بإذن الله بكره على رواق أطرح طريقة مبسطة باستخدام المتوسطات للمضاربة أو الاستثمار .. الطريقة الأصل إنها موجهة لقليلي الخبرة بالأسهم لمساعدتهم بالتداول .. لكن لا مانع من استخدامها للمحترفين لأنها ممتازة جدا .. ليش بكره ؟ لأن ودي أطرح أمثلة مصورة من الشارت تثبت نجاحها. #تاسي_تداول
المعذرة على التأخير .. انشغلت أمس .. ما راح أطول عليكم .. الاستراتيجية بإذن الله راح تكون باستعمال متوسطين عبارة عن متوسط بسيط 5 + متوسط بسيط 20 .. تقاطع المتوسط ٥ باختراقه لمتوسط ٢٠ يعطينا دخول .. وكسر متوسط ٥ لمتوسط ٢٠ يعطينا خروج .. هذي الطريقة باختصار شديد
طبعا راح يستعمل المضارب المتوسطين بفاصل ساعة وأقل .. هو واحترافيته وسرعته في تنفيذ الصفقات سواء كان مضارب لحظي أو مضارب على امتداد جلستين ثلاثة .. أما المضارب على المدى المتوسط هذا يقدر يستعمل الفاصل اليومي وقد ينفذ صفقات خلال اسبوع إلى ثلاث أسابيع للسهم الواحد حسب انطلاقة السهم
أما المضارب بعيد المدى بإمكانه استعمال الفاصل الأسبوعي .. وهذا قد يتطلب تنفيذ صفقاته من شهر إلى ثلاث شهور وربما أكثر.
بعد تركيب المتوسطين على الشموع اقرأ مسار السهم السابق وتشوف نجاح الاستراتيجية .. إذا شفت السهم ناجح استمر معه .. وإذا شفت الاستراتيجية تعطي إشارات خاطئة اترك السهم
لأن بعض الأسهم اللي مدى تذبذبها كبير مثل أسهم المضاربة خفيفة الوزن تواجه الاستراتيجية صعوبة في مواكبة هذه الحركة السريعة .. كذلك في مرحلة التذبذب العرضي للسهم حاول تبتعد عنها إلا إذا كنت مضارب لحظي أو قصير المدى.
نبدأ بالأمثلة ..
هذا مثال لسهم #الورق أعطانا دخول عند ٢١,٦٠ ريال وأعطانا خروج عند ٢٦,١٠ ريال بربح ٤.٥ ريال بالسهم.
هذا مثال لسهم #الورق أعطانا دخول عند ٢١,٦٠ ريال وأعطانا خروج عند ٢٦,١٠ ريال بربح ٤.٥ ريال بالسهم.
وهذا مثال لسهم أيان "الأحساء" أعطانا دخول عند ١٠,٣٠ ريال والان واصل السهم ١٣ ريال وما أعطانا خروج مازال فيه خير.
وهذا سهم #STC أعطانا بحدود ٨ ريال بالسهم.
وهذا مثال لسهم #اليمامة كيف أنقذتنا الاستراتيجية بخروجنا عند ٢١,٥ ريال من خسارة مقدارها ٦,٥ ريال تقريبا.
وهنا اليمامة ماشاءالله أعطانا ٥ ريال تقريبا بالسهم.
هذا مثال على فاصل الساعة لسهم زجاج أعطانا دخول عند ١٩ ريال والان السهم عند ٢١,٥ ريال وعلى مقربة يعطينا خروج.
الجميل كذلك على المؤشر العام يعطيك دخول وخروج موفق.
أخيراً عزيزي المتداول قبل تفعيل الصفقات لا تنسى الرجوع للبيانات التاريخية للسهم وقراءة حركة المتوسطين .. مثل هذا البحث والتمعن يعطيك معرفة وإلمام بالسهم ويجعلك متمكن فيه .. وقد تستعمل هذه الاستراتيجية في سهم واحد وتتوفق معه ولا تحتاج تضارب في سهم آخر طالما انت متمكن في هذا السهم
الطريقة هذي جدا آمنة وبسيطة مافيها تعقيد .. وضعتها عزيزي المتداول قليل الخبرة من أجل إبعادك عن زحمة الدورات وفوضى المؤشرات والاستراتيجيات وتعقيداتها .. لكن هذا لا يمنع في أوقات فراغك من تطوير نفسك والتعلم أكثر وأكثر
بإمكانك الان التداول والاعتماد على نفسك .. معد تحتاج توصيات لا من فلان ولا علان .. انت بنفسك اللي تختار السهم وتقرر متى تدخل ومتى تخرج .. فالك التوفيق والرزق الوفير .. لا تنسانا من دعاءك .. أخوك عبدالله الجهني.
@Rattibha هاي سيري
جاري تحميل الاقتراحات...