أبني كان بينسي يشحن موبيله قبل ما أنام أخدته حطيته يشحن
صحي الصبح مبسوط أوي و قعد يشكرني تاني يوم برضه نسي ،شحنته له ، قالي شكرآ يا بابا ،،
تالت يوم ،، نمت بدري و ما شحنتش له الموبايل بتاعه ،، صحي متضايق و زعلان و بيعاتبني لية ماحطتيش الموبيل علي الشحن ينفع كده ؟

رتبت سرير بنتي كام يوم بدلها ، بطلت ترتبه هي خااالص ،، حتي لو مش تعبانة او مش مشغولة .
عودت صاحبي إني أتصل بيه أتطمن عليه ، في يوم تعبت و ما سألتش عليه ، زعل وقال لي ما إتصلتش بيا ليه ،
إستحملت زميلي ساعة غضبه ،، بقي العادي بتاعه إنه يتعصب عليا .

صديق ورث هو و إخواته عمارة بيقتسموا إيجارها ، ساب حقه لإخواته كام شهر و أما إتزنق شهر و حب ياخد إيجارها شهر واحد ،
بصو له ب إستغراب ، و كان لازم يحكي تفاصيل زنقته عشان ياخد حقه .
و..و....و....و.....حكايات كتير .نفس النظام .....

كل إللي يجي علي نفسه ويفضل غيره عليه ويشيل عنه ،،، لازم يفضل كدة أو هيبقي وحش .....
أوقات بنتنازل علي حقوقنا لحد ما الأخرين يفتكروها حق مكتسب
منقول #حقيقه