(ثريد)لم نكن نعلم:
قصة واقعيه من ضواحي الخرطوم..
.
.
⭕ تحذير ⭕ لو ما بتستحمل ماتشغل الميديا المرفقة وهي اصوات للتقريب فقط⭕.
.
ما حأذكر اسم المنطقة لكن في حي من احياء الخرطوم
.
⭕ رتويت ⭕ رتويت ⭕
قصة واقعيه من ضواحي الخرطوم..
.
.
⭕ تحذير ⭕ لو ما بتستحمل ماتشغل الميديا المرفقة وهي اصوات للتقريب فقط⭕.
.
ما حأذكر اسم المنطقة لكن في حي من احياء الخرطوم
.
⭕ رتويت ⭕ رتويت ⭕
انا اسمي ندى وحياتنا كانت عادية جدا وزينا زي باقي الناس لحدي ما فيوم حصلت حاجة وعيشتنا فترة بتاعت رعب سببت لينا مشاكل نفسية.
كان عندي اخين واخت واحدة اكبر مني وكانو قاعدين مع اهلنا ولمن جيت انا للجامعه جات معاي امي وقررنا نرحل ف بيت برانا. ولقينا بيت واجرناهو ورحلنا وعدينا الاسبوع الاول بسلام والتاني برضو وبدت تحصل لينا حاجات غريية ف الاسبوع التالت او بالاحرى يادوب بدينا نركز انو في شي ماطبيعي.
كنا بنصحى بليل على صوت التلفزيون ف الصالة اشتغل براهو ونلقى التلاجة مفتوحة الصباح والشبابيك مفتوحة وحاجات بتختفي من البيت وكنا قايلنو جانا حرامي ف الاول لكن الموضوع بدا يزيد ويزيد لدرجة انو بنسمع صوت واحد بيجري ف الممرات بنطلع ما بنلقى شي؟
يوم من الايام اخوي عايز يعمل اندومي فا سخن الموية ف السخان ووقعت منو ف الارض ففجأة سمعنا صوت صرخة قوية شديد!.!صوت حاد حق بت زي المتألمة وبعديها صوت جري سريع... من قوتو كلنا طلعنا من غرفنا جينا جاريين على المطبخ.
لقينا اخوي واقع ف الارض وعيونو مافيها سواد حاجة بس بيضاء وبيرجف وهو حاضن نفسو وبيتكلم كلام ما مفهوم نحن بنكفت فيهو وهو عيونو بيضا وبيتكلم كلام غريب فجاة رجع وجرا نفس وبقا قاعد وحاضن رجولو وبقول والله (ماكنت قاصد والله ماكنت قاصد حيأذونا!! ).
ونحن لسة مستغربين وانت مالك ودا شنو الصوت دا. وهو ماراضي يتكلم وكل شوية بعيد الجمله. دخلوهو غرفتو وامي قرت عليهو قران لحدي ما نام. وياريت اليوم داك انتهى بخير.
الساعه واحدة بليل سمعنا امي بتصرخ من جوا غرفتا جرينا كلنا عليها لقينا منظر غريب غريب غريب شديد. لقينا اخوي خانق امي وبطريقة غريبة وهو بعاين ليها وعيونو بيضا وبيتكلم كلام غريب والحاحة البتخوف انو اخوي دا ضعيف ما بالقوة البجنيه البيقجر بس من خنقة يرفع امي من الارض!!
جا اخوي وضربو وبقينا كلنا ماسكنو وبنقرا ف قرئان وكل ما بنقرا هو بيصرح زي الدمو بيخلي وطالعه منو حرارة غريبة لحدي ما عرقنا منها فجاة كدة هدا وبقى يقولينا مالكم متلمين فيني فكوني وانا الجابني اوضة امي شنو زاتو؟؟؟
اتضحى انو الوقت الكان كبا الموية الحارة ف الارض ظهر ليهو جن وهددو انو يا يطلعو من البيت يا اما يعذبونا. خفنا ف البداية لكن مجبورين دقينا لابوي فنص الليل وحكينا لي باي شي حصل وقال تمام انا حاكلم عمكم يفتش ليكم بيت تاني.
تاني يوم ما حصلت حاجة لكن لسة سامعين صوت الجري وبقت تظهر ف الضلام خيالات سوجا بتتحرك جوا الغرف اليوم داك كلو كنا فاتحين قران ف التلفزيون وفي راديو وفي جوالاتنا وعدا بسلام.
تالت يوم حصلت الحاجة الاغرب من الخيال. فجاة كدة اي شي بدا يحرق؟. بتكون شايف السرير فنص الحوش ماجمبو اي شي فجأة تقوم فيهو نار؟... ياخي الاغرب من كدا الماسورة حقت الموية ف الحوش. فجأة قامت فيها نار!! ماسورة حقت موية! وبيقت الحلة كلها تطفي وكل ما يطفو نار تقوم نار ف حته تانية.
لحدي ما ما فضل ولا شي من البيت والاغرب من كدا انو الجزو التاني من البيت الما مؤجرنو نحن مافيهو ولا نقطة نار والعفش زي ماهو الحمد لله اما الجزو بتاعنا نحن فبقى عبارة عن رماد مافيهو اي شي.
وصلو اهل البيت وجا شيخ يقرا قرآن ورجعنا لأهلنا الكنا معاهم لحدي ما لقينا بيت تاني ورحلنا فيهو بس اخوي عدا فترة ما طبيعي وكان بكون ماواعي بنفسو وبيتحرك بليل كتير مرات بنلقاهو ف غرفة تانية نايم مرات بنلقاهو نايم ف الحمام وبعج جلسات كتيرة الحمد لله كان مس وراح منو وهسي الحياة رجعت.
وانتهي الثريد لحدي هنا ياريت يكون عجبكم🙏❤️.
.ماتنسى تقول بسم الله قبل ما تكب موية حارة ولا ترمي قزاز لمصلحتك
.
لايك و⭕ رتويت لو عجبتك القصة⭕
.
ولو عندك قصة حابي تشاركا مع الناس رسل لي DM.
.
ولو بتحب النوع دا من القصص تابعني. لو ما بتحبها زاتو تابعني🚶♂️🔥.
.
وشكرا❤️❤️❤️❤️
.ماتنسى تقول بسم الله قبل ما تكب موية حارة ولا ترمي قزاز لمصلحتك
.
لايك و⭕ رتويت لو عجبتك القصة⭕
.
ولو عندك قصة حابي تشاركا مع الناس رسل لي DM.
.
ولو بتحب النوع دا من القصص تابعني. لو ما بتحبها زاتو تابعني🚶♂️🔥.
.
وشكرا❤️❤️❤️❤️
جاري تحميل الاقتراحات...