ثريد اليوم عن قطط كبيرة شوي. بس حلوين كثير وما اتوقع في حد ما بعجب بشكلهم بس يشوفهم.
هم من أكبر المفترسين عالارض ومن أقواهم واكبر من الأسد حتى.
**النـمور**
وانا خدرت اسود بحياتي اكتر من البسس بس عمري ما كنت خايف قد لما خدرت نمر.
هم من أكبر المفترسين عالارض ومن أقواهم واكبر من الأسد حتى.
**النـمور**
وانا خدرت اسود بحياتي اكتر من البسس بس عمري ما كنت خايف قد لما خدرت نمر.
النمور بتحمل ٣ شهور ونص و بالعادة بتجيب من واحد لاثنين بس في حالات جابت سبع اشبال. وبنولدو عيونهم مسكرة لحد ما يصير عمرهم ١٠ إيام. ومن عمر ٣ شهور بكونو مفطومين وببداو ياكلو لحوم. وبضلهم مع امهم من سنة لسنتين قبل ما يستقلو.
والنمور تعتبر حيوانات مفترسة وصيادة من الدرجة الأولى لكن ما بتصيد الا للحاجة على عكس الذئاب الي ممكن تصيد حيوانات زيادة عن حاجتها. عشان هيك النمور يعتبرو من أهم الحيوانات في الحفاظ على النظام البيئي بالأماكن الي بعيشو فيها.
المميزات الي عندهم حتى تخلهيم من أكثر الحيوانات المفترسة هو طول انيابهم. عندهم أطول انياب بكل فصيلة القطط وبوصل طولهم ل ٨ سم. وممكن يوصل طول مخالبهم ل١٠ سم. وغير هيك جسمهم في كتلة عضلية كبيرة. اكبر نمر وصل وزنه ٤٠٠ كيلو وكان طولو ٣ متر.
النمور يعتبرو من القطط الي عندهم كثير أصوات. الزئير تاعهم كثير عالي وممكن نسمعو من بعد ٣ كم. وعندهم صوت مميز اسمو chuffing زي الموجود بالفيديو. هالصوت بطلع بالعادة كترحيب من النمور او انهم رايقين يعني.
وهم يعتبرو حيوانات خجولة شوي وانطوائية، بتفضل تكون لحالها. دايما الناس بتتضايق من هاي الشغلة بس تيجي عالمحمية. لكن هاي طبيعتهم والفكرة من المحميات انو نشوف الحيوانات بسلوكها الطبيعي لكن ضمن إجراءات السلامة.
والنمور من فصائل القطط القليلة الي بتحب المي وبتحب تسبح. عشان هيك عندهم خاصية مميزة كمان باجريهم انو صار في بين أصابعهم زي غشاء يساعدهم عالسباحة نفس مبدأ البطة.
ليش النمور مخططة؟
الأماكن الي بتعيش فيها النمور هي أماكن فيها نباتات كتير واعشاب و النمر حيوان صياد. فالخطوط هاي بتساعد كتير بالتمويه.
الأماكن الي بتعيش فيها النمور هي أماكن فيها نباتات كتير واعشاب و النمر حيوان صياد. فالخطوط هاي بتساعد كتير بالتمويه.
عنجد لعاب النمور في مواد معقمة للجروح؟
الجواب هو صح وغلط بنفس الوقت. اول اشي مش بس النمر عندهم هاي الشغلة. كتير حيوانات عندهم اياها زي الكلاب والقطط والقوارض والخيل. بس هو ما بشتغل كمعقم. الفكرة هي انو في بلعابهم انزيمات معينة موجودة بشكل اكبر من الموجود بلعاب الإنسان.
الجواب هو صح وغلط بنفس الوقت. اول اشي مش بس النمر عندهم هاي الشغلة. كتير حيوانات عندهم اياها زي الكلاب والقطط والقوارض والخيل. بس هو ما بشتغل كمعقم. الفكرة هي انو في بلعابهم انزيمات معينة موجودة بشكل اكبر من الموجود بلعاب الإنسان.
وهاي الانزيمات مش سحر. اول اشي هي بتشتغل على انواع محددة وقليلة من البكتيريا، وما بتقتلها هي بس بتبطئ نموها لحد ما الجسم يقدر يقاوم ويعالج الجرح. لانو كمان فم الحيوانات مليان بكتيريا ضارة وسيئة. حتى لما جربو انو بسة تلحس جرح لانسان التهب مكان الجرح وصار اسوء.
شو بالنسبة للنمر الأبيض؟
النمور البيضاء هو عبارة عن طفرة جينية وصار لونهم ابيض بدل برتقالي. وهي بالعادة بتصير ١ من كل ١٠ الاف نمر. وما بعيشو كتير بالطبيعة لانو قدرتهم عالتمويه راحت. عشان هيك اغلبهم بنشوفهم بالاسر.
النمور البيضاء هو عبارة عن طفرة جينية وصار لونهم ابيض بدل برتقالي. وهي بالعادة بتصير ١ من كل ١٠ الاف نمر. وما بعيشو كتير بالطبيعة لانو قدرتهم عالتمويه راحت. عشان هيك اغلبهم بنشوفهم بالاسر.
اخر اشي في معلومة حكالي عنها @majdjoubi.
طلعنا كل عمرنا بنعرف اسم النمر غلط. النمر هو حيوان الي بكون جلدو مرقط زي الفهود اما الببر هو الاسم الصحيح لهالحيوان.
طلعنا كل عمرنا بنعرف اسم النمر غلط. النمر هو حيوان الي بكون جلدو مرقط زي الفهود اما الببر هو الاسم الصحيح لهالحيوان.
ثريد خفيف لطيف عن حيوان كثير حلو اتمنى يكون عجبكم.
الثريد الجاي راح يكون عن الطيور بما انو نسبة كبير من الناس طلبته. ❤️❤️
الثريد الجاي راح يكون عن الطيور بما انو نسبة كبير من الناس طلبته. ❤️❤️
جاري تحميل الاقتراحات...