رتبها

ادري انك انسان متوهق تبي تحول بي سي وما تدري وش الطبخه ، وش رايك اشرحلك كل شيء بالتفصيل؟ من ناحية إختيار القطع على حسب ميزانيتك، إلخ.. هالثريد بيكون طويل وبشكل تفصيلي ، خلك معانا شوي 🤭

قبل لا نبدأ الثريد هذا حسابي الشخصي و اتكلم عن التقنية وقطع البي سي بشكل كبير
برضو تحصلوني في قناتي في تويتش بجاوب على أسئلتكم
او في الديسكورد خصصنا روم خاص للتقنية و الدعم الفني
discord.gg
twitch.tv

discord.gg/SnzGs7Q

twitch.tv/drazyy

Twitch

Twitch is the world's leading video platform and community for gamers.

اولاً: الغرض من التجميعة
لازم تعرف تحدد انت ليه تبي الجهاز وتفكر لقدام عشان ما تخسر مرتين
هل انت تبيه للعب فقط
او للبثوث وصناعة المحتوى
او للمونتاج
تحديدك للهدف الي تبيه من الجهاز بيوفر عليك فلوس كثير لأن كثير ناس تاخذ اكثر من احتاجها.
وبعطيكم امثله

جهاز قيمنق فقط وش بتكون مواصفاته من وجهة نظري
I5-9600k - RTX 2060 super
جهاز ستريمنيق ولعب في نفس الوقت
Ryzen 3700x - 2070 super
"مافي شي اسمه رايزن افضل من انتل او العكس كلهم كويسين على حسب احتياجك"

اولا وش هي القطع الي احتاجها عشان يكون عندي بي سي كامل
هي كالتالي
Motherboard - اللوحة الام
CPU - المعالج
GPU - كرت الشاشة
PSU - مزود الطاقة
Ram - الذاكرة العشوائية (الرام)
CASE - صندوق الكمبيوتر
HDD - SSD - M.2 وحدة التخزين

الأشياء الاضافيه الي ممكن تحتاجها
RGB Strip
Cable sleeve
Zip ties
Fans
Mouse
Keyboard

نبدأ بقلب الجهاز وهو المعالج
اختيارك للمعالج بناء على ميزانيتك والشي الي انت بتسويه
لو نقول انت بس بتلعب وديسكورد وشغل خفيف وتبي كل
فريم ومعرق العاب خذ معالجات انتل منها
لو تبي تبث وتلعب في نفس الوقت افصل خيار لك بيكون معالجات رايزن
طبعا لكل قاعده شواذ واحتياجات كل شخص تختلف

I7-8700k ممتاز جدا للعب و البث ومعالج جبار الى اليوم مع انه من الجيل الثامن
I5-9600k معالج ممتاز لتجميعات المتوسطه واذا كسرت سرعته بتطلع باداء ممتاز
I9-9900k المعالج الوحيد من الجيل التاسع الي فيه هايبر ثريدنق وينفع للبث واللعب والمونتاج بس موجه للالعاب و والريندر اكثر

I5-10600k هذا المعالج الى تاريخ اليوم اشوفه ضربة قوية لرايزن لان المعالج صار يوفر اشياء كثيره وممكن اقول اول مره يكون عندهم معالج متوسط ينفع للبث واللعب في نفس الوقت
I7-10700k هذا المعالج هو كويس وبرضو فيه هايبر ثريدنق بما انه من الجيل العاشر وينفع للعب و المونتاج بس في بدائل 9

في معالجات استثنيتهم مثل الـ
I9-10900k لان الفرق بينه وبين اخوه في الجيل السابق تافه وما يستاهل الفرق
I7-9700k لان مافيه هايبرد ثريدينق واشوف اخوه i78700k افضل للمدى البعيد حتى لو ناوي تبث عليه بيكون افضل
I5-9400f معالج اشوفه سيء مقارنة سعره بالمواصفات وفي بديل له ممتاز من رايزن

برضو تقدر تاخذ نفس المعالجات هاذي بس بدون الـ(k) اذا انت مو راعي كسر سرعه لان للاسف كثير يطيحون في هذا الغلط وياخذ معالج ومذربورد قابل لكسر السرعع ولا يكسر لو توفر فلوسك، في قطع ثانيه افضل من انك تشتري شي ما راح تستخدمه وتستفيد من طاقته كامله

نجي لمعالجات رايزن الي ارشحهم واشوفهم حاليا متفوقه على انتل في السعر والمواصفات مع التضحية بكم فريم مقابل اداء حتى في اقل المعالجات سعر بس انه يعطيك اداء تقدر تبث وتلعب وتمنتج وانت مرتاح بسبب الملتي تاسك في معالجات رايزن عكس انتل

R5 3600 معالج السنه بلا منافس الارخص والاقوى في فئته معالج لاي شخص جديد محول بي سي مع ان سعره تقريبا 700 ريال (على حسب وين تحصله( الا انك تقدر تبث وتلعب فيه بدون مشاكل وازيد على ذلك تقدر تركب عليه 2080 سوبر بدون عنق زجاجه

