بالبداية تابعني وراح يعجبك حسابي انزل اشياء متنوعه من ميمز وقصص وسواليف واشياء كثيره
من هو هذا الشخص؟ هذا الشخص اسمه إدموند كيمبر صاحب واحده من ابشع الجرائم التي جعلته يصنف بين أكثر الأشخاص دموية في تاريخ الولايات المتحدة الأمريكية
على ان ادموند كان شخص ضخم الجثه يوصل طوله لاكثر من مترين كان شخص لطيف جدًا بحسب كلام الناس اللي احتكوا فيه مافي احد بحياته اخذ فكره او انطباع سيء عنه ومستحيل احد كان يتخيل انه قات*ل متوحش راح يقت*ل اكثر من 10 اشخاص
فوق هذا كان ادموند شخص ذكي جدا وعنده IQ يعتبر من فئة العباقره عشان كذا كان يغطي على نفسه وجرائمه بشكل متكامل محد كان شاك فيه لحد ماهو بنفسه مسك التلفون واتصل على الشرطه وبلغ عن نفسه
حياته كقات*ل متسلسل بدأت من يوم كان طفل بعمر 15 سنه عشان كذا كان فيه احداث ومواقف من طفولته حولته لوحش مستعد للقت*ل من هذا العمر الصغير
فلازم نبدأ من بداية حياته ونتعرف عليه ونفهم كيف هذا الرجل تحول للوحش اللي هو عليه اليوم، من صغره كان ولد ذكي وحساس جدا كانت عائلته تتكون من امه وابوه وخواته الثنتين
عائلته كانت عندهم مثل كثير من العائلات بذاك الوقت كانوا يزرعون خضار ويربون الماشيه في ساحات بيوتهم الخلفيه
ادموند كان يحب يقضي اكثر وقته مع الدجاج والحيوانات الاليفه وكان يعطيهم اسماء ويلعب معاهم وماكان يعرف ان اهله كانوا يربون الحيوانات بهدف الاكل
في هذا الوقت كان ادموند في المرحله الابتدائيه لما ابوه اخذ دجاجتين من مزرعتهم وذب*حهن قدامه ومثل ماقلتلكم ادموند كان يحب الحيوانات ويعتبرهم اصدقائه واكيد كان المشهد صدمه له
بعد اللي صار قدام ادموند صار يمتنع انه ياكل دجاج بعدها بفتره ابوه قرر انه جاء الوقت انه يتخلص من حساسيته ضد الحيوانات وصار يجبره انه يشوفه وهو يقت*ل الحيوانات ومرات كان يجبره انه ادموند يقت*لهن بنفسه
بعد مرور الوقت ومحاولات كثيره من ابوه صار ادموند يتقبل الموضوع هذا ومايسبب له اي حساسيه لكن بعدها صارت مشكله من نوع ثاني
ادموند صار متعود على قتل الحيوانات لدرجه انه راح وقت*ل قطه وماكان متفهم وش الغلط من الموضوع هذا انه قت*ل حيوانات المزرعه شيء عادي وبنفس الوقت قت*ل قطه او كلب شيء خاطئ وماننسى انه حيوانات المزرعه كانوا اصدقائه
لما وصل ادموند سن 9 سنوات ابوه وامه تطلقوا امه اخذته هو وخواته الثنتين تحت رعايتها لانه في القانون الامريكي الام لها حق الوصايه على الاب
امه بعد الطلاق كانت مقهوره وصار عندها كراهيه ضد الرجال وهذي الكراهيه صارت تتفرغ عند ادموند بشكل واضح وصارت تفضل خواته عليه من كراهيتها له خلته ينام ويعيش في قبو البيت
خلال الفتره هذي ادموند بدا يقرا قصص تاريخيه تحكي عن الاشياء الفضيعه اللي كانت تصير في عصور الفايكنغ واحداث الحرب العالميه
مضت السنين واستمرت علاقته بامه تصير اسوء واسوء لحد ماوصل سن 13 سنه وهرب من البيت وراح عند ابوه اللي كان عايش في لوس انجلوس مع زوجته الجديده
ظل ادموند عايش مع ابوه وزوجته عدة اشهر لكن زوجة ابوه ماكان عاجبها الوضع بعدها ابوه ارسله يعيش مع جده وجدته في مزرعتهم اللي تقع بمطنقه بعيده فوق واحد من الجبال
للاسف جدته كانت امرأه سيئه مثل امه وعاملته بنفس السوء اما جده فكانت عنده امراض عقليه ماخلته يصير واعي بأي شيء معظم الوقت
ظل ساكن معهم لمدة سنه ونص لحد مارجع يزور امه اللي صارله سنتين ماشافها، زيارته هذي كانت تجربه من اسوء التجارب اللي خاضها وامه كانت معاملتها اسوء من قبل
لما رجع لمزرعة جده وجدته رجع انسان ثاني تماما رجع انسان حاقد جدا ويبغى يفرغ غضبه بأي شيء
ادموند اخذ بندقية جدته واطلق النار على راس جدته من ورا بعدها لما رجع جده للبيت راح واطلق عليه النار بعد الجريمه ادموند كان يقدر يهرب من المكان ومحد راح يعرف عن الجريمه لفتره طويله بسبب انعزال المكان
لكن اللي سواه اتصل على امه وعلمها باللي سواه، امه قالت له يتصل على الشرطه ويسلم نفسه وهذا اللي صار اتصل بالشرطه واعترف باللي سواه
لما سألوه بعدها عن دافعه وسبب ارتكابه للجريمه ادموند اللي كان عمره وقتها 15 سنه قال كنت ابي اعرف كيف كان شعور اني اقت*ل جدتي اما جدي قت*لته لاني كنت ما ابيه يشوف جدتي وهي مقت*وله
ادموند بسبب صغر سنه تم ارساله لمستشفى عقلي الدكاتره بعد المقابلات والاختبارات اللي اجروها عليه اكتشفوا انه يتمتع بذكاء عالي وانه يمتلك IQ بمستوى العباقره لكنه ايضا يعاني من مرض انفصام الشخصيه
بعد 4 سنوات وبعد كثير من المقابلات والعلاجات مع ادموند الدكاتره وصلو لنتيجة انه ادموند تعافى بشكل كامل وانه بحاله تسمح له بالعوده للعالم الخارجي
القاضي حكم بإعادة ادموند تحت وصاية امه لكن على الاقل ادموند صار رجل بالغ عمره 19 سنه وكان شخص ضخم بمعنى الكلمه طول كان مترين و6 سم
لما دخل ادموند في سن العشرينات كان طموحه انه يشتغل كضابط شرطه لانه كان يشوف انه هذي المهنه فيها نظام والتزام وسجل ادموند الاجرامي تم شطبه من النظام لانه كان قاصر وقت ارتكاب الجريمه
لكن للاسف السبب اللي منعه هو وجود حد لطول ضباط الشرطه فطوله العالي جدا ماسمحله انه يدخل بالمهنه هذي ومع انه ماقدر يصير شرطي لكنه كان يحب يصادق ضباط الشرطه وكان دايم يجلس معاهم بالمطاعم والبارات حتى اصدقائه الشرطه اطلقو عليه لقب Big ED بسبب ضخامته وطوله
خلال هذيك الفتره ظل ادموند عايش مع امه لانه ماكان يقدر يستقل ماديا وظلت النزاعات والجدالات مستمره بينهم هذا الشيء رجع له ذكريات طفولته السيئه وبدأت صحته العقليه تتراجع
خلال الفتره هذي في الستينات والسبعينات كانت فيه عاده منتشره خاصه بين طلاب الكليات اللي هي طلب التوصيلات من اي سياره ماره عشان توصلهم للكليه
ادموند بدأ خياله يشطح لما شاف الشيء هذا وبدا يتخيل نفسه يوصل الناس ويمسك الناس ويقتل*هم خاصه الطالبات بسب علاقته مع امه
وفعلا بدا ادموند يوصل الناس اللي يطلبون توصيلات سواء كانو ذكور او اناث لكنه بعده في هذي المرحله ما انتقل لخطوة انه يختطف او يقت*ل احد منهم
حسب كلام ادموند وصّل 150 شخص معظمهم كانوا طلاب وطالبات قبل ماينتقل للخطوه الثانيه اللي هي الخطف والقت*ل العدد الضخم هذا من التوصيلات سمحله انه يتعود على اي موقف بينحط فيه
كان يسمع عن القصص اللي يتداولها اصدقائه من رجال الشرطه لما يجلس معاهم كانوا احيانا يتكلمون عن قصص البنات المراهقات اللي يهربون من بيوتهم
في 7 مايو سنة 1972 تحولت خيالات ادموند لواقع لما اقلّ بنتين عمرهم 18 سنه البنتين كانوا يبغون توصيله لجامعة ستانفورد
لكن اللي صار اخذهن لمكان معزول وسط الغابه ورمى وحده من البنتين في شنطة السياره واخذ الثانيه وطع*نها وخنقها لحد المو*ت بعدها راح اخذ البنت الثانيه وسوا فيها نفس الشيء
بعد الحادثه هذي بدأت الجامعات تحذر الطلاب والطالبات انهم يطلبون توصيله من الغرباء او على الاقل اذا كانوا محتاجين توصيله يركبون في سياره عليها علامه من الجامعه، الشيء العجيب انه سيارة ادموند عليها علامه من جامعة كاليفورنيا لأن امه تشتغل هناك
في وحده من الجرائم اخذ رأس البنت اللي قت*لها معاه بالسياره وراح لجلسه اجباريه من الحكومه ومع طبيب نفسي ورأس البنات لازال بالسياه والطبيب كان مقتنع ان صحة ادموند العقليه تتحسن وصار في حاله مستقره ومايحتاج يحضر جلسات اخرى
ادموند كان مايقت*ل الا بين العدة اشهر الا انه كان مستمر بتوصيل المراهقات عشان يدرب نفسه ويشوف الناس وش قاعدين يقولون عنه
مافي اي شخص حوله كان يشك فيه ومثل ماقلتلكم كان دائما يطلع مع اصحابه الشرطه ويتكلم معهم عن القات*ل هذا وياخذ ويعطي معاهم ويشوف وين وصلت القضيه والتحقيقات فيها
كان يشوف وثائقيات ويقرا كتب عن المجرمين والقت*له المتسلسلين بس عشان يتعلم من اخطائهم ومايطيح بنفس الاخطاء اللي طاحوا فيها
في يوم 5 فبراير سنة 1973 دخل بمجادله شديده مع امه مره ثانيه وعشان يفرغ غضبه راح وقت*ل بنتين في يوم واحد بعد ما ارتكب جريمته هذي اكتشف ان الغضب اللي يحس فيها تجاه امه على الاغلب هي السبب اللي يخليه يقت*ل
في 20 ابريل سنة 1973 صحى ادموند من النوم على صوت امه وهي تدخل البيت الساعه 4 الصبح راجعه من حفله في هذي اللحظه عرف ادموند ان هذا هو الوقت المناسب عشان ينفذ جريمته
تفاصيل قت*له لامه جدًا بشعه كان واضح انه يبي يفرغ عليها كل غضبه اللي كان متراكم طول السنين اللي مضت
اللي سواه هو راح وجاب مطرقه وضرب راسها ضرب شديد لحد المو*ت بعدين راح وجاب سكين وقطع راسها وطلع لسانها وحبالها الصوتيه بعدها راح وعلق راسها بالجدار وصار يرمي عليه اسهم صغيره وكان طول الوقت يصرخ عليها من الغضب
بعد ماهدت اعصابه قعد يفكر كيف يطلع من الموقف هذا وكيف يفسر ان امه اختفت فجأه فقرر انه يزيف قصه عشان يغطي على الجريمه
كانت خطته انه يّدعي ان امه وصديقتها طلعوا بإجازه طويلة الأمد فأتصل على صديقة امه ودعاها للبيت وقالها ان امه عازمتها على العشاء
لما وصلت صديقة امه للبيت مسكها وخنقها لحد المو*ت لكن على مايبدو بعد ماشاف الوضع والموقف اللي هو فيه حس ان الخطه ماراح تكون مجديه
طلع ادموند من البيت وظل يسوق لساعات خلال هذي الرحله حس ان غضبه ورغبته بالقت*ل وقفت وحياته راح تكون صعبه وهو شخص هارب
فقرر انه يتصل بالشرطه من هاتف عمومي ويعترف بجريمته ويسلم نفسه الشيء اللي يضحك انه الشرطه ماصدقوه بالبدايه وتوقعوا قاعد يمزح معاهم لحد ما طلب انه يكلم واحد من اصدقائه المقربين بالشرطه
وقاله عن تفاصيل الاحداث والجرائم اللي ارتكبها الشرطي ماكان مصدق انه الشخص اللي كان يلقبونه Big ED الشخص الحبوب اللطيف هو نفسه القات*ل اللي يبحثون عنه
فعلا جت الشرطه واعتقلوه وتمت محاكمته على جرائمه وانحكم عليه بالسجن المؤبد
ادموند لازال حي الى يومنا هذا وموجود في وحده من اقوى السجون اللي يحتجر فيها اعتى المجرمين والقتله
هذا مقطع يوضح حجم ادموند وضخامته
لمن يجيد اللغة الانجليزية ، هذه مقابلة معه يتكلم فيها عن تفاصيل جرائمه و طفولته و والدته.
youtu.be
مسلسل Mindhunter موجود في نيتفلكس يناقش شخصيته و امثاله من المجرمين
youtu.be
مسلسل Mindhunter موجود في نيتفلكس يناقش شخصيته و امثاله من المجرمين
انتهى الثريد اتمنى يكون اعجبكم واعتذر على الاطاله ❤️
جاري تحميل الاقتراحات...