#صمم_بفن 🌿✨
ايش سبب توقف الأفكار؟ مشكلة تواجه الكثير من التخصصات الي تتطلب ابداع وأفكار جديدة سواء رسم تصميم كتابة .. وما الى ذلك، لكن هنا حأتكلم بشكل خاص عن المصممين، خلونا نشوف ايش اسباب وحلول توقف الأفكار والابداع عند المصممين 👏🏼
ايش سبب توقف الأفكار؟ مشكلة تواجه الكثير من التخصصات الي تتطلب ابداع وأفكار جديدة سواء رسم تصميم كتابة .. وما الى ذلك، لكن هنا حأتكلم بشكل خاص عن المصممين، خلونا نشوف ايش اسباب وحلول توقف الأفكار والابداع عند المصممين 👏🏼
أول شي تسمى توقف الابداع أو " block creative " وهيا الحالة الي تمر عليك ما تقدر تنتج فيها أي افكار ابداعية وممكن توصل الى مرحلة توقف تام عن انتاج الافكار وتحس انك ماتقدر تبدع او تطلع فكرة .. وهيا حالة طبيعية انك تمر فيها لا تحس انك لازم تخرج من المجال أو انك محا تقدر تبدع! ⏬
هذي الحالة ممكن تجي بشكل لحظي او على فترات طويلة وهذا يعتمد على المشكلة الأساسية او السبب ويختلف تعامل كل شخص مع هذي الحالة ☑️، حأعطيك بعض الاسباب الي ممكن تسببلك هيا والحلول جربها وان شاء الله حتفيدك 🤩💪🏼
1️⃣ قلة التغذية البصرية: دائما اطّلع على اعمال الفنانين والاعمال المجنونة عشان تبتعد عنها 🌿، بالنسبة ليا اشوف هذا اكبر عامل للكرييتف بلوك! لأنها زي التمرين كل م كان عقلك متعود ع افكار مجنونة ورهيبة بيكون سهل عليه ينتج فكرة عن أي موضوع والعكس صحيح 👌🏼
لذلك بشكل دوري وشبه يومي خليك على اطّلاع بالفنانين بقولك شغلة حلوة هنا 🤩
استغل حساب الانستجرام فيه خاصية الاكسبلور وخاصية متابعة الهاشتاقات وحدد مجالاتك الي متخصص فيها وتابعها وخليك متابع للأساليب الجديدة 😍👏🏼
الطريقة:
-ابحث عن الهاشتاق
-تابعو ويظهرلك تلقائي مع الي تتابعهم ☑️
استغل حساب الانستجرام فيه خاصية الاكسبلور وخاصية متابعة الهاشتاقات وحدد مجالاتك الي متخصص فيها وتابعها وخليك متابع للأساليب الجديدة 😍👏🏼
الطريقة:
-ابحث عن الهاشتاق
-تابعو ويظهرلك تلقائي مع الي تتابعهم ☑️
2️⃣ الافكار الهائلة والأعمال المستقبلية: عندك خطط كثير للمستقبل ومشاريع أكثر وماسك أعمال اكثر واكثر وتحس إنك مو قادر تجمّع من كثر الاشياء الي في عقلك وتوصل مرحلة ما تقدر تطلع فكرة ولا حتى تنفذ عمل ولا تقدر تسوي شي لانو في عقلك كل شي 🤦🏼♀️، طيب ايش حلها 👀؟
هنا عزيزي المصمم اقفل كل شي وافتح ملف في جهازك وسجل كل افكارك ومشاريعك الي في عقلك وحدد منها المهم الي يتنفذ الآن والي مهم لكن مو الآن والي ممكن اذا لقيت وقت تنفذو ورتب أمورك وارجع افتح شغلك ثاني وبتلقى انو صار في مساحة لتفكيرك الحر ينطلق ويبدع 😍👌🏼
3️⃣ الاجهاد والارهاق: في هذي النقطة تكون قليل النوم كثير العمل ويجيك طلب تصميم يتطلب فكرة رهيبة وحل مشكلة لكنك تحس انك تشوف فراغ❗
هنا ضروري ولازم تفرغ وقتك وتبعد عن جهازك وتسوي طقوس استكنان 😌✨ وترتاح راحة كاملة وتاخذ كفايتك من النوم والنوم والنوم وبعدها عقلك بيكون جاهز لاعطاءك افكار وحلول ما كنت تقدر تطلعها من قبل 👏🏼
4️⃣انحصار الفكرة: بالمجمل معناها إنك تحصر نفسك بفكرة وحدة فبالك ومهما حاولت تنفذها او تشتق منها ماينتج معاك شي الين تفقد الأمل 💔 إيش الحل هنا ي رشا 👀؟ هنا الاجابة الي دايما تسمعوها فكر خارج الصندوق
فكرتك هنا هيا الصندوق الي حصرت نفسك فيه امسك ورقة وقلم واكتب كل حاجة متعلقة بالموضوع اشتق أكثر من فكرة حتى لو خيالية حتلقى انك طلعت مجموعة افكار بعيدة عن الفكرة الأولى الي حصرت نفسك فيها حدد الافكار الي اعجبتك اكثر وابدأ نفذها 👌🏼
الاسباب ممكن تكون كثير والحلول أكثر لكن تجتمع كلها في نقطة إنها حالة كانت سبب فإن كثير يخرجو من المجال أو انهم اتأخرو في مواكبة التطور، لا تضغط على نفسك خلي وقت للعمل ووقت لنفسك واستكنانك 😌✨
أخيراً اتمنى انكم تكونو استفدتو في هذا الثريد من #صمم_بفن 🌿✨ عن ايش سبب توقف الافكار، وانكم تتعاملو مع أسبابها بشكل أفضل 😌💪🏼
جاري تحميل الاقتراحات...