R7 2700x
هذا بسميه معالج الايدوترز صحيح انه من الجيل الثاني الا انه شعبيته الى الان مستمره معالج قوي وكثير مصممين يستخدمونه لسعره المتوسط مقابل اداء ممتاز

R7 3700x تبي تبث وتلعب من نفس الجهاز بنصحك على طول بهذا المعالج مافي خيار ثاني ينافسه الحين الى i5-10600k بس شخصيا بختار الرايزن

R7 3800XT
المعالج الوحيد الي اخترته من فئة XT ولو انا الفرق بسيط لاكن تقريبا بفارق سعر بسيط وهو الوحيد الي فرق 200Mhz الباقي ما يستاهلون الفرق.

R9 3900x
يا حبيبي لا تقول i9 بلا هم هذا هو المعالج الي تاخذه بتضحي ب 10 الى 25 بالكثيررر في الالعاب
لاكن في الكفة الثانيه انت كسبان 50% واعلى في الملتي تاسكينق و المونتاج وغيرها
وهو احد معالجين ارشحه بدال ما تاخذ جهازين واحد للبث وواحد للعب

ثانياً: اللوحة الأم Motherboard
اختيارك للوحة الأم يعتمد على مواصفات معينه هذا اهمها:
- توافق المعالج مع المذربورد
- سرعة الرامات الي تدعمها المذربورد وسعة التخزين
- عدد مداخل الـ M.2 و الـ SATA
- قابلية التطوير لمعالج من جيل قادم او لا
- حجم المذربورد وتوافقه مع حجم الكيس

التوافق:
كل مذربورد تدعم جيل معين من المعالجات مثلا
Z390 - تدعم الجيل الثامن والتاسع من معالجات انتل
B450 + X570 الجيل الثاني و الثالث و احتمال كبير تدعم الجيل الرابع من معالجات رايزن
تأكد وقت بحثك للوحة الام انك تختار وحده تتوافق مع معالجك

سرعة الرامات و سعة تخزينها
في مواصفات اللوحة الام يكتب لك مثلا :
ان اللوحة تدعم الى 2666 كاقصى حد سرعه لا تغلط وتاخذ رام اسرع لانك ما راح تستفيد من السرعه الزايدة
وبرضو سعة التخزين بعض اللوحات يكون اقصى حد لها 64G من الرام ما تقدر تركب اكثر كون حريص في اختيارك.

مداخل الـ SATA الي تستخدمهم عشان تشبك الهارديسك سواء كان HDD او SSD
ومداخل الـ M.2 كذلك وهي تعتبر الاسرع حاليا
عشان كذا لازم تعرف كم مدخل موجود في اللوحة عندك لو كنت من الناس الي يستعملون هارديسكات كثيره وتحتاج مساحة تخزين

واخيرا حجم اللوحة الأم
هي تجي باحجام مختلفه اشهرها والاكثر استخداما ATX بس حط في بالك اختطارك لحجم اللوحة يعني اختيار لحجم الكيس
لو كان الكيس مثلا mini-itx ما تقدر تركب فيه مذربورد ATX
بس لو كيس كبير وبتركب رةفيه مذربورد صغير عادي ينفع
الاختيار راجع لك في الحجم

ثالثا: كرت الشاشة GPU
وعندك اشهر شركتين في تصنيع كروت الشاشه :
NVIDIA
AMD
الى الان نيفيديا متفوقه بمراحل على كروت ريديون من شركة AMD لانها تدعم الـRay tracing ومشاكلها اقل بكثير من كروت الريديون المعروفه في مشاكلها في السوفتوير و الكراشات
الافضل لك هي NVIDIA بلا منافس الى الان

اختيارك للكرت لازم يكون بناء على ميزانيتك اولا
ثانيا التوافقيه مع المعالج عشان ما يجيك (عنق الزجاجة)
عنق الزجاجة هو انك كرت الشاشة يكون اقوى من المعالج الي يصير ان الكرت يطلع صور بس المعالج ما يلحق يعالجها لانه ضعيف
وللأسف كثير ناس تطيح في هذا الخطأ بالذات في التجميعات الجاهزة🚫

وش افضل كرت للالعاب؟
للاسف مافي جواب صح او خطأ كل شخص احتياجاته والعابه تختلف بس بحط لكم الاولوية من الاقل الى الاعلى وبعدين بقول وش اختياري الشخصي
GTX 1650 super
GTX 1660 super
GTX 1660 TI
RTX 2060 super
RTX 2070 super
RTX 2080 super
RTX 2080 TI

تبي تلعب او تبث او تمنتج ما يهم شوف ميزانيتك وش تسمح وخذ واحد من الثلاثه ذول :
RTX 2060 Super
RTX 2070 Super
RTX 2080 Super
واذا مره فلوسك زايده خذ:
RTX 2080 TI
طبعا لو ميزانيتك محدوده وتبي بس تلعب انزل الى
GTX 1660 Super
حاول قد ما تقدر ما تاخذ 1650 super اذا تبي اداء كويس

