رتبها

ثريد بأهم المراجع اللي كل طالب طب لازم يشوفها،
قبل كل اشي،
-انا كنت طالب ضمن ال average وما كنت أهتم لمراجع الجامعة ولا كتب الجامعة، وكنت دايما احاول اوازن بين الدراسة والنشاطات المختلفة بالحياة
-مراجع الطب لا تعد ولا تحصى وكل شخص اسلوبه الدراسي فاعتبرو الثريد review للمراجع

- أهم نقطة بخصوص الكتب الكبيرة(مثل غايتون، دافدسون وغيرهم) رغم زخمها وشمولها لكل اشي لا تشتريها ولا تدرس منها لانها مضيعة للوقت ورح تنسى معظم اللي بتقرأه فيها.
-حاول دائما تلاقي ربط بين المعلومات اللي بتتعلمها وحاول لاقي هدف كلينيكي للمعلومة

- التفاصيل المذكورة بالمحاضرات او الاسئلة للسنوات السابقة اهم من دراسة اي كتاب في حال كان هدفك العلامة فقط.
- المراجع المذكورة قد لا تكون أفضل المراجع، ولكن انا كنت اشوف انها مفيدة وأهم اشي انه بتخلص بسرعة بحيث يكون عندي وقت لممارسة الحياة او ممارسة هواية النوم بسلام.

المراجع:
أهم مرجع لاي طالب طب وطبيب هو كتاب first aid
بس تشتريه اكتب وصيتك عليه ووصي على دفنه معك.
هذا الكتاب يعتبر ملخص لكل المعلومات الهامة في الطب واللي فعلا بتفيدك خلال حياتك كطبيب.
حاول تعمل الكتاب ب binder زي الصورة لحتى تقدر تضيف اوراق ويصير مرجعك مدى الحياة+

Costanzo physiology
هذا الكتاب يعطيك الصافي بدون لف ودوران وبربطلك المعلومات واسلوبه سلس
من اول يوم بتبدأ بدراسة الفسيولوجي خليه معك وظلك ادرس عليه خلال السستمات.
BRS physiology:
يعتبر ملخص ل costanzo على شكل نقاط ومن تأليف نفس المؤلفة.+

Junqueira histology flash cards
Basic histology flash cards
موجودين على شكل تطبيقات مدفوعة او hardcopy
اسرع طريقة لحفظ ومراجعة الهستولوجي باسلوب فلاش كاردز وجداول مقارنات بين المعلومات المتشابهة. +

Snell's clinical anatomy Q&A,
anatomy shelf notes
بيعطوك اهم المعلومات التشريحية العملية و المهمة خلال يومك كطبيب بعيدا عن التفاصيل التشريحية اللي بننساها بعد امتحان الاناتومي مباشرة.
++

Lippincott's biochemistry
افضل مرجع للبيوكيم
lippincott illustrated reviews cell and molecular biology
ابسط مرجع للجنتكس والموليكيولار بيولوجي
Lippincott's biochemistry flashcards
للمراجعات السريعة للبيوكيم.++

Pathoma:
كتاب مختصر للباثولوجي، وكل كلمة فيه تعتبر معلومة ذات اهمية عملية ورح تشوفها بشكل اكيد او تنسأل عنها خلال دوامك بالمستشفيات.
goljian:
كتاب لطيف على شكل نقاط، فيه شوية معلومات اكثر من باثوما، وتسلسله بسرد النقاط رهيب جدا. ++

Pharmacology:
للناس اللي بتحب الفيديوهات وذاكرتهم الصورية والقصصية ممتازة
sketchypharm أفضل مرجع الكم
Pharmacology flashcards
برضو خرافيين للناس اللي بتحب تقرأ وبتحب الفلاش كاردز ++

Microbiology
sketchymicro ينطبق عليهم ما ينطبق على سكتشي فارما
microbiology made ridiculously simple
للناس اللي بتحب تقرأ ولا تفضل الفيديوهات. ++

- Macleod clinical examination
ببداية الكلنكال لازم ينقرأ.
- موقع geekymedics،
فيديوهات بالفحص السريري رهيباااااااات جدا ، قبل كل امتحان اوسكي كنت بس احضر فيديوهاتهم وادرس شوية ملخصات واروح عالامتحان. ++

internal medicine:
step up to medicine اسلوبه نقاط وشامل ولطيف
Kaplan اسلوبه سردي وفقرات وبرضو مرجع جيد وشامل
medstudy course review مختصر ومفيد وسريع
طبعا هذا للي بحبو الفيديوهات،
وبتدرس الباطني وانت مرتاح نفسيا وبتعيش حياتك وبتقضيها طشات.++

قناة strong medicine على اليوتيوب رهيبين جدا، شارح الelectrolytesوال acid base disorder باسلوب مرتب وهو الوحيد اللي جد فهمتهم منه.
ECG academy
بشرح ال ECG من الصفر لحد ما تصير electrophysiologist والحلو فيه انه بشرح على ECG حقيقي لمرضى مش زي تبع الكتب اللي بكون واضح و typical++

The ECG made easy
مختصر وقصير وبعطيك الصافي برضو. لس لحاله ما بكفي
بدك تشوف تخطيطات كثير لحتى تصير تعرف تقرأهم منيح
كتاب
150 ECG cases من نفس السلسلة
بخليك تصير تعرف تحل الاسئلة وتقرأ ال ECG منيح.
++

OSCEs for medical finals
فيه شوية شرح للهستوري والفحص السريري
وفيه checklists لكل complain وشو لازم تسأل اسئلة بالهستوري
مفيد جدا جدا للتدريب على الامتحانات وتصير تعرف تاخذ هستوري شاملة. ++

Pediatrics:
kaplan مع الفيديوهات
بخلصو باقل من اسبوعين، وبتكون درست كلشي مهم بالاطفال.
peds at a glance
كنت استخدمه بس عشان الرسمات اللي فيه عشان احفظ ال DDX لكل عرض++

Uowrld
ثاني افضل مرجع بعد فيرست ايد،
لازم تتعود على السيناريوهات الطبية
uworld step 1
بامكانك تبدأ تطلع عليه بنص سنة ثالثة لما تكون قطعت شوي بالسستمات،
مع بداية الكلنكال ابدا حل اسئلة
uworld step 2
وافهم كل سؤال وكل خيار ليش خطأ وكيف لازم تستبعد الخيارات الخطأ+

خلال دراستك لهاي المراجع كلها، دائما ارجع لكتاب فيرست ايد
فيرست ايد هو الرفيق المقصود بعبارة خير جليس في الزمان كتاب،
الكتب الثانية كلها رفقاء أوقات، بتدرسها وبتمتحن فيها وبتنساها،
فيرست ايد باقي معك للأبد، وحاول لخص عليه وضيف عليه المعلومات الاضافية لحتى يصير كتابك الشامل++

بنهاية الثريد،
العلم اللي بتكتسبه من خلال توسعك بالمراجع هو لك فقط ولن ينعكس على تحصيلك الجامعي.
التحصيل الجامعي في معظم الأحيان يعتمد على اسئلة السنوات وكلام الدكتور خلال المحاضرات او الراوندات.

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد