هو يعني ((سياسة البنك الدولي)) أو ((روشتة البنك الدولي)) حاجة كعبة جدا ونحن مفروض نرفضا بالمجمل ؟؟
-
سياسة البنك الدولي بتقول أنه الدول مفروض تقلل الدعم السلعي وتنفق على قطاعات إنتاجية وتوجه الدعم للمحتاجين الحقيقيين .. شنو الغلط في الكلام ده ؟؟
-
-
سياسة البنك الدولي بتقول أنه الدول مفروض تقلل الدعم السلعي وتنفق على قطاعات إنتاجية وتوجه الدعم للمحتاجين الحقيقيين .. شنو الغلط في الكلام ده ؟؟
-
السودان حاليا مديون حوالي 58 مليار دولار .. وعشان يعفو ليك ديونك عايزين يتأكدوا أنك أتخذت سياسة جديدة غير السياسة اللي سببت ليك الديون نفسها .. بديهي مافي زول حيديك قروض أو يعفي ليك ديون سابقة وهو شايفك بتصرف قروشك بدون سياسة ..
الدول اللي بنتسلف منها دي زاتا ما قعد تدعم سلع لمواطنيها .. فما حتدينا قروش عشان ندعم بيها سلع أصلا ..
-
حيطلع زول هسه يقول لينا أصلا نحن ليه نستلف قروش من العالم .. ونحن بلد غني .. بقول ليهو أول حاجة نحن ما بلد غني ولا أي حاجة ..نحن بلد فقير جدا ..عجز موازنتنا فوق 3 مليار دولار
-
حيطلع زول هسه يقول لينا أصلا نحن ليه نستلف قروش من العالم .. ونحن بلد غني .. بقول ليهو أول حاجة نحن ما بلد غني ولا أي حاجة ..نحن بلد فقير جدا ..عجز موازنتنا فوق 3 مليار دولار
نحن الباخرة بتجي تقيف في الميناء شايلة محروقات وعايزة دولار .. عندنا حل واحد .. أما المحروقات تنعدم تماما .. أو نشتري من الباخرة دي وندفع دولار .. وبعد نشتري نشيل المحروقات نوديها السوق .. يتباع جزء .. ويتهرب جزء .. ويتخزن جزء ..
والقروش الراجعة لينا تكون حوالي 25% من الدفعناها قبيل للباخرة .. والساقية تدور ويجي زول يقول ليك تثبيت سعر الصرف :)
-
الحيقول لينا نحن مفروض ((ننتج)) عشان ما نحتاج للناس بقول ليهو نحن عشان نبقى دولة منتجة وننصنع موادنا الخام ..
-
الحيقول لينا نحن مفروض ((ننتج)) عشان ما نحتاج للناس بقول ليهو نحن عشان نبقى دولة منتجة وننصنع موادنا الخام ..
عايزين إنتاج كهربائي فوق 20 ألف ميجا واط في الساعة ((دي دراسة قديمة تمت سنة 2007)) .. وحاليا نحن ما عندنا إلا 20% من الرقم ده وبالتلتلة !!
وعشان ننتج الرقم ده محتاجين بنية تحتية تتجاوز 4 مليار دولار ((شفت العجز حقنا فوق كم :) ))
وعشان ننتج الرقم ده محتاجين بنية تحتية تتجاوز 4 مليار دولار ((شفت العجز حقنا فوق كم :) ))
انا هنا ما حأتكلم عن تكلفة النقل اللي محتاجة شبكة قطارات زي الدول المنافسة أو تقانة زراعية لزيادة الإنتاجية أو خبرة تراكمية في مجال الصناعة .. محتاج بناء سمعة كمان.. لأنه كونك فتحت مصنع وأنتجت شوية حاجات ما معناه دي بقت ماركة والناس حتتهافت عليها !!
نحن محتاجين لعون العالم فعلا .. إعفاء ديون .. وديون جديدة لتأهيل الطرق وإنشاء محطات كهرباء .. وشركات أجنبية عندها خبرة وتطوير التقانة الزراعية .. ودي كلها تمر عبر المجتمع الدولي .. وبدون الحاجات دي الكلام عن إنتاج وتصدير حيكون مجرد ونسة ..
-
-
الكان بيعمله البدوي .. هو نفس الحيعمله أي وزير مالية يجي يمسك مكانه .. اللهم إلا لو حابين ندير إقتصادنا بشعارات ((حنسيد نحن بلادنا وحنفوت العالم أجمع)) .. لو عايزين شغل علمي ينزل في الأرض ياهو الكان بيعمله البدوي وياها روشتة البنك الدولي البنتكلم عنها أنها حاجة كعبة دي ..
السودان محتاج مؤتمر إقتصادي .. توضع فيهو سياسات الخمسة سنين الجاية .. ومفروض تشارك فيهو كل القوى السياسية ((منعا للخرخرة)) .. السياسة دي تطبق بحذافيرا غض النظر عن الوزير المكلف .. وتملك الحقائق للشعب .. وهي حقائق في الغالب مريرة ..
وكونه وزير مالية شاطر شديد .. يمسك كده.. البنزين يرقد هبطرش وب 15% من سعره العالمي .. والجنيه يستقر في مكانه فجأتن كده .. ده لو حصل معناه الوزير الجديد ده حاوي ما وزير ..
ــ عويس سعيد
ــ عويس سعيد
جاري تحميل الاقتراحات...