عند شرائك للكرت بتشوف الكرت من شركات مختلفة مثل Asus او Gigabyte وغيرهم خذ من اي شركة من الشركات المعروفه لان الكرت هو نفسه الفرق فقط في نوع التبريد و كسر سرعة الكرت من الشركات وكسر بسيط
بس لا تاخذ من الشركات غير المعروفه
الي انصح فيهم:
ASUS
GIGABYTE
EVGA
MSI

ونقطه اخيره للتذكير عند شرائك لتجميعه mini-itx او micro تأكد من طول وعرض الكرت الي بتاخذه عشان يركب في الكيس الصغير

رابعا: اختيار الذاكرة العشوائية RAM
شرحت اهم نقاط الرام قبل بس اضافة:
- تاكد من ارتفاع الرام اذا بتشتري مبرد هوائي كبير او كيس mini-itx
لو كان الكيس ATX الحجم العادي ما عندك مشكلة
- لا تشتري نوعين رامات مختلفه او سرعات مختلفه لانها في الاغلب ما راح تشتغل
- اقل شي للالعاب 16g.

خامسا: موزع الطاقة PSU
اكثر قطعه مهمة ولا تسترخصها لان ممكن جهازك يروح لو اخذت نوعية رديئة
الاشياء الي تركز عليهاة :
- مقدار الكهرب الي يحتاجه جهازم عشان تعرف كم واط تاخذ باور سبلاي وتقدر تعرف من هنا pcpartpicker.com حط قطع جهازك ويحسب لك استهلاك الطاقه

pcpartpicker.com

خلنا نقول استهلاك الطاقة 350
خذ باور سبلاي 550 واط بيكون كافي وحط في بالك لو ناوي تكسر السرعه تاخذ اعلى من كذا برضو
- خذ باور سبلاي من شركة معروفه
EVGA
CORSAIR
ASUS
Panasonic
Thermaltake
- خذ باور سبلاي متوافق مع حجم الكيس
- واخيرا خذ باور سبلاي معه شهادة طاقة 80+bronze اقل شي

سادسا: اختيار صندوق الكمبيوتر PC Case
- قبل تاخذ كيس شوف عنه مقطع يوتيوب وتاكد ان مجرى الهواء فيه كويس وهذا اهممم نقطه.
- تاكد قبل تاخذ الكيس انه يدعم حجم المبرد الي بتاخذه وبيكون مكتوب في المواصفات مثلا انه يدعم ريديتر 360 او لا
-حجم الكيس يتوافق مع اللوحة الام
- الشكل اختياري

في كيسات تدعم انك تركب فيها جهازين لو كنت بتستعمل جهاز للعب وجهاز للبث منفصلين عن بعض

سابعا : وحدات التخزين
وهي ثلاث انواع
M.2 و SSD و HDD
M.2 وهي الاسرع حاليا ونزل سعرها مقارنة بالسابق ويفضل انك تاخذها تثبت عليها النظام
والبرامج الاساسيه
SSD : اقل سرعة من السابقة وفي الاغلب تستخدم لتخزين الالعاب لسرعة اقلاعها

واخيرا الـ HDD الارخص في السوق والحلو فيه يجي بسعات تخزينية كبيرة حلو للناس الي تحمل افلام وتحفظ ملفات كثير بشكل عام

اهم شي يكون في جهازك :
M.2 256G للنظام على الاقل
و 1TB SSD او 1TB HDD
بيكون كافي للنظام والالعاب والبرامج الاساسيه

ثامناً : تبريد المعالج CPU Cooler
طبعا هنا تجي الفلسفه هل التبريد المائي افضل من الهوائي؟
الجواب لا في مبردات هوائية بكفاءة المائية لاكنها بتكون مزعجه نسبيا وتقدر تكسر السرعه عليها
اذا ناوي تكسر السرعه تاكد انك تاخذ مبرد من شركة كويسه (يفضل) يكون مائي

عندك اختيارك للمبرد تاكد من :
- ارتفاع المبرد اذا الكيس صغير
- خذ مبرد من شركة معروفه عشان ما يسبب لك تسريب او ترسبات اذا كان مصنوع من مواد مو كويسه
- تاكد من حجم المبرد مع حجم الكيس اذا في توافق
- تاكد ان المبرد الي بتشتريه يجي معه قطع للنوعين من المعالجات انتل ورايزن.

هنا بوقف الثريد لاكن له تكملة قريب بس كذا اكون غطيت كل القطع الاساسيه للبي سي
التكملة بتكون على القطع الثانوية والاكسسوارات وبسوي لستة تجميعات وانزلها لكم في هذا الثريد♥️
🚫تنويه: الباور سبلاي Seasonic مو Panasonic.🚫

Twitch

التصنيفات

المزيد من هذا الكاتب

مواضيع ذات صلة

الأكثر اعجابا

Twitch

